நித்திய ஜீவன்

anbu57 · Militant

சில்சாமின் கூற்றுப்படி, கர்த்தருக்கு அருவருப்பானவர்கள்

anbu57 · Militant

தமிழ் கிறிஸ்தவ தளத்தின் நிர்வாக உறுப்பினர்களில் அற்புதம் என்பவரும் ஒருவர். இவர் சில்சாமின் பல கருத்துக்களை ஆதரிப்பவர். சில்சாமின் ஆரோக்கியமற்ற போங்கை இவர் அவ்வப்போது அன்பாகக் கடிந்துகொண்டாலும், சில்சாமை விலக்கவேண்டும் என ஒருபோதும் விரும்பியதில்லை.

ஆனால் சில மாதங்களுக்கு முன்னர் தமிழ் கிறிஸ்தவ தளத்தில் நான் பதிந்த சில பதிவுகளினிமித்தம் என்னை விலக்க வேண்டும் அல்லது என்னை விட்டு விலக வேண்டும் என அற்புதம் கூறியிருந்தார். என்னை அவர் விலக்க எண்ணியதற்கு ஒரே காரணம்: அவரும் சில்சாமும் மற்றும் பலரும் நம்புகிற திரித்துவக் கொள்கைக்கு எதிராக நான் எழுதியதே.

தமிழ் கிறிஸ்தவ தளத்தில் இயேசுவை ஆராதிக்கலாமா என்ற தலைப்பில் ஒரு திரி இருந்தது. அத்திரியில், மத்தேயு 4:10-ல் இயேசு சொன்னதன் அடிப்படையில், பிதாவாகிய தேவன் ஒருவரே ஆராதனைக்குரியவர் என நான் எழுதியிருந்தேன். எனது பதிவில் முழுக்க முழுக்க வசனங்களையே மேற்கோள் காட்டி விரிவான விளக்கங்கள் கொடுத்திருந்தேன். எனது வசன மேற்கோள்கள் மற்றும் விளக்கங்களுக்கு பதிலளிக்க இயலாமற்போன அற்புதத்தால், தனது பாரம்பரிய நம்பிக்கையையும் விட்டுக்கொடுக்க மனதில்லை.

விளைவு? எனது பதிவுகள் அடங்கிய அத்திரி முழுமையாக தளத்திலிருந்து நீக்கப்பட்டு விட்டது. அத்திரி மட்டுமல்ல, வசன ஆதாரங்களுடனான எனது பதிவுகள் அடங்கிய பல திரிகள் நீக்கப்பட்டு விட்டன.

11-9-10-ல், கொல்வின் என்பவர் தமிழ் கிறிஸ்தவ தளத்தின் ஒரு திரியில், ‘நித்திய ஜீவன்’ தளத்தின் ஒரு பகுதியை மேற்கோள் காட்டி, அதற்கான தொடுப்பையும் கொடுத்திருந்தார். இதைப் பொறுக்காத அற்புதம், நித்திய ஜீவன் தளக் கூட்டத்தார் வித்தியாசமான போதனையை உபதேசிக்கும் கூட்டத்தார் என்று சொல்லி, நித்திய தள தொடுப்பை ஏன் கொடுத்தீர்கள் எனக் கொல்வினைக் கடிந்து கொண்டார். அதற்கு பதில் தந்த கொல்வின், அற்புதத்தின் கூற்றிற்கு ஆமாம் போட்டார்.

அபாண்டமான சொல்லை ஏற்காதே என வேதவசனம் கூறுவதால், அற்புதம் மற்றும் கொல்வின் இருவரிடமும், நித்திய ஜீவன் தளத்தில் வேதவசனத்திற்கு மாறான வித்தியாசமான போதனையாகக் காணப்படும் ஒரு பகுதியை எடுத்துக் காட்டும்படி 19-9-10-ல் வேண்டினேன். இன்றுவரை அதற்குப் பதில் இல்லை.

ஆரோக்கியமான உபதேசத்தால் புத்தி சொல்லி, எதிர் பேசுகிறவர்களைக் கண்டனம் பண்ணத்தக்கதாக, உண்மையான வசனத்தைப் பற்றிக்கொள்ள வேண்டும் என தீத்து 1:9-ல் பவுல் கூறுகிறார். ஆனால் அற்புதத்தைப் போன்றவர்கள் அவ்வாறு கண்டனம் பண்ணத்தக்கதாக வசனத்தைப் பற்றிக்கொள்ளாதிருப்பதால், எனது கேள்விகளுக்கு நேருக்கு நேராக பதிலளிக்க இயலாதவர்களாக இருக்கின்றனர்.

சில்சாமின் பல கருத்துக்களோடு ஒத்துப்போகிற அற்புதம், இத்திரியின் தொடக்கத்தில் கூறப்பட்டுள்ள சில்சாமின் கூற்றின்படி எப்படி கர்த்தருக்கு அருவருப்பானவராகிறார் என்பதை இனி பார்ப்போம்.

கடந்த 20-9-10-ல் தமிழ் கிறிஸ்தவ தளத்தின் ஒரு திரியில், அமைதி நேர நண்பன் எனும் தனது புத்தகத்தைப் படிக்கும்படி திரு.அற்புதம் வேண்டியிருந்தார். அவரது அந்த புத்தகத்தைப் படித்துப் பார்க்கையில், அப்புத்தகத்தின் தொகுப்பாசிரியரான திரு.அற்புதத்தின் பெயர் பாஸ்டர்.அற்புதராஜ் (அதாவது போதகர் அற்புதராஜ்) எனப் போடப்பட்டிருந்தது.

மத்தேயு 23:8-ல் கிறிஸ்து ஒருவரே உங்களுக்குப் போதகராயிருக்கிறார் என இயேசு கூறுகிறார். ஆனால் அற்புதத்தைப் போன்ற பலர், இந்நாட்களில் தங்களைப் போதகர் எனச் சொல்லிக் கொண்டு தங்களைக் கிறிஸ்துவுக்குச் சமமாக்கிக் கொள்கின்றனர்.

பிதாவுக்குச் சமமாயிராத கிறிஸ்துவை எப்படி பிதாவுக்குச் சமமானவராக இவர்கள் ஆக்கிக் கொள்கிறார்களோ, அதுபோலவே கிறிஸ்துவுக்குச் சமமாயிராத இவர்கள் தங்களைப் போதகர் எனச் சொல்வதன் மூலம் கிறிஸ்துவுக்குச் சமமாக்கிக் கொள்கின்றனர்.

கிறிஸ்து ஒருவரையே வேதாகமம் போதகராகக் கூறுகிறது. ஆனால் திரு.அற்புதமோ (கிறிஸ்துவுக்குச் சமமாக) தன்னையும் போதகர் எனக் கூறிக் கொள்கிறார். எனவே சில்சாமின் கூற்றுப்படி திரு.அற்புதமும் கர்த்தருக்கு அருவருப்பானவரே.

இவரைப் போலவே தங்களைப் பாஸ்டர் என்றும், ரெவரெண்ட் என்றும், பிஷப் என்றும், குருவானவர் என்றும் கூறிக் கொள்கிற அனைவரும் சில்சாமின் கூற்றுப்படி கர்த்தருக்கு அருவருப்பானவர்களே.

SUNDAR · Veteran Member

வேதாகம வசனப்படி சரியாக பேசும் தங்களையும் மாறுபட்ட உபதேசம் என்கிறார்கள். காரணம் உங்கள் வாதங்களுக்கு தகுந்த வசனஆதாரத்தை அவர்களால் கொடுக்க முடியவில்லை. எனவே வேதத்தில் இல்லாத ஆனால் தாங்கள் நம்பும் சில காரியங்களை அனுபவத்தின் அடிப்படையில் மட்டுமே உண்மை என்று தீர்மானிக்கிறார்கள்.

அதே நேரத்தில் அனைத்தையும் அனுபவங்கள் மற்றும் தரிசனத்தின் அடிப்படையிலேயே வசனத்தை தேடி எழுதும் என்னையும் ஏற்ப்பதற்க்கு பலருக்குமனமில்லை CULTS என்று சொல்லாமல் சொல்கிறார்கள் ஏனென்றால் வசனத்தின்படி சொல்வதை மட்டும்தான் ஏற்க்கமுடியும் என்று காரணம் சொல்கிறார்கள்

வார்த்தைகளை போதிக்கும் இவர்கள் வார்த்தைகள்படி வாழவிளைவது இல்லை

எதன் அடிப்படியில் என்ன எழுதுவது என்பதே குழப்பம்தான்.

-- Edited by SUNDAR on Thursday 7th of October 2010 05:42:10 PM

anbu57 · Militant

RE: சில்சாமின் கூற்றுப்படி, கர்த்தருக்கு அருவருப்பானவர்கள்