நித்திய ஜீவன்

anbu57 · Militant

ஆசீர்வாதமான தமிழ்நாடு 2010

anbu57 · Militant

உபாகமம் 18:20-22 சொல்லும்படி நான் கட்டளையிடாத வார்த்தையை என் நாமத்தினாலே சொல்லத் துணியும் தீர்க்கதரிசியும், வேறே தேவர்களின் நாமத்தினாலே பேசும் தீர்க்கதரிசியும் சாகக்கடவன்.
கர்த்தர் சொல்லாத வார்த்தை இன்னதென்று நான் எப்படி அறிவேன் என்று நீ உன் இருதயத்தில் சொல்வாயாகில், 22 ஒரு தீர்க்கதரிசி கர்த்தரின் நாமத்தினாலே சொல்லும் காரியம் நடவாமலும் நிறைவேறாமலும்போனால், அது கர்த்தர் சொல்லாத வார்த்தை; அந்தத் தீர்க்கதரிசி அதைத் துணிகரத்தினால் சொன்னான்; அவனுக்கு நீ பயப்படவேண்டாம்.

ஒரு தீர்க்கதரிசி தேவனுடைய நாமத்தில் ஒரு வார்த்தையை சொன்னால், அவர் சொல்வது நிறைவேறுகிறதா இல்லையா என்பதைப் பார்த்து, அவர் சொல்வது நிறைவேறவில்லையெனில் அவரைக் கொல்ல வேண்டும் எனும் கட்டளையை அன்றைய இஸ்ரவேலருக்கு தேவன் கொடுத்துள்ளார்.

தேவனுடைய நாமத்தினால் பொய்த்தீர்க்கதரிசனம் சொல்கிற தீர்க்கதரிசியை தேவன் எவ்வளவாய் வெறுத்து புறம்பே தள்ளுகிறார் என்பதற்கு இது ஒரு முக்கிய ஆதாரமாக உள்ளது.

ஆனால் இன்றைய விசுவாசிகளான நாமோ ஒருவரது தீர்க்கதரிசனம் பொய்த் தீர்க்கதரிசனமா இல்லையா என்பதை அறிவதில் மிகவும் நிர்விசாரமாக இருக்கிறோம்.

இத்திரி துவங்கி சுமார் 6 மாதங்கள் ஆகிவிட்டன. இத்தளத்தினுள் எத்தனையோ பேர் வந்து செல்கின்றனர்; ஆனால் எவருமே தங்கள் கருத்தைப் பதிய முன்வரவில்லை. என்னைத் தவிர இருவர் மட்டும் தங்கள் வாக்கைப் பதிக்க முன்வந்துள்ளனர். அவர்களுங்கூட தங்கள் வாக்கிற்கு ஆதாரமான கருத்தை சொல்ல முன்வரவில்லை.

மோகன் சி.லாசரஸின் தீர்க்கதரிசனங்களை மீண்டுமாக நினைவூட்டுகிறேன். அவை நிறைவேறியுள்ளதா இல்லையா என்பது பற்றிய கருத்துக்களைப் பதியும்படி தள அன்பர்களை மீண்டும் வேண்டுகிறேன்.

2010-ம் வருடத்திற்குள் நிறைவேறும் என்று சொல்லி மோகன் சி.லாசரஸ் அறிவித்த தீர்க்கதரிசனங்கள்:

1. ஆவிக்குரிய ரீதியில் ஆச்சரியமான மாற்றங்களை காணப்போகிறோம். எங்கும் கர்த்தருடைய பிள்ளைகள் பெருகியிருப்பார்கள். சபைகள் வளர்ந்து பெருகும். ஆயிரம் ஆத்துமாக்கள் உள்ள சபைதான் சிறிய சபை என்றழைக்கப்படும்.
2. ஆளுகிறவர்கள், அதிகாரிகளின் சுபாவங்களில் வியத்தகு மாற்றங்களை காணப்போகிறோம். லஞ்சமற்ற, ஊழலற்ற, நீதி நேர்மையுள்ள, தூய்மையான நிர்வாகத்தை காணப்போகிறோம்.
3. பொருளாதார நிலையில், மக்களின் வாழ்க்கைத் தரத்தில், ஆசீர்வாதமான முன்னேற்றம் ஏற்படும். எல்லா நிலையிலும் தமிழகம் முதன்மையான மாநிலமாக விளங்கும்.

மோகன் சி.லாசரஸின் தீர்க்கதரிசனப்படி, இன்றைய ஒவ்வொரு சபையிலும் குறைந்தது 1000 பேர் இருக்கின்றனரா?

இன்றைய அரசாங்க நிர்வாகம் லஞ்சமற்றதாக, ஊழலற்றதாக, நீதி நேர்மையுள்ளதாக, தூய்மையானதாக உள்ளதா?

தமிழக மக்கள் யாவரும் பொருளாதாரத்தில் மேலோங்கியுள்ளனரா, வாழ்க்கை தரத்தில் மேம்பட்டுள்ளனரா, ஆசீர்வாதம் பெற்றுள்ளனரா?

சிந்தித்து பதில் தரும்படி வேண்டுகிறேன்.

Bereans · Senior Member

//1. ஆவிக்குரிய ரீதியில் ஆச்சரியமான மாற்றங்களை காணப்போகிறோம். எங்கும் கர்த்தருடைய பிள்ளைகள் பெருகியிருப்பார்கள். சபைகள் வளர்ந்து பெருகும். ஆயிரம் ஆத்துமாக்கள் உள்ள சபைதான் சிறிய சபை என்றழைக்கப்படும்.
2. ஆளுகிறவர்கள், அதிகாரிகளின் சுபாவங்களில் வியத்தகு மாற்றங்களை காணப்போகிறோம். லஞ்சமற்ற, ஊழலற்ற, நீதி நேர்மையுள்ள, தூய்மையான நிர்வாகத்தை காணப்போகிறோம்.
3. பொருளாதார நிலையில், மக்களின் வாழ்க்கைத் தரத்தில், ஆசீர்வாதமான முன்னேற்றம் ஏற்படும். எல்லா நிலையிலும் தமிழகம் முதன்மையான மாநிலமாக விளங்கும்.//

இவர்களை போன்ற கள்ள தீர்க்கதரிசிகள் இது போன்ற வசனங்களை (எந்நேரமும் வேதத்தை கைகளில் வைத்திருப்பது போன்று தோன்றினாலும்) வாசிப்பதே இல்லை போல்:

II தீமோத்தேயு 3: 1. மேலும், கடைசிநாட்களில் கொடியகாலங்கள் வருமென்று அறிவாயாக. 2. எப்படியெனில், மனுஷர்கள் தற்பிரியராயும், பணப்பிரியராயும், வீம்புக்காரராயும், அகந்தையுள்ளவர்களாயும், தூஷிக்கிறவர்களாயும், தாய் தகப்பன்மாருக்குக் கீழ்ப்படியாதவர்களாயும், நன்றியறியாதவர்களாயும், பரிசுத்தமில்லாதவர்களாயும், 3. சுபாவ அன்பில்லாதவர்களாயும், இணங்காதவர்களாயும், அவதூறு செய்கிறவர்களாயும், இச்சையடக்கமில்லாதவர்களாயும், கொடுமையுள்ளவர்களாயும், நல்லோரைப் பகைக்கிறவர்களாயும், 4. துரோகிகளாயும், துணிகரமுள்ளவர்களாயும், இறுமாப்புள்ளவர்களாயும், தேவப்பிரியராயிராமல் சுகபோகப்பிரியராயும், 5. தேவபக்தியின் வேஷத்தைத் தரித்து அதின் பெலனை மறுதலிக்கிறவர்களாயும் இருப்பார்கள்;

வேதம் இப்படி பட்ட ஒரு காலத்தை தான் வரும் காலம் என்கிறது, ஆனால் இந்த கள்ள தீர்க்கதரிசிகள் மாத்திரம் மேலே குறிப்பிடப்பட்ட மூன்று காரியங்கள் நிறைவேறும் என்கிறார்களோ!! ஆகவே தான் கிறிஸ்து இவர்களை குறித்து சொல்லும் போது,

மத்தேயு 7:22. அந்நாளில் அநேகர் என்னை நோக்கி: கர்த்தாவே! கர்த்தாவே! உமது நாமத்தினாலே தீர்க்கதரிசனம் உரைத்தோம் அல்லவா? உமது நாமத்தினாலே பிசாசுகளைத் துரத்தினோம் அல்லவா? உமது நாமத்தினாலே அநேக அற்புதங்களைச் செய்தோம் அல்லவா? என்பார்கள். 23. அப்பொழுது, நான் ஒருக்காலும் உங்களை அறியவில்லை. அக்கிரமச் செய்கைக்காரரே, என்னைவிட்டு அகன்று போங்கள் என்று அவர்களுக்குச் சொல்லுவேன்.

இவர்கள் சொல்லுவது நடந்ததா என்பதை இவர்களே பார்ப்பதில்லை, மக்களுக்கு (இவரின் விசுவாசிகளுக்கு) அதை குறித்து அக்கறை இல்லை!! ஹிப்னாட்டிஸம், மெஸ்மெரிஸம் போன்ற பல கலைகளால் ஜனங்களை கட்டி வைத்து இந்த நவீன தீர்க்கதரிசிகள் ஏமாற்றிக்கொண்டு, பெறுகிக்கொண்டு இருப்பதை அவர்களின் செயல்களால் நாம் அறிந்துக்கொள்ள முடியும்!!

சிலர் பூகம்பம் வரும், கடல் கொந்தலிக்கும், யுத்தம் நடக்கும் போன்ற வேதத்தில் சொல்லப்பட்டதை வைத்து இவர்கள் தீர்க்கதரிசனம் சொல்லியும் பிழைப்பு நடத்துவதையும் பார்க்க முடிகிறதே!! செய்திகளில் வரும் ஒரு கடல் கொந்தலிப்பை பார்த்தவுடன், போன வருஷம் அந்த சபையில் இதை நான் தீர்க்கதரிசனமாக அறிவித்திருந்தேன் என்றும் வேறு சொல்லுவார்கள்!!

இப்படிப்பட்டவர்கள் இப்படியே தான் சொல்லிக்கொண்டிருப்பார்கள்!! நாம் இவர்களை நிதானித்து இவர்களின் வேஷத்தை துவைத்து எடுப்போம்!!

anbu57 · Militant

கருத்து தெரிவித்த சகோ.பெரியன்ஸ்-க்கு நன்றி!

மோகன் சி.லாசரஸின் “தரிசனப்படி”, 2010-ல் ஆட்சியிலிருந்த தி.மு.க. அரசு, “லஞ்சமற்ற, ஊழலற்ற, நீதி நேர்மையுள்ள, தூய்மையான” அரசாக இருந்துள்ளது. ஆனால் அந்தோ பரிதாபம்! அப்படிப்பட்ட நல்ல அரசு, 2011 தேர்தலில் தமிழக மக்களால் தூக்கியெறியப்பட்டுள்ளது.

மோகன் சி.லாசரஸின் “தரிசனப்படி”, லஞ்சமற்ற, ஊழலற்ற, நீதி நேர்மையுள்ள, தூய்மையான அரசாக இருந்த அந்த அரசை மக்கள் ஏன் தூக்கியெறிந்தனர்; அதை ஏன் தேவன் அனுமதித்தார்?

ஒருவேளை தற்போதைய அ.தி.மு.க. அரசு, முந்தைய அரசைவிட அதிக நீதி நேர்மையான, தூய்மையான அரசாக இருக்குமென மோகன் சி.லாசரஸ் பதில் சொல்வாரோ?

anbu57 · Militant

இதுவரை இந்த வாக்கெடுப்பில் 5 பேர் தங்கள் வாக்கைப் பதிந்துள்ளனர். இன்னமும் வாக்குப்பதியாதவர்கள் பின்வரும் தொடுப்புக்குச் சென்று ஆசீர்வாதமான தமிழ்நாடு எனும் பாடலை உன்னிப்பாகக் கேட்டு, அப்பாடலின்படி தமிழகத்தில் நடக்கிறதா என்பதைப் பார்க்கும்படி வேண்டுகிறேன்.

http://www.youtube.com/watch?v=x5xKmVZDPBY