நித்திய ஜீவன்

சகோ.சுந்தர்:

//இவ்வுலகில்  எல்லா காரியங்களையும் நடப்பிக்கிற தேவனால் எல்லாம் கூடாது, ஆனால்  என்னுடய கிரியையினால் அது கூடிவிடும் என்று எழுதப்படும் வார்த்தைகள் நிச்சயம் சரியான கருத்துக்கள் அல்ல.//

சுந்தர் அவர்களே! பின்வரும் வசனத்தை நீங்கள் படித்துள்ளீர்களல்லவா?

ஏசாயா 59:1 இதோ, இரட்சிக்கக்கூடாதபடிக்குக் கர்த்தருடைய கை குறுகிப்போகவுமில்லை; கேட்கக்கூடாதபடிக்கு அவருடைய செவி மந்தமாகவுமில்லை. 2 உங்கள் அக்கிரமங்களே உங்களுக்கும் உங்கள் தேவனுக்கும் நடுவாகப் பிரிவினை உண்டாக்குகிறது; உங்கள் பாவங்களே அவர் உங்களுக்குச் செவிகொடாதபடிக்கு அவருடைய முகத்தை உங்களுக்கு மறைக்கிறது.

மனிதனை இரட்சிக்க முடியாத நிலையில் தேவன் இல்லைதான்; ஆனால் நம்மிடம் அக்கிரமங்கள் இருக்கும்வரை அவர் தமது முகத்தை நமக்கு மறைத்துக்கொள்ளத்தான் செய்வார், தமது கையை குறுக்கிக்கொள்ளத்தான் செய்வார். அந்நிலையில் இருந்துகொண்டு அவரால் நம்மை இரட்சிக்க முடியாது என்பதே உண்மை.

தேவனுக்கும் நமக்குமிடையேயான பிரிவினையைப் போக்கத்தான் இயேசு வந்தார்; அவரது தியாக பலியால் நமது அக்கிரமங்கள் நீக்கப்படுகின்றன எனச் சொல்கிறீர்களா?

அப்படியானால் நாம் அக்கிரமங்களை செய்துகொண்டே இருக்கலாம் என்றல்லவா அர்த்தமாகிறது? பின்வரும் வசனத்தைப் படியுங்கள்.

எபிரெயர் 6:4 ஒருதரம் பிரகாசிப்பிக்கப்பட்டும், பரமஈவை ருசிபார்த்தும், பரிசுத்த ஆவியைப் பெற்றும், 5 தேவனுடைய நல்வார்த்தையையும் இனிவரும் உலகத்தின் பெலன்களையும் ருசிபார்த்தும், 6 மறுதலித்துப்போனவர்கள், தேவனுடைய குமாரனைத் தாங்களே மறுபடியும் சிலுவையில் அறைந்து அவமானப்படுத்துகிறபடியால், மனந்திரும்புதற்கேதுவாய் அவர்களை மறுபடியும் புதுப்பிக்கிறது கூடாதகாரியம்.

கூடாத எனும் வார்த்தைக்கு கிரேக்கில் பயன்படுத்தப்பட்டுள்ள adunatos எனும் வார்த்தைக்கு impossible என அர்த்தமாகும்.

நாம் தேவனுடைய வார்த்தைகளுக்கு நம் செவியை அடைத்துக்கொண்டால், நம்மை மனந்திரும்பச்செய்வது தேவனுக்குக் கூடாத காரியம் என எபிரெய ஆக்கியோன் கூறுகிறார். இதைத்தான் நானும் சொல்கிறேன். நாம் தேவனுடைய வார்த்தைகளை உதாசீனம் செய்துவிட்டு நம் மனம்போல் நடந்துவந்தால், தேவனால் நம்மை இரட்சிக்க முடியாது, முடியவே முடியாது என்பது நிச்சயம்.

இவ்வுண்மையை நீங்கள் சொல்லத்தவறினால், வேத வசனத்துக்கு துரோகம் செய்கிறீர்கள் என அர்த்தம்.

இறைவன் தளத்தின் பாதாளத்தின் பயங்கரங்கள் திரியில் சகோ.சுந்தர்:

//ஆண்டவராகிய இயேசுவை ஏற்றுக்கொண்டு பாவ மன்னிப்பு பெறாத யாராக இருந்தாலும் மரித்தவுடன் பாதாளத்தில் இறங்குவார்கள்.//

//3. நரக பாதாளம்
... இங்கு வரும் ஆத்துமாக்கள் இரவு பகலாக பிசாசின் ஆவிகளால் பல்வேறு விதமாக வாதிக்கப்படுகின்றன. இதற்கு கொள்ளளவே கிடையாது எவ்வளவு போனாலும் ஏற்றுக்கொள்ளும் தன்மை உடையது.//

//மிகவும் மோசமான பாவியாக இருந்தால் அவன் நேராக நரகபாதளம் சென்று அங்கு பிசாசுகளினால் வெள்ளை சிங்காசன நியாயத் தீர்ப்புவரை வாதிக்கப்படுவான்.//

நரகபாதாளத்தில் பிசாசுகளினால் வாதிக்கப்படும் பாவிகளை அந்த வாதையிலிருந்து உடனடியாக விடுவிக்க தேவனால் முடியுமா, முடியாதா? எல்லா மனிதர்களையும் இரட்சிக்க முடிந்த தேவனால், நரக பாதாளத்தில் மனிதர்கள் பிசாசால் பல ஆயிரக்கணக்கான வருடங்கள் இரவு பகலாக வாதிக்கப்படுவதிலிருந்து தப்புவிக்க முடியுமா, முடியாதா?

இக்கேள்விக்குக் கட்டாயம் பதில் சொல்லும்படி சுந்தரைக் கேட்டுக்கொள்கிறேன்.

சகோ.சுந்தர்:

//எல்லோரும் இரட்சிப்படைய வேண்டும் என்பது தேவனின் சித்தமாயிருக்கிறது அவருடய சிந்தையே நாமும் கொண்டிருப்போம்/வாஞ்சிப்போம். அதற்கு மேல் என்ன நடக்க வேண்டும் என்பதை தேவன் பார்த்துகொள்வார். தேவனின் சித்தத்துக்கு விரோதமாக முடிவெடுக்க நாம் அவரைவிட பெரியவர்கள் அல்ல!//

எல்லோரும் இரட்சிப்படைய வேண்டும் எனும் தேவ சிந்தை உங்களிடம் தான் உள்ளது, என்னிடம் இல்லை எனக் கருதவேண்டாம். அந்த சிந்தை என்னிடம் இருப்பதால்தான், தேவ சித்தம் நிறைவேற நாம் என்ன செய்யவேண்டும் என்பதை இவ்வளவாய் எடுத்துரைத்து வருகிறேன்.

எல்லோரும் இரட்சிப்படைய வேண்டும் என்ற தேவ சித்தம் ஒருபுறமிருந்தாலும், இறுதியில் என்ன நடக்கும் என்ற முடிவையும் தேவன் ஏற்கனவே சொல்லிவிட்டார். அந்த முடிவை சற்று படியுங்கள்.

மத்தேயு 7:21 பரலோகத்திலிருக்கிற என் பிதாவின் சித்தத்தின்படி செய்கிறவனே பரலோகராஜ்யத்தில் பிரவேசிப்பானேயல்லாமல், என்னை நோக்கி: கர்த்தாவே! கர்த்தாவே! என்று சொல்லுகிறவன் அதில் பிரவேசிப்பதில்லை.

மத்தேயு 5:20 வேதபாரகர் பரிசேயர் என்பவர்களுடைய நீதியிலும் உங்கள் நீதி அதிகமாயிராவிட்டால், பரலோகராஜ்யத்தில் பிரவேசிக்கமாட்டீர்கள் என்று உங்களுக்குச் சொல்லுகிறேன்.

மத்தேயு 7:26  நான் சொல்லிய இந்த வார்த்தைகளைக்கேட்டு, இவைகளின்படி செய்யாதிருக்கிறவன் எவனோ, அவன் தன் வீட்டை மணலின்மேல் கட்டின புத்தியில்லாத மனுஷனுக்கு ஒப்பிடப்படுவான். 27 பெருமழை சொரிந்து, பெருவெள்ளம் வந்து, காற்று அடித்து, அந்த வீட்டின்மேல் மோதினபோது அது விழுந்தது; விழுந்து முழுவதும் அழிந்தது.

மத்தேயு 7:19 நல்ல கனிகொடாத மரமெல்லாம் வெட்டுண்டு, அக்கினியிலே போடப்படும்.

மத்தேயு 18:3 நீங்கள் மனந்திரும்பிப் பிள்ளைகளைப்போல் ஆகாவிட்டால், பரலோகராஜ்யத்தில் பிரவேசிக்கமாட்டீர்கள் என்று, மெய்யாகவே உங்களுக்குச் சொல்லுகிறேன்.

மத்தேயு 13:40 ஆதலால், களைகளைச் சேர்த்து அக்கினியால் சுட்டெரிக்கிறதுபோல, இவ்வுலகத்தின் முடிவிலே நடக்கும். 41 மனுஷகுமாரன் தம்முடைய தூதர்களை அனுப்புவார்; அவர்கள் அவருடைய ராஜ்யத்தில் இருக்கிற சகல இடறல்களையும் அக்கிரமஞ் செய்கிறவர்களையும் சேர்த்து, 42 அவர்களை அக்கினிச் சூளையிலே போடுவார்கள்; அங்கே அழுகையும் பற்கடிப்பும் உண்டாயிருக்கும்.

மத்தேயு 25:46 அந்தப்படி, இவர்கள் நித்திய ஆக்கினையை அடையவும், நீதிமான்களோ நித்திய ஜீவனை அடையவும் போவார்கள்.

இவைகளெல்லாம் தேவனால் தீர்மானிக்கப்பட்ட தீர்மானங்கள். இத்தீர்மானங்களுக்கு மாறாக தேவன் செய்ய வாய்ப்புண்டு என யாராவது போதித்தால், அவர்கள் தேவ வார்த்தைகளை அவமாக்குகிறார்கள் என அர்த்தம். அந்த அவமாக்குதலைத்தான் நீங்கள் செய்கிறீர்கள். தேவனின் தீர்மானங்களை அவர் சொன்னபடியே அப்படியே அறிவிப்பதுதான் மெய்யான ஊழியனின் கடமை. யோவான் ஸ்நானகன் அப்படியே அறிவித்ததை பின்வரும் வசனங்களில் பாருங்கள்.

மத்தேயு 3:10 இப்பொழுதே கோடரியானது மரங்களின் வேர் அருகே வைத்திருக்கிறது; ஆகையால், நல்ல கனிகொடாத மரமெல்லாம் வெட்டுண்டு அக்கினியிலே போடப்படும். 12 தூற்றுக்கூடை அவர் கையில் இருக்கிறது; அவர் தமது களத்தை நன்றாய் விளக்கி, தமது கோதுமையைக் களஞ்சியத்தில் சேர்ப்பார்; பதரையோ அவியாத அக்கினியினால் சுட்டெரிப்பார் என்றான்.

ஆனால் இன்று நீங்களும் கோவைபெரியன்ஸ் தளத்தாரைப் போன்ற சிலரும், தேவனின் தீர்மானமான தீர்மானங்களுக்கு எதிராக, மனிதன் தேவனுக்குக் கீழ்ப்படியாவிட்டாலும் அவனை அவர் இரட்சித்துவிடுவார் என்பது போன்ற மாயத்தோற்றத்தைக் காட்டுகிறீர்கள்.

அக்கினியில் சுட்டெரிப்பார் என்றால் சுட்டெரிப்பார்தான். அதற்கு மாறாக தேவனால் செய்ய முடியாது, முடியவே முடியாது. அப்படிச் செய்தால் அவரது வசனங்களை அவரே பொய்யாக்குகிறார் என அர்த்தம்.

பொய் சொல்லவோ மனம் மாறவோ அவர் மனிதனலல்ல.

1 சாமுவேல் 15:29 இஸ்ரவேலின் ஜெயபலமானவர் பொய்சொல்லுகிறதும் இல்லை; தாம் சொன்னதைப்பற்றி மனஸ்தாபப்படுகிறதும் இல்லை; மனம்மாற அவர் மனுஷன் அல்ல.

எனவே தேவனையும் அவரது தீர்மானங்களையும் குறித்துப் பேசும்போது நிதானமாகவும் உள்ளதை உள்ளபடியேயும் சொல்லும்படி வேண்டுகிறேன்.

தேவனின் சித்தத்துக்கு விரோதமாக முடிவெடுக்க நாம் அவரைவிட பெரியவர்கள் அல்ல என நீங்கள் சொல்லியிருந்தீர்கள். உங்கள் கூற்றையே சற்று மாற்றி நான் இப்படியாகச் சொல்லுகிறேன்.

தேவனின் தீர்மானத்துக்கு விரோதமாக முடிவெடுக்க நாம் அவரைவிட பெரியவர்கள் அல்ல.

Bro. anbu57 wrote:

/////உங்கள் விசுவாசம் என்ன என்பது இங்கு கேள்வியல்ல. உங்கள் விசுவாசத்தின்படி யாரும் நியாயந்தீர்க்கப்படப்போவதில்லை. வசனத்தின்படித்தான் எல்லோரும் நியாயந்தீர்க்கப் படுவார்கள். வசனம் என்ன சொல்கிறது?////

---------------------------------------------------------------------------------------------

மன்னிக்கவும் சகோதரரே! உங்களுக்கு தேவையில்லாத எனது விசுவாசத்தின் அடிப்படையிலான பல காரியங்களை இங்கு பதிவிட்டுவிட்டேன்!  ஆகினும் மாற்கு 9:23 இயேசு அவனை நோக்கி: நீ விசுவாசிக்கக் கூடுமானால் ஆகும், விசுவாசிக்கிறவனுக்குஎல்லாம் கூடும் என்றார். என்ற வசனத்தின் அடிப்படையிலேயே அவை கூடும் என்ற கருத்திலேயே  நான் அக்காரியங்களை இங்கு பதிவிட்டேன். நீங்கள் அதை அவ்வளவுசுலபமாக நிராகரித்துவிட முடியாது   

அனால் அது உங்களுக்க அவசியம் இல்லைதான். விட்டுவிடுவோம்.

 

இங்கு "தேவனால் எல்லாம் கூடுமா கூடாதா" அவர் சர்வவல்லவரா  இல்லையா! என்பதை பற்றி மட்டும் விவாதிப்போம்!

anbu57 wrote:

---

கோவைபெரியன்ஸ் தளத்தில் சுந்தர்:

//இயேசு எல்லா மனிதர்களுக்காகவும் மீட்கும் பலியானாலும் "அவரை விசுவாசிப்பவனுக்குத்தான் நித்ய ஜீவன் உண்டு" என்று வேதம் குறிப்பிடுகிறது. அவரின் கரத்தின்கீழ் வந்தவருக்காக மட்டும்தான் அவர் இறைவனிடம் பரிந்து பேசமுடியும். சாத்தானின் பிடியில் இருக்கும்  ஒருவன் அவனாக மனம்திரும்பாத பட்சத்தில் அவனது விருப்பமில்லாத பட்சத்தில் இறைவனால் ஒன்றும் பண்ண முடியாது!//

நீங்கள் சொன்னவிதமாகத்தான் நானும் சொல்லியுள்ளேன். ஆனால் நான் சொன்னதற்காக வருந்துகிறீர்கள்.

----------------------------------------------------------------------------------------------------

பொதுவாக  "முடியாது" என்ற வார்த்தைக்கு  இரண்டுவிதமான பொருள் இருக்கிறது - ஓன்று இயலாமையை குறிக்கும் இயலாது என்ற பொருள்கொள்ள முடியும் இன்னொன்று"இயலும் ஆனால் செய்ய முடியாது" என்ற பொருள். (உதாரணமாக நாம் நினைத்தால் தண்டவாளத்தில் கொண்டு தலையை வைக்க முடியும் அனால் சில காரியங்களினிமித்தம் அதை நம்மால் செய்ய முடியாது) 

இதில் நான் குறிப்பிட்ட "முடியாது" என்பது இரண்டாம் வகையை சார்ந்தது. தேவனால் எல்லாம் கூடும் ஆனால் சில காரியங்களினிமித்தம் அதை உடனே செய்ய முடியாது  என்பதே! நீங்களும் அதே கருத்தில் சொல்வீர்களானால் இங்கு விவாதம் இல்லை!  மற்றபடி

தங்கள் கருத்தை அறிந்தபின் தொடர்கிறேன்

anbu57 wrote:

--------------------------------------------------------------------------------------------------

துன்மார்க்கனின் அழிவு பற்றிய பின்வரும் வசனங்களுக்கு மட்டும் பதில் சொல்லுங்கள்.

மத்தேயு 7:26  நான் சொல்லிய இந்த வார்த்தைகளைக்கேட்டு, இவைகளின்படி செய்யாதிருக்கிறவன் எவனோ, அவன் தன் வீட்டை மணலின்மேல் கட்டின புத்தியில்லாத மனுஷனுக்கு ஒப்பிடப்படுவான். 27 பெருமழை சொரிந்து, பெருவெள்ளம் வந்து, காற்று அடித்து, அந்த வீட்டின்மேல் மோதினபோது அது விழுந்தது; விழுந்து முழுவதும் அழிந்தது.

மத்தேயு 7:19 நல்ல கனிகொடாத மரமெல்லாம் வெட்டுண்டு, அக்கினியிலே போடப்படும்.

மத்தேயு 3:10 இப்பொழுதே கோடரியானது மரங்களின் வேர் அருகே வைத்திருக்கிறது; ஆகையால், நல்ல கனிகொடாத மரமெல்லாம் வெட்டுண்டு அக்கினியிலே போடப்படும். 12 தூற்றுக்கூடை அவர் கையில் இருக்கிறது; அவர் தமது களத்தை நன்றாய் விளக்கி, தமது கோதுமையைக் களஞ்சியத்தில் சேர்ப்பார்; பதரையோ அவியாத அக்கினியினால் சுட்டெரிப்பார் என்றான்.

மத்தேயு 10:28 ஆத்துமாவைக் கொல்ல வல்லவர்களாயிராமல், சரீரத்தை மாத்திரம் கொல்லுகிறவர்களுக்கு நீங்கள் பயப்படவேண்டாம்; ஆத்துமாவையும் சரீரத்தையும் நரகத்திலே அழிக்க வல்லவருக்கே பயப்படுங்கள்.

 

 இவ்வசனங்களுக்கு மாறாக தேவனால்/இயேசுவால் நியாயந்தீர்க்க முடியுமா முடியாதா என்பதை மட்டும் சொல்லுங்கள்.

---