நித்திய ஜீவன்

ஒரு நீதிபதியானவன் ஒரு குற்றவாளிக்கு அவன் செய்த குற்றத்தின் அடிப்படையில் சிறைத்தண்டனை அல்லது மரணதண்டனை கொடுப்பதுண்டு. தண்டனை எதுவாக இருந்தாலும் அது குற்றவாளிக்கு தீமையாக அல்லது தீங்கானதாகத்தான் இருக்கும். இந்நிலையில், அவனது தீமைக்கு யார் காரணம் எனக் கூறமுடியும்? நீதிபதியா அல்லது குற்றவாளியா? நிச்சயமாக குற்றவாளி என்றுதான் கூறமுடியும்.

இதேபோல்தான் ஒரு நீதிபதி ஸ்தானத்தில் இருந்து, ஒரு மனிதனை தேவன் தண்டிக்கையில், அம்மனிதனுக்கு தண்டனையாகக் வந்த தீமைக்குக் காரணம் தேவனல்ல, சம்பந்தப்பட்ட மனிதனே என்பதுதான் உண்மை.

அடுத்து, தகப்பன் மகன் உறவை எடுத்துக்கொள்வோம். மகனுக்கு ஒரு வாகனத்தை தகப்பன் வாங்கிக் கொடுப்பதாக வைத்துக்கொள்வோம். அவர் மகனிடம் அதிக வேகமாகப் போகாதே என்று சொல்லித்தான் வாகனத்தைக் கொடுப்பார் என்பதை நாம் அறிவோம். ஆனால் மகன் என்ன செய்வான்? அதிக வேகத்தில் செல்லவேண்டும் என்றுதான் விரும்புவான். அதன்படி அவன் அதிக வேகத்தில் சென்றதை தகப்பன் அறிந்தால் என்ன செய்வார்? மகனை வார்த்தையால் கண்டிப்பார், அல்லது அடித்துக் கண்டிப்பார், அல்லது சில நாட்கள் அவன் வாகனம் ஓட்டவேண்டாம் என்று சொல்லி வாகனத்தை வாங்கிவைத்துக் கொள்வார். இவற்றில் எதுவானாலும் அது மகனுக்குத் தீமையாகத்தான் தெரியும்.

ஒருவேளை மகன் வேகமாகச் சென்று விபத்துக்குள்ளானால், அத்தகவலை தகப்பனே காவல் துறையிடம் சொல்லி, மகன் சட்டப்படித் தண்டிக்கப்படும்படி செய்வார். இப்படி எதைச் செய்தாலும் அது மகனுக்கு தீமையாகத்தான் இருக்கும். இதனால் மகனின் தீமைக்கு தந்தைதான் காரணம் எனக் கூற முடியுமா? நிச்சயமாக அல்ல.

தகப்பன் மகனிடம் வேறு விதத்திலும் தீமையைக் கொண்டு வருவதுண்டு. எப்படியெனில், தனது மகனுக்குத் தீமைகள் நேரிடும்போது அதை அவன் பொறுமையாய் சகிப்பானா, தனக்குக் கீழ்ப்படிவதன் காரணமாக சில துன்பத்திற்குள்ளாக நேரிட்டாலும் அதை முறுமுறுப்பின்றி ஏற்றுக்கொள்வானா என்பதை அறிவதற்காகவும் அவனைச் சில துன்பங்கள் மூலம் வருத்துவதுண்டு.  தகப்பன் இப்படிச் செய்வதை நாம் “தீமை” எனச் சொல்வதில்லை. மாறாக, மகனைச் சிட்சித்தல் என்றுதான் சொல்லுவோம். இப்படி மகனை சிட்சிக்கும் தகப்பன், சிட்சையை சகித்த மகனுக்குப் பரிசாக, சில பரிசுகளையும் வழங்குவதுண்டு. 

தகப்பன்/மகன், நீதிபதி/குற்றவாளி உறவின் அடிப்படையில் மகனுக்கு/குற்றவாளிக்கு எப்படி தீமை நேரிடுகிறதோ அதே விகமாகத்தான் இவ்வுலகில் மனிதனுக்கு துன்பங்கள் நேரிடுகின்றன. ஆனால் அப்படி துன்பங்கள் நேருடும்போது, அத்துன்பங்களுக்குக் காரணம் தேவன்தான் என நாம்சொல்லிவிடுகிறோம். அதற்கு ஆதாரமாகச் சில வசனங்களையும் கூறுகிறோம். 

கோவை பெரியன்ஸ் தளத்திலும் இது சம்பந்தமாக ஒரு திரி துவக்கப்பட்டு, அதில் சில வசனன்களும் இடம்பெற்றுள்ளன. அவ்வசனங்களின் கருத்தை ஆராய்ந்து, மனிதனின் துன்பங்களுக்குக் காரணம் தேவன்தானா, அல்லது மனிதனா, அல்லது வேறெதுவுமா என்பதை அறிவோம்.

கோவை பெரியன்ஸ் தளத்தில் தீமைக்கு யார் காரணம், தேவனா எனும் திரியில் பதிக்கப்பட்டுள்ள வசனங்கள்:

//"ஒளியைப் படைத்து இருளையும் உண்டாக்கினேன், சமாதானத்தைப் படைத்து தீங்கையும் உண்டாக்குகிறவர் நானே; கர்த்தராகிய நானே இவைகளையெல்லாம் செய்கிறவர்." ஏசா 45:7

"உன்னதமானவருடைய வாயிலிருந்து தீமையும் நன்மையும் புறப்படுகிறதில்லையோ?." புலம்பல் 3:38

"... மனுப்புத்திரர் இந்தக் கடுந்தொல்லையில் அடிபடும்படிக்குத் தேவன் அதை அவர்களுக்கு நியமித்திருக்கிறார்." பிர 1:13

"... ஒரு பாத்திரத்தை கனவீனமான காரியத்துக்குப் பண்ணுகிறதற்கு அவனுக்கு அதிகாரமில்லையோ?" ரோம 9:18‍‍ ‍‍‍‍‍முதல் 25

"... நான் வடக்கேயிருந்து பொல்லாப்பையும், மகாசங்காரத்தையும் வரப்பண்ணுவேன்." எரே 4:6

"... நான் அவர்கள் மேல் ... தீங்கை வரப்பண்ணுவேன்." எரே 6:19

" ... அப்பொழுது அது(பொய்யின் ஆவி), நான் போய் அவனுடைய தீர்க்கதரிசிகள் எல்லாரின் வாயிலும் பொய்யின் ஆவியாய் இருப்பேன் என்றது. அதற்கு அவர்(கர்த்தர்):... போய் அப்படிச் செய் என்றார்." 1இராஜா 22:22

"தம்முடைய ஜனங்களைப் பகைக்கவும், தம்முடைய ஊழியக்காரரை வஞ்சனையாய் நடத்தவும், அவர்களுடைய இருதயத்தை மாற்றினார்." சங்105:25

"... இதோ, நான் உங்களுக்கு விரோதமாக ஒரு தீங்கை உருப்படுத்தி, உங்களுக்கு விரோதமாக ஒரு காரியத்தை யோசிக்கிறேன்..." எரே18:11

"கர்த்தாவே, நீர் எங்களை உம்முடைய வழிகளைவிட்டுத் தப்பிப்போகப்பண்ணி, எங்கள் இருதயத்தை உமக்குப் ப்யப்படாதபடிக்கு கடினப்படுத்துவானேன்?..." ஏசா 63:17

"...இந்த நல்ல தேசத்திலிருந்து உங்களை நிர்மூலமாக்குமட்டும், கர்த்தர் உங்கள்மேல் சகல தீமையான காரியங்களையும் வரப்பண்ணுவார்...." யோசு 23:16

"... கர்த்தருடைய செயல் இல்லமல் ஊரில் தீங்கு உண்டாகுமோ?" ஆமோஸ் 3:6

" சேனைகளின் கர்த்தர் சொல்லுகிறது என்னவென்றால்.... இப்போதும் நீ போய், அமலேக்கை மடங்கடித்து, அவனுக்கு உண்டான எல்லாவற்றையும் சங்கரித்து, அவன்மேல் இரக்கம் வைக்காமல், புருஷரையும், ஸ்த்ரீகளையும், பிள்ளைகளையும், குழந்தைகளையும் .... கொன்றுபோடக்கடவாய் என்கிறார் என்று சொன்னான்." 1சாமு15:2,3.

 கர்த்தரோ பார்வோனின் இருதயத்தைக் கடினப்படுத்தினார்; அவன் இஸ்ரவேல் புத்திரரைப் போகவிடவில்லை.யாத்திராகமம் 10:20//