நித்திய ஜீவன்

நன்றி.

இயேசு 'கிறிஸ்து'தான் என்றும், பிதாவாகிய தேவன் ஆதியந்தமில்லாத ஒருவர் என்றும், கர்த்தராகிய இயேசுகிறிஸ்து தேவனுடைய குமாரன் என்றும் வேதம் வலியுருத்துகிறது என்பதை அண்மையில்தான் அறிந்து கொண்டேன். சத்தியத்தை அறியும் வாஞ்சையால் கிடைக்கும் வேத விளக்கங்களை இதுபோன்ற தளங்களிலிருந்து கற்றுக்கொண்டிருக்கிறேன்.

வெளியில் விவாதிக்கத் தயங்குகிற விஷயங்கள் இங்கு அலசப்படுவது பாராட்டத்தக்கது. பாரம்பரிய TELC    சபையைச் சேர்ந்த நான் வேதத்தின் பால் உள்ள வாஞ்சையால் சபை பாரம்பரியங்களுக்கு அப்பால் வேத சத்தியங்களைத் தேட முயல்கிறேன்.

இவாஞ்சலிக்கன் லுத்தரன் சபை(TELC) சார்ந்தவராக தன்னை அறிமுகப்படித்திக் கொண்டு வந்திருக்கும் சகோ.RS அவர்களுக்கு வந்தனங்களும் வாழ்த்துக்களும். நீங்கள் ஏற்கனவே வேறொரு தளத்தில் சகோ.அன்பு அவர்களுடன் விவாதித்திருக்கிறீர்கள் என்று உங்கள் பதிவிலிருந்து தெரிகிறது. நல்லது. ஆனால் அவ்ர்களின் முரண்பட்ட கருத்தை சுட்டிக் காட்டிய நீங்கள் அந்தப் பதிவையும் இங்கு கொடுத்து அதற்கான லின்க்கையும் கொடுத்திருந்தால் நலமாக இருந்திருக்கும். சரி போகட்டும்.

கிறிஸ்து ஆராதனைக்குரியவரா?

முதலாவதாக நாம் வேதாகமத்தில் ஏதாவது கேள்விக்கு பதில் காண முயலும் போது ஒரே ஒரு வசனத்தை மாத்திரம் பிடித்துக் கொண்டு இதான் தெளிவாக கூறப்பட்டிருக்கிறதே என்று ஒரு முடிவுக்கு நாம் வந்துவிடக்கூட      கூடாது. மாறாக முழு வேதாகமத்தின் வெளிச்சத்தில்தான் நாம் பதில் காண வேண்டும். இன்றைக்கு பல உபதேசக் குழப்பங்களை நாம் காண்கிறோம். அதற்கு முக்கியமான காரணம் முழுமையான வேதாகமப் புரிந்து கொள்ளல் இல்லாமையே.

இயேசுகிறிஸ்துவின் வார்த்தையை மேற்கோள் காட்டி சகோ.அன்பு கூறியிருப்பவைகளைப் பார்ர்த்தால் இயேசுவை ஆராதிக்கக் கூடாது என்று அவர் சொல்ல வருகிறாரோ என்கிற சந்தேகம் எழுகிறது.

தேவன் ஆராதிக்கப்படத்தக்கவர் என்பதில் எவருக்கும் எள்ளளவும் சந்தேகம் இருக்க முடியாது. ஆனால் தேவ குமாரனான இயேசு...........................................????? ............... வேதம் என்ன கூறுகிறது

தமது முதற்பேறானவரை உலகத்தில் பிரவேசிக்கச்செய்தபோது: தேவதூதர் யாவரும் அவரைத் தொழுதுகொள்ளக்கடவர்கள் என்றார்.  (எபிரெயர் 1:6)  கவனிக்க இங்கு சொன்னவர் தேவன்.

ஆதலால் தேவன் எல்லாவற்றிற்கும் மேலாக அவரை உயர்த்தி.......(பிலிப்பியர் 2:9) இங்கும் உயர்த்தினவர் தேவனே

மேலும் அப்.தோமா இயேசுவிடம் ”என் ஆண்டவரே என் தேவனே ” என்று சொன்ன போது இயேசு அதற்கு மறுப்பேதும் சொல்லவில்லை. ” காணாதிருந்தும் விசுவாசிக்கிறவர்கள்” பாக்கியவான்கள் என்றே கூறினார் (யோவான் 20:28).

இன்னும் சொல்லப்போனால், இயேசுவிடம் வந்தவர்கள் அவரை தொழுது கொண்டனர், பணிந்து கொண்டனர் என்றெல்லாம் நாம் நற்செய்தி நூல்கள் நெடுகிலும் நாம் வாசிக்கிறோம். இயேசு வேதத்தில் ஒரு இடத்திலும் என்னை தொழுது கொள்ளவோ பணிந்து கொள்ளவோ கூடாது என்று கூறவில்லை.  ஆகவே இயேசு ஆராதனைக்குரியவரே. அவர் பரலோக சபையினராலேயே ஆராதிக்கப்படும் போது நாம் அவரை இங்கே ஆராதிப்பதற்கு தயங்க வேண்டிய அவசியமில்லை, இல்லவே இல்லை.

அப்படியானால் இயேசு ஏன் பிசாசிடம் அவ்வாறு கூறினார் என்ற கேள்வியும் நமக்கு எழ்க்கூடும். அங்கே இயேசு எந்த சூழ்நிலையில் ”உன் தேவனாகிய கர்த்தரைப் பணிந்துகொண்டு, அவர் ஒருவருக்கே ஆராதனை செய்வாயாக என்று எழுதியிருக்கிறதே” என்று கூறினார் என்று பார்க்கவேண்டும். அங்கு நடந்தது என்ன? சாத்தான் தன்னைப் பணிந்து கொள்ளும்படிக்கு, “ நீர் சாஷ்டாங்கமாய் விழுந்து, என்னைப் பணிந்துகொண்டால், இவைகளையெல்லாம் உமக்குத் தருவேன் என்று” என்று உலகத்தை காண்பித்து சொல்லும்போதுதான் இயேசு அவ்வாறு சொன்னார். இயேசு தனது ஜீவனைக் கொடுத்துதான் உலகத்தை தனக்கு ஆதாயமாக்கிக் கொண்டார். அதுவே அவர் உலகத்திற்கு வந்த நோக்கம். அதை குழப்ப சாத்தான் பயன்படுத்தின தந்திரம் எடுபடாமற் போயிற்று. சாத்தானைப்ப் போல சந்தேகக்கேள்விகள் எழுப்புபவரின் தந்திரங்களும் உண்மையாக வேதாகமத்தை ஆராய்ந்து பார்த்தால் எடுபடாமற் போகும்.

இன்னும் விளக்கமாக கூறுகிறேன் கேளுங்கள். நீங்கள் ஒரு ரோபோட் (கம்ப்யூட்டர் மனிதன்)  செய்கிறீர்கள். அது உங்களுக்கு கீழ்ப்படியாமல் நீங்கள் அதற்கு கீழ்ப்படியவேண்டும் என்று உங்களிடம் எதிர்பார்த்தால் அதை நீங்கள் என்ன செய்வீர்கள்? கொஞ்சம் யோசித்துப் பாருங்கள்.  லூசிபராகிய சாத்தான் இயேசுகிறிஸ்துவினால் உண்டாக்கப்பட்டவன். அப்படியிருக்க அவனுக்கு எவ்வளவு துணிகரம் பாருங்கள். இன்று அனேக உபதேசக்காரர்களுக்கு இருப்பதும் துணிகரம் என்றே வேதம் கூறுகிறது.

அந்த நான்கு ஜீவன்களும், இருபத்துநான்கு மூப்பர்களும் தங்கள் தங்கள் சுரமண்டலங்களையும், பரிசுத்தவான்களுடைய ஜெபங்களாகிய தூபவர்க்கத்தால் நிறைந்த பொற்கலசங்களையும் பிடித்துக்கொண்டு, ஆட்டுக்குட்டியானவருக்குமுன்பாக வணக்கமாய் விழுந்து: தேவரீர் புஸ்தகத்தை வாங்கவும் அதின் முத்திரைகளை உடைக்கவும் பாத்திரராயிருக்கிறீர்; ஏனெனில் நீர் அடிக்கப்பட்டு, சகல கோத்திரங்களிலும் பாஷைக்காரரிலும் ஜனங்களிலும் ஜாதிகளிலுமிருந்து எங்களை தேவனுக்கென்று உம்முடைய இரத்தத்தினாலே மீட்டுக்கொண்டு,  எங்கள் தேவனுக்குமுன்பாக எங்களை ராஜாக்களும் ஆசாரியர்களுமாக்கினீர்; நாங்கள் பூமியிலே அரசாளுவோமென்று புதிய பாட்டைப் பாடினார்கள். பின்னும் நான் பார்த்தபோது, சிங்காசனத்தையும் ஜீவன்களையும் மூப்பர்களையும் சூழ்ந்திருந்த அநேக தூதர்களுடைய சத்தத்தைக் கேட்டேன்; அவர்களுடைய இலக்கம் பதினாயிரம் பதினாயிரமாகவும், ஆயிரமாயிரமாகவுமிருந்தது.  அவர்களும் மகா சத்தமிட்டு: அடிக்கப்பட்ட ஆட்டுக்குட்டியானவர் வல்லமையையும் ஐசுவரியத்தையும் ஞானத்தையும் பெலத்தையும் கனத்தையும் மகிமையையும் ஸ்தோத்திரத்தையும் பெற்றுக்கொள்ளப் பாத்திரராயிருக்கிறார் என்று சொன்னார்கள்.  அப்பொழுது, வானத்திலும் பூமியிலும் பூமியின் கீழுமிருக்கிற சிருஷ்டிகள் யாவும், சமுத்திரத்திலுள்ளவைகளும், அவற்றுளடங்கிய வஸ்துக்கள் யாவும்: சிங்காசனத்தின்மேல் வீற்றிருக்கிறவருக்கும் ஆட்டுக்குட்டியானவருக்கும் ஸ்தோத்திரமும் கனமும் மகிமையும் வல்லமையும் சதா காலங்களிலும் உண்டாவதாக என்று சொல்லக்கேட்டேன்.  அதற்கு நான்கு ஜீவன்களும் ஆமென் என்று சொல்லின. இருபத்து நான்கு மூப்பர்களும் வணக்கமாய் விழுந்து சதாகாலங்களிலும் உயிரோடிருக்கிறவரைத் தொழுதுகொண்டார்கள். (வெளிப்படுத்தல் 5: 8-14)

சத்திய வேதாகமத்தில் யாதொரு குழப்பமும் இல்லை. அனைத்து கேள்விகளுக்கும் தெளிவான பதில் உண்டு. குழப்பம் வேதாகமத்தில் இல்லை என்கீறபோது அது எங்கே இருக்கீறது என்பதை வாசிக்கிற இதை நீங்களே அறிந்து கொள்வீர்கள்.  இயேசு ஆராதனைக்குரியவர் அல்ல என்கிற சிந்தையுடையவர் அவருடைய தெய்வீகத்தை மறுக்கிறார், தேவனையே ஏற்றுக்கொள்ள மறுக்கிறார். அப்படிப்பட்டவர்களை விட்டு நாம் விலகவேண்டும்..... விலக்க வேண்டும்.

முந்தின பதிவின் தொடர்ச்சி .....

இத்தளத்தின் விவாதங்கள் பகுதியில், திரித்துவம் எனும் தலைப்பில் சகோ.ராஜ்சார்லஸ் பின்வருமாறு எழுதியிருந்தார்.
//மூவரும் சமமானவர்கள், மூவரும் நித்தியமானவர்கள், மூவரும் யாராலும் உண்டாக்கபடாதவர்கள்.//

சகோ.ராஜ்சார்லஸ் மட்டுமல்ல, அவரைப்போல் பலரும் இதே கருத்தை உடையவர்களாகத்தான் இருக்கின்றனர். ஆனால் இயேசு என்ன சொல்கிறார்?

யோவான் 10:29 அவைகளை எனக்குத் தந்த என் பிதா எல்லாரிலும் பெரியவராயிருக்கிறார்.
யோவான் 14:28 ... ஏனெனில் என் பிதா என்னிலும் பெரியவராயிருக்கிறார்

இயேசுவுக்கு சகல அதிகாரத்தையும் கொடுத்தவர் பிதா. அதிகாரத்தைப் பெற்றவர், அதிகாரத்தைக் கொடுத்தவருக்குச் சமமாக இருக்கமுடியுமா?


இயேசுவைத் தேவன் என சில வசனங்கள் கூறுவது மெய்தான். ஆனால் “ஒரே தேவன் (Unique God)” யாராக இருக்கமுடியும்? பிதாவாகிய தேவனாக மட்டுமே இருக்கமுடியும். இரண்டு “Unique God” அல்லது இரண்டு “ஒரே தேவன்” இருக்கவே முடியாது. பின்வரும் வசனங்களில் பவுல் கூறுவதைப் படியுங்கள்.

1 தீமோத்தேயு 2:5,6 தேவன் ஒருவரே, தேவனுக்கும் மனுஷருக்கும் மத்தியஸ்தரும் ஒருவரே. எல்லாரையும் மீட்கும்பொருளாகத் தம்மை ஒப்புக்கொடுத்த மனுஷனாகிய கிறிஸ்து இயேசு அவரே.

இயேசுவை தேவன் என வேறு சில வசனங்கள் கூறியுள்ளபோதிலும் (யோவான் 1:1; 20:28; எபிரெயர் 1:9), தேவன் ஒருவரே எனச் சொல்லி, “தேவன்” என்ற வார்த்தைக்குரிய uniqueness-ஐ இவ்வசனத்தில் பவுல் காண்பிக்கிறார்.

இயேசுவை தேவன் என சில வசனங்கள் கூறுவது மெய்தான். ஆனால் இயேசுவின் தேவன் யார்? பின்வரும் வசனங்களைப் படியுங்கள்.

மத்தேயு 27:46 ஒன்பதாம்மணி நேரத்தில் இயேசு: ஏலீ! ஏலீ! லாமா சபக்தானி, என்று மிகுந்த சத்தமிட்டுக் கூப்பிட்டார்; அதற்கு என் தேவனே! என் தேவனே! ஏன் என்னைக் கைவிட்டீர் என்று அர்த்தமாம்.
யோவான் 20:17 இயேசு அவளை நோக்கி: என்னைத் தொடாதே, நான் இன்னும் என் பிதாவினிடத்திற்கு ஏறிப்போகவில்லை; நீ என் சகோதரரிடத்திற்குப் போய், நான் என் பிதாவினிடத்திற்கும் உங்கள் பிதாவினிடத்திற்கும், என் தேவனிடத்திற்கும் உங்கள் தேவனிடத்திற்கும் ஏறிப்போகிறேன் என்று அவர்களுக்குச் சொல்லு என்றார்.
எபிரெயர் 1:8-12 குமாரனை நோக்கி: தேவனே, உம்முடைய சிங்காசனம் என்றென்றைக்குமுள்ளது, உம்முடைய ராஜ்யத்தின் செங்கோல் நீதியுள்ள செங்கோலாயிருக்கிறது. ... ஆதலால், தேவனே, உம்முடைய தேவன் உமது தோழரைப்பார்க்கிலும் உம்மை ஆனந்த தைலத்தினால் அபிஷேகம்பண்ணினார் என்றும்; ... நீரோ மாறாதவராயிருக்கிறீர், உம்முடைய ஆண்டுகள் முடிந்துபோவதில்லை என்றும் சொல்லியிருக்கிறது.

எபிரெயர் 1:8-ம் வசனம், குமாரனாகிய இயேசுவை தேவன் எனக் கூறுகிறது. ஆனால், அதையடுத்த 9-ம் வசனம், “தேவனே, உம்முடைய தேவன்” எனச் சொல்லி பிதாவானவர் குமாரனாகிய தேவனுக்கும் தேவனாக இருக்கிறார் எனக் கூறுகிறது.

தேவன் எனும் வார்த்தை ஒரு வசனத்தில் சாத்தானைக் குறிப்பிடுகிறது. தேவர்கள் எனும் வார்த்தை பழைய ஏற்பாட்டின் சில வசனங்களில் ஆசாரியர்களைக் குறிப்பிடுகிறது. பின்வரும் வசனங்களைப் படியுங்கள்.

2 கொரி. 4:4 தேவனுடைய சாயலாயிருக்கிற கிறிஸ்துவின் மகிமையான சுவிசேஷத்தின் ஒளி, அவிசுவாசிகளாகிய அவர்களுக்குப் பிரகாசமாயிராதபடிக்கு, இப்பிரபஞ்சத்தின் தேவனானவன் அவர்களுடைய மனதைக் குருடாக்கினான்.

சங்கீதம் 82:1,6 தேவசபையிலே தேவன் எழுந்தருளியிருக்கிறார்; தேவர்களின் நடுவிலே அவர் நியாயம் விசாரிக்கிறார். நீங்கள் தேவர்கள் என்றும், நீங்களெல்லாரும் உன்னதமானவரின் மக்கள் என்றும் நான் சொல்லியிருந்தேன். (இவ்வசனங்களில் தேவர்கள் எனும் வார்த்தை இஸ்ரவேலரை நியாயம் விசாரித்த ஆசாரியர்களைக் குறிப்பிடுகிறது. இவ்வசனங்களைத்தான் பின்வரும் வசனங்களில் இயேசு மேற்கோள் காட்டுகிறார்.)

யோவான் 10:33 இயேசு அவர்களுக்குப் பிரதியுத்தரமாக: தேவர்களாயிருக்கிறீர்கள் என்று நான் சொன்னேன் என்பதாய் உங்கள் வேதத்தில் எழுதியிருக்கவில்லையா? தேவவசனத்தைப் பெற்றுக்கொண்டவர்களைத் தேவர்கள் என்று அவர் சொல்லியிருக்க, வேதவாக்கியமும் தவறாததாயிருக்க, பிதாவினால் பரிசுத்தமாக்கப்பட்டும், உலகத்தில் அனுப்பப்பட்டும் இருக்கிற நான் என்னைத் தேவனுடைய குமாரன் என்று சொன்னதினாலே தேவதூஷணஞ் சொன்னாய் என்று நீங்கள் சொல்லலாமா?

தேவவசனத்தைப் பெற்றுக்கொண்ட ஆசாரியர்களையே தேவர்கள் என தேவன் சொல்லியிருக்கும்போது, பிதாவிடமிருந்து பரிசுத்தமாக்கப்பட்ட வந்த தம்மை ஏன் தேவனுடைய குமாரன் என தாம் சொல்லக்கூடாது எனபதே இயேசுவின் கேள்வி.

தேவன் எனும் வார்த்தைப் பயன்பாட்டின் அடிப்படையில் இயேசு பிதாவுக்குச் சமம் எனும் முடிவை எடுப்பது சரியல்ல. மேற்கூறிய வசனங்களில், தேவன், தேவர்கள் எனும் வார்த்தைகள் பலரையும் குறிப்பிட பயன்படுத்தப்பட்டுள்ளன. ஆனால் அவற்றின் கருத்து என்ன?

இஸ்ரவேலர்களுக்கு ஆசாரியர்கள் தேவர்களாயிருந்தனர்.

இப்பிரபஞ்ச மக்களுக்கு சாத்தான் தேவனாக இருக்கிறான்.

உலக மக்கள் அனைவருக்கும் பிதாவும் இயேசுவும் தேவனாக இருக்கின்றனர்.

ஆனால் உலக மக்களுக்கு மட்டுமின்றி இயேசுவுக்கும் தேவனாக பிதா இருக்கிறார்.

எனவே இயேசு உட்பட அனைவருக்கும் ஒரே தேவனாக இருப்பது பிதாவாகிய தேவனே. அந்த ஒரே தேவனையே ஆராதனை செய்யும்படி இயேசு கூறுகிறார். இதற்கு மிஞ்சி எண்ணுவதற்கு எதுவுமில்லை என்பதே என் கருத்து.

அடுத்த பதிவில் தொடர்கிறது .....

The Jews therefore said to Him, "You are not yet fifty years old, and have You seen Abraham?" Jesus said to them, "Truly, truly, I say to you, before Abraham was born, I am." Therefore they picked up stones to throw at Him; but Jesus hid Himself, and went out of the temple. (John 8:57-59)

"I and the Father are one." The Jews took up stones again to stone Him. Jesus answered them, "I showed you many good works from the Father; for which of them are you stoning Me?" The Jews answered Him, "For a good work we do not stone You, but for blasphemy; and because You, being a man, make Yourself out to be God." (John 10:30-33)

And Jesus cried out and said, "He who believes in Me does not believe in Me, but in Him who sent Me. And he who beholds Me beholds the One who sent Me. I have come as light into the world, that everyone who believes in Me may not remain in darkness." (John 12:44-46)

Jesus said to him, "I am the way, and the truth, and the life; no one comes to the Father, but through Me. If you had known Me, you would have known My Father also; from now on you know Him, and have seen Him." Philip said to Him, "Lord, show us the Father, and it is enough for us." Jesus said to him, "Have I been so long with you, and yet you have not come to know Me, Philip? He who has seen Me has seen the Father; how do you say, 'Show us the Father'?" (John 14:6-9)