நித்திய ஜீவன்

anbu57 · Militant

ஆதாம் தற்போது “ஆபிரகாமின் மடியிலா, பாதாள அக்கினியிலா?”

Bereans · Senior Member

6000 வருடங்கள் அல்ல, இன்னும் கிறிஸ்து வரும் நாள் மட்டும் ஆதாம் அவனுக்கு (அவனுக்குள் மாம்சமான எல்லா மனிதர்களும் தான்) நியமிக்கப்பட்ட மண்ணிற்குள் மண்ணாகத்தான் இருப்பான்!! ஆதாம் மாத்திரம் அல்ல, அவனுக்குப் பின் உண்டான மனித சந்ததிகள் எல்லாருக்கும் இதே நிலைதான், இதே இடம்தான்!!

உவ‌மைக்காக‌ சொல்ல‌ப்ப‌ட்ட‌ ஆபிர‌காமே அதே ம‌ண்ணில் தான் போயிருக்கிறார், கிறிஸ்து வ‌ரும் நாள் ம‌ட்டும்!! உயிர்த்தெழுத‌லில் இவ‌ர்க‌ள் யாவ‌ரும் ப‌ங்குபெறும் நாள் ம‌ட்டும், ஆபிர‌காமின் ம‌டியும், எரி ந‌ர‌க‌மும் ஒன்றும் கிடையாது!!

ஆதி 3:19. நீ பூமியிலிருந்து எடுக்கப்பட்டபடியால், நீ பூமிக்குத் திரும்புமட்டும் உன் முகத்தின் வேர்வையால் ஆகாரம் புசிப்பாய்; நீ மண்ணாயிருக்கிறாய், மண்ணுக்குத் திரும்புவாய் என்றார்.

1 கொரி 15:21. மனுஷனால் மரணம் உண்டானபடியால், மனுஷனால் மரித்தோரின் உயிர்த்தெழுதலும் உண்டாயிற்று. 22. ஆதாமுக்குள் எல்லாரும் மரிக்கிறதுபோல, கிறிஸ்துவுக்குள் எல்லாரும் உயிர்ப்பிக்கப்படுவார்கள். 23. அவனவன் தன்தன் வரிசையிலே உயிர்ப்பிக்கப்படுவான், முதற்பலனானவர் கிறிஸ்து; பின்பு அவர் வருகையில் அவருடையவர்கள் உயிர்ப்பிக்கப்படுவார்கள்.

ம‌ற்ற‌ப்ப‌டி ஆதாமிற்கு எந்த‌ விசேஷ‌மான‌ அல்ல‌து மோச‌மான‌ இட‌ம் என்று ஒன்றும் இல்லை!! மர‌ண‌ம் என்றால் என்ன‌வென்று தெரிந்துகொண்டாலே போதும்!!

anbu57 · Militant

பதில் தந்த பெரியன்ஸ்-க்கு நன்றி.

சகோதரரின் பதில் ஏற்றுக்கொள்ளக்கூடியதாகவே உள்ளது.

ஆனால் கொல்வின் இன்னும் பதில் தராமல் மவுனம் சாதிக்கிறார். இது பற்றி சில்சாம் கேள்வியெழுப்பியபோது, “கிறிஸ்து நேசன்” தளத்தில் பதில் தராத கொல்வின், சில்சாமின் தளத்தில் பதில் தந்துள்ளார். அவர் தந்த பதிலும் அதற்கான தொடுப்பும்:

//சகோ. சில்சாம்

இதைக்குறித்து எழுதவதென்றால் பக்கம் பக்கமாகக எழுத வேண்டும். ஆயினும் நான் ஒரு காரியம் செய்துள்ளேன். சகோ. வசந்தகுமார் எழுதிய நூல் என்றினை தரவேற்றம் செய்துள்ளேன். அதில் பின்வரும் விடயங்கள் காணப்படுகின்றன. ......//

//உங்கள் அனைத்துக் கேள்விகளுக்கும் விடை கிடைக்கும் என நம்புகிறேன். இலங்கையில் இந்த நூல் பல பதிப்புகளை கண்டு விற்பனையில் சாதனை படைத்தது. தற்போது விற்பனைக்கும் கிடைப்பதில்லை. நீங்கள் கேட்டுக்கொண்டதற்கிணங்க உங்களுக்கு தந்துள்ளேன். படித்துப் பார்த்துவிட்டு உங்கள் கருத்தினை தெரிவியுங்கள்.//

தொடுப்பு: http://www.activeboard.com/forum.spark?aBID=134567&p=3&topicID=40027002

நறுக்குத் தெரித்தாற்போலுள்ள கேள்விக்கு நறுக்குத் தெரித்தாற்போல் பதில் சொல்லாமல், பக்கம் பக்கமாக எழுதவேண்டும் என்று சொல்லி ஒரு புத்தகத்தை கைகாட்டி விட்டு ஒதுங்கிவிட்டார், கொல்வின்.

கிறிஸ்து நேசன் தளத்தில் கேள்வி எழுப்பின நண்பர் தங்கராஜ், யாரும் பதிலளிக்காத நிலையில் இவ்வாறு எழுதியுள்ளார்.

//சகோ.கொல்வின் மட்டுமின்றி, "மரித்தபின்னர் மனிதன் தன் ஆத்துமாவில் உணர்வுள்ளவனாக இருப்பான்" என நம்புகிற எவராலுமே எனது கேள்விக்குப் பதில் தரஇயலாது.

எனது கேள்வி இதுதான்.

//6000 வருடங்களாக ஆதாம் உணர்வுடன் இருக்கிறார் என்கிறீர்கள். அவர் “லாசருவைப்” போல ஆபிரகாமின் மடியிலிருப்பாரா, அல்லது “ஐசுவரியவானைப்” போல பாதாள அக்கினியில் வேதனையுடன் ஒரு சொட்டுத் தண்ணீருக்காக ஏங்கிக் கொண்டிருப்பாரா?//

எனது கேள்விக்குப் பதிலாக: “லாசருவைப் போல ஆபிரகாமின் மடியில் ஆதாம் இருப்பார்" என்று சொன்னால், தேவனின் கட்டளையை மீறின ஆதாமை ஆபிரகாமின் மடிக்கு அனுமதித்த தேவன், அந்த “ஐசுவரியவானை” மட்டும் ஆபிரகாமின் மடிக்கு அனுமதிக்காமல், பாதாள அக்கினியில் வேதனையுடன் ஒரு சொட்டு தண்ணீருக்காக ஏங்கச் செய்தது ஏன் எனும் கேள்வி எழும்பும். (இக்கேள்விக்கும் அவர்களால் பதில் சொல்ல இயலாது என்பது அடுத்த விஷயம்).

தொடர்கிறது ...//

தங்கராஜின் கேள்விக்கு பதில் சொல்லமுடியாத கொல்வின், தொடர்ந்து மவுனம் சாதிக்கிறார். ஆனால் இடையில் நுழைந்த சில்சாம், தானும் பதில் தெரியாத நிலையில், தனது வழக்கமான பாணியில் எதிராளியின் வாயை அடக்க முயல்கிறார்.

சில்சாம்:
//நண்பரே (Thangaraj),தங்கள் கேள்விகள் அறிவை வளர்த்துக்கொள்ளும் நோக்கிலோ அல்லது அறிவுவிருத்தியைக் குறித்த விழிப்புணர்ச்சியை உண்டாக்கும் நோக்கிலோ இருந்தால் உடனுக்குடன் பதில் பெறமுடியும்;ஆனால் எதிராளியை எதிரியாக பாவித்து எப்படியாவது வீழ்த்திவிடவேண்டுமென்ற வேகத்தில் வருவீர்களானால் எங்களால் ஒன்றும் செய்யமுடியாது.

இந்த குறிப்பிட்ட கட்டுரையின் தொடர்பாக எதுவும் சொல்லாமல் வாதத்தை எங்கோ கொண்டு செல்லுவதால் உமக்கோ எனக்கோ ஒரு பயனும் இராது.

உங்கள் வீட்டு நிலைக்கண்ணாடியின் முன்னின்று இயேசு தெய்வமல்ல, என்று சத்தமாக சொல்லுங்கள்; அதனால் உங்களுக்கு நிம்மதி கிடைத்தால் எனக்கு சந்தோஷம்; ஆனால் இங்கே வந்து அவர் தெய்வமில்லை,என்று சொல்லுவீர்களானால் அதைப் போன்ற இழிவான செயல் ஏதுமிராது என்பதை வருத்தத்துடன் தெரிவித்துக்கொள்ளுகிறேன்;

எதைச் சொன்னாலும் அதிலிருந்து ஒரு புதிய சர்ச்சையைக் கிளப்பும் உத்தியைக் கையாளும் வாதநோய் கொண்டவர்களுடன் நேரத்தை செலவிட இங்கே யாருக்கும் மனமில்லை என்பது எனக்குப் புரிகிறது;உங்களுக்கு அது புரிகிறதா..? //

இப்படித்தான் எந்த விஷயத்திலும் தங்களால் தாக்குப்பிடிக்கும் நிலைவரை எதையாவது சொல்லி விவாதிக்கும் சில்சாம் போன்றவர்கள், இனி தாக்குப்பிடிக்க முடியாது என்ற நிலை வந்ததும், எதிராளியைத் தனிப்பட்ட முறையில் விமர்சிக்கத் தொடங்கி விடுகின்றனர்.

கண்ணாடி முன்னின்று “இயேசு தெய்வமல்ல” எனக் கூறும்படி தங்கராஜுக்கு ஆணையிடுகிற சில்சாம், அவரும் அம்மாதிரி “இயேசு தான் ஒரே தெய்வம்” என தன் வீட்டுக் கண்ணாடி முன்னின்று சொல்லிக் கொள்ளவேண்டியதுதானே?

இத்தனைக்கும் “இயேசு தெய்வமல்ல” என நண்பர் தங்கராஜ் தனது பதிவுகளில் கூறவேயில்லை. அதுபற்றிய விவாதத்தில்தான் அவர் ஈடுபட்டுக்கொண்டிருக்கிறார். அதற்குள் முடிவை நோக்கிச் சென்று, சில்சாம் ஒப்பாரி வைக்க ஆரம்பித்துவிட்டார்.

வாதநோய் கொண்டவர் என தங்கராஜைச் சொல்லி பழிக்கிற சில்சாம் எவ்வளவாய் வாதம் செய்கிறார் என்பதை உலகறியும். விவாதமேடை எனும் தளத்தை நிர்வகித்து அதில் விவாதங்கள் எனும் பகுதியையும் உருவாக்கி வைத்துக்கொண்டு மற்றவர்களைப் பார்த்து “வாத நோய் கொண்டவர்” எனக் கூறி தனது அறிவீனத்தை மீண்டும் சில்சாம் நிரூபித்துள்ளார்.

சில்சாம் இந்நிலையில் நின்றுகொண்டிருக்க, சாலொமோன் எனும் புதியவர், சற்று நீண்ட விளக்கத்துடனான ஒரு பதிலைக் கூறியுள்ளார். அப்பதிலில் தங்கராஜின் கேள்விக்கு அவர் சொல்லும் விடை:

//Adams soul may be rested in heaven. OR God may be kept ADAM's soul in paradise alone. But according to my readings, I dont know that now currently the souls are in PARADISE. So I personally belive Adams soul must be rested in a seperate part of the heaven.//

அதாவது, “ஆதாமின் ஆத்மா பரலோகத்தில் இளைப்பாறலாம்; அல்லது தேவன் ஆதாமின் ஆத்மாவை பரதீசில் மட்டும் வைத்திருக்கலாம். ஆகிலும் என்னைப் பொறுத்தவரை, தற்போது ஆத்துமாக்கள் பரதீசில் இருக்கின்றனவா என்பது எனக்குத் தெரியாது. எனவே நான் தனிப்பட்ட முறையில் நம்புவது: ஆதாமின் ஆத்துமா பரலோகத்தின் ஒரு தனிப்பகுதியில் இளைப்பாறிக் கொண்டிருக்க வேண்டும் என்பதே.”

அதாவது: தேவனுக்குக் கீழ்ப்படியாத ஆதாம் கீழ்ப்படியாமையின் விளைவாக சரீரத்தில் மரித்தார்; ஆனால் அவரது ஆத்துமாவோ பரலோகத்தின் ஒரு பகுதியில் இளைப்பாறிக் கொண்டிருக்கிறது என்கிறார்.

இப்படிச் சொல்லும் அவர், இயேசுவின் உயிர்த்தெழுதலுக்குப் பின் பழைய ஏற்பாட்டு நீதிமான்கள் அனைவரும் பரதீசிக்குச் சென்றிருப்பார்கள் என்றும், ஆதாமும் பரதீசிக்குத்தான் சென்றிருப்பார் என்றும் கூறுகிறார்.

ஆக, இவரது கருத்துப்படி ஆதாம் பரதீசிலும் இருப்பார், பரலோகத்திலும் இருப்பார் என்றாகிறது. வசனஆதாரம் இல்லாமல் தங்கள் சுயகற்பனையின்படி பேசுகிறவர்கள் அனைவரும் இம்மாதிரி முரண்பாடான நிலையைத்தான் அடையவேண்டி வரும்.

நீதிமான்கள்தான் பரதீசுக்குச் செல்வார்கள் எனச் சொல்லும் இவர், ஆதாமும் பரதீசிக்குச் சென்றிருப்பார் என்கிறார். அவ்வாறெனில் “ஆதாம் நீதிமானா?” தேவனுக்குக் கீழ்ப்படியாத அவரை எப்படி நீதிமான் எனச் சொல்லமுடியும்?

இத்தளத்தை சாலொமோன் பார்ப்பாரோ இல்லையோ, ஆனால் சில்சாம் நிச்சயம் பார்ப்பார், கொல்வினும் பார்ப்பார் என நம்புகிறேன். அவர்கள் இவ்விஷயத்தில் ஒரு தெளிவான பதிலைச் சொல்வார்களா? அல்லது வழக்கம்போல் சப்பைக்கட்டு கட்டுவதிலும் எதிராளியைத் தாக்குவதிலும் இறங்குவார்களா? பொறுத்திருந்து பார்ப்போம்.

Bereans · Senior Member

RE: ஆதாம் தற்போது “ஆபிரகாமின் மடியிலா, பாதாள அக்கினியிலா?”