நித்திய ஜீவன்

கட்டுக்கதைகளுக்கு சாய்ந்துபோகும் காலம் வரும் எனப் பவுல் சொன்னபடியே அக்காலம் தற்போது வந்துவிட்டது.

மரித்தவர்கள் பாதாளத்தில் தற்போது வேதனைப்பட்டுக் கொண்டிருப்பார்கள் என்பதும் கட்டுக்கதைதான்; அதிலும் தசமபாகம் செலுத்தாதவர்கள் பாதாளத்தில் தனியே ஓர் இடத்தில் வேதனைபட்டுக் கொண்டிருக்கிறார்கள் என்பது அபாரமான ஒரு கட்டுக்கதை. ஜனங்களை பயமுறுத்தி தசமபாகம் கொடுக்க வைப்பதற்காக யாரோ ஒருவர் இப்படியாக கட்டுக்கதையை அவிழ்த்து விட்டுள்ளார்.

தசமபாகம் கொடுக்காதவர்களுக்கு நரகத்தில் வேதனை என எந்தவொரு வசனமும் சொல்லவில்லை.

தசமபாகக் கட்டளை என்பது இஸ்ரவேலர்களுக்கான தனிப்பட்ட ஒரு கட்டளை. இதைக் குறித்து விரிவாக பின்வரும் திரியில் எழுதியுள்ளேன். இறைவன் தளத்தின் சார்பாக சகோ.சுந்தரும் தனது கருத்துக்களைக் கூறியுள்ளார்.

தசமபாகம் செலுத்துவது பற்றி!

இத்தொடுப்பில் சென்று படித்தால், தசமபாகம் கொடுக்காதவர்களுக்கு நரகம் எனும் கூற்று கடைந்தெடுக்கப்பட்டக் கட்டுக்கதை என்பதை நாம் புரிந்துகொள்ளலாம்.

இம்மாதிரி கட்டுக்கதைகளை அவிழ்த்துவிடுபவர்கள் அதற்கான பலனை அனுபவிக்க வேண்டியதிருக்கும் என எச்சரிக்கிறேன்.