நித்திய ஜீவன்

சகோ.ஜோசப்பின் கட்டுரையின் பகுதி 2:

திரித்துவத்தை குறித்ததான உங்கள் கருத்துக்களில் எனக்கு உடன்பாடு உண்டு. மூன்று தனிப்பட்ட நபர்கள் என்ற விதத்தில் திரித்துவம் என்ற கோட்பாடு தவறு என்பது உண்மைதான். ”மூன்று  தனித் தனி நபர்கள், ஆனால் மூவரும் சேர்ந்து ஒரே தேவனாக இருக்கின்றார்கள்”  இதுவே திரித்துவ கொள்கை. அதன்படி அவர்களுடைய விசுவாசம் என்னவென்றால்:- 

1) தேவன் ஓருவர், ஆனால் மூன்று தனித் தனி நபர்களாய் இருக்கின்றார்கள். 

2) பிதா, இயேசு இல்லை. இயேசு, பரிசுத்த ஆவி இல்லை. பரிசுத்த ஆவி, பிதா இல்லை. 

3) அதே சமயத்தில் பிதாவும் தேவன், இயேசுவும் தேவன், பரிசுத்த ஆவியும் தேவன். 

4) இம்மூவரும் தொடக்கத்தில் இருந்தே உள்ளவர்கள். 

5) இம்மூவரும் சம வல்லமை உடையவர்கள்.

6) இம்மூவரும் நித்தியமானவர்கள் என்பதே.

மேலும் முக்கோண வடிவில் படமெல்லாம் வரைந்து காட்டுவார்கள். ஆனால் இக்கொள்கையானது வேதத்திற்கு முற்றிலும் எதிரானது.  கத்தோலிக்க சபை முதன்முதலாக இந்த தவறான கோட்பாட்டை (மற்ற அநேக தவறான உபதேசங்களோடு) கிறிஸ்தவத்தில் புகுத்தியது. அதைத் தொடர்ந்து இன்றைய பெந்தேகோஸ்தே வரையிலும் அதை  (திரித்துவத்தை) விசுவாசிக்கின்றார்கள்.  அதன் விளைவு என்னவென்றால் பாவத்தில் விழுந்துபோன மனிதனை மீட்கும்படி என்ன செய்யலாம் என்று பரேலாகத்தில் மூன்று பேரும் (பிதா, குமாரன், பரிசுத்த ஆவி) கலந்து ஆலோசித்தார்கள் என்றும் மற்றும் பரேலாகத்தில் மூன்று பேரும் தனித் தனி சிங்காசனங்களில் வீற்றிருப்பார்கள் போன்ற பல தவறான போதனைகள் / உபதேசங்கள் சபையில் நுழையக் காரணமாயிற்று. இது முழுக்க முழுக்க புறஜாதிகளின் பல தெய்வ கோட்பாடே அன்றி வேறல்ல.

மூன்று தனிப்பட்ட நபர்கள் என்ற விதத்தில் திரித்துவம் என்ற கோட்பாடு எப்படி தவறாக இருக்கிறேதா அதுபோலவே நீங்களும், கோவை பெரியன்ஸ் அவர்களும் மற்றவர்களும் விசுவாசிக்கின்ற “இருத்துவம்” என்ற கோட்பாடும் தவறே. 

ஏனென்றால் பிதாவாகிய யேகோவா என்பவர் வேறு, குமாரனாகிய இயேசு என்பவர் வேறு என்று இருத்துவத்தை விசுவாசிக்கின்ற நீங்கள் கீழ்கண்ட வசனத்தை ஆதாரமாகக் காட்டி இரண்டு கடவுள்களை அறிமுகப்படுத்துகின்றீர்கள். 

1 கொரிந்தியர் 8:6  பிதாவாகிய  ஒரே  தேவன்  நமக்குண்டு,  அவராலே  சகலமும்  உண்டாயிருக்கிறது;  அவருக்கென்று  நாமும்  உண்டாயிருக்கிறோம்.  இயேசுகிறிஸ்து  என்னும்  ஒரே  கர்த்தரும்  நமக்குண்டு;  அவர் ச்மூலமாய்ச்  சகலமும்  உண்டாயிருக்கிறது,  அவர்  மூலமாய்  நாமும்  உண்டாயிருக்கிறோம். 

இப்படிச் சொல்லி பிதாவும், இயேசுவும் இரண்டு தனித் தனி நபர்கள் என்று கூறுகிறீர்கள். ஆனால் வேதம் சொல்லுகிறது.  அன்பு அவர்களுடைய தளத்தில் ஒருவர் இவ்வாறு கூறியிருந்தார். நானும் பிதாவும் ஒன்றாயிருக்கிறோம். என்னைக் கண்டவன் பிதாவைக் கண்டான் என்று  எல்லாருக்கும் தெரிந்த வசனங்களையே கூறி அரைத்த மாவையே திரும்ப அரைக்க வேண்டாம் என்று. ஆகவே உங்களுக்காக பிதாவும் இயேசுவும் ஒருவரே என்று சொல்லும் புதிய வசனங்கள்:

1தீமோத்தேயு 6:15 அந்தப்  பிரசன்னமாகுதலைத்  தேவன்  (பிதா) தம்முடைய  காலங்களில்  வெளிப்படுத்துவார்.  அவரே  (பிதாவே) நித்தியானந்தமுள்ள  ஏக  சக்கராதிபதியும்,  ராஜாதி  ராஜாவும், கர்த்தாதிகர்த்தாவும்,

16 ஒருவராய்,  சாவாமையுள்ளவரும்,  சேரக்கூடாத  ஒளியில்  வாசம்பண்ணுகிறவரும்,  மனுஷரில்  ஒருவரும்  கண்டிராதவரும்,  காணக்கூடாதவருமாயிருக்கிறவர்;  அவருக்கே  கனமும் நித்திய வல்லமையும் உண்டாயிருப்பதாக. ஆமென். 

இந்த இரண்டு வசனங்கள் பிதாவாகிய தேவனைக் குறிக்கிறது என்று சொல்லுவீர்கள். அப்படியென்றால் கீழ்காணும் வசனங்களைக் குறித்து என்ன? 

வெளிப்படுத்துதல் 17:14 .....;  ஆட்டுக்குட்டியானவர்  (யார் என்று உங்களுக்கே தெரியும்) கர்த்தாதி  கர்த்தரும்  ராஜாதிராஜாவுமாயிருக்கிற படியால்அவர்களைஜெயிப்பார்;.......... 

19:13 இரத்தத்தில்  தோய்க்கப்பட்ட  வஸ்திரத்தைத்  தரித்திருந்தார்;  அவருடைய  நாமம்  தேவனுடைய வார்த்தை என்பதே. 

16 ராஜாதி  ராஜா,  கர்த்தாதி  கர்த்தா  என்னும்  நாமம்  அவருடைய  வஸ்திரத்தின்மேலும்  அவருடைய தொடையின்மேலும்எழுதப்பட்டிருந்தது. 

மேலும் 

 யோவான் 5:22 அன்றியும்  ...........  பிதாவானவர்  தாமே  ஒருவருக்கும்  நியாயத்தீர்ப்பு  செய்யாமல்,  நியாயத்தீர்ப்புசெய்யும்  அதிகாரம்  முழுவதையும்  குமாரனுக்கு (இயேசுவுக்கு) ஒப்புக்கொடுத்திருக்கிறார். 

27 அவர்  (இயேசு) மனுஷகுமாரனாயிருக்கிறபடியால்,  நியாயத்தீர்ப்புச்  செய்யும்படிக்கு  அதிகாரத்தையும்அவருக்குக் கொடுத்திருக்கிறார். 

இந்த வசனங்களின்படி நியாயத்தீர்ப்பு செய்யும் அதிகாரம் இயேசுவுக்கு கொடுக்கப்பட்டிருக்கின்றது. இப்பொழுது 

1 பேதுரு 1:17 அன்றியும்,  பட்சபாதமில்லாமல்  அவனவனுடைய  கிரியைகளின்படி நியாயந்தீர்க்கிறவரை (இயேசுவை) நீங்கள்  பிதாவாகத் தொழுதுகொண்டு வருகிறபடியால், இங்கே பரேதசிகளாய் சஞ்சரிக்குமளவும் பயத்துடனே நடந்துகொள்ளுங்கள். 

ஆக மேற்கண்ட வேதவசனங்கள் எல்லாம் பிதாவும், இயேசுவும் ஒருவரே என்றும் இயேசுவைத் தான் பிதாவாக தொழுதுகொள்ளுகிறோம் என்றும் சாட்சி பகருகின்றன. இந்த வெளிப்பாடு இல்லாமல் பிதா வேறு, இயேசு வேறு என்று நீங்கள் தவறாக விசுவாசிப்பதுமல்லாமல், இரண்டு பேரையும் ஆராதிக்க வேண்டுமோ என்ற குழப்பம் வருமே என்று கருதி, யேகோவா மட்டுமே தொழுதுகொள்ளப்படத்தக்கவர், இயேசு தொழுதுகொள்ளப்படத்தக்கவர் அல்ல என்று வாதிடுகின்றீர்கள். அதற்காகவே மூலபாஷை ஆராய்ச்சியெல்லாம் செய்கின்றீர்கள். இது வேதத்திற்கு எதிரானது / முரணாணது.

தொடர்கிறது ....

சகோ.ஜோசப்பின் கட்டுரையின் பகுதி 4:

இதைச் சொல்வதற்கு மன்னிக்கவும். உங்களுடைய மற்றும் கோவை பெரியன்ஸ்   கருத்துக்களையெல்லாம் வாசிக்கும்போது, மீட்பின் அனுபவம் உங்களுக்கும், கோவை பெரியன்ஸ் அவர்களுக்கும் சுத்தமாகக் கிடையாது என்று தெரியவருகிறது.

ஏனென்றால் இயேசுவின் இரத்தத்தால் கழுவப்பட்டிருந்தால், பாவங்கள் மன்னிக்கப்பட்ட நிச்சயம் இருந்திருந்தால், கிறிஸ்துவுக்குள் புது சிருஷ்டியாக்கப்பட்டிருக்கின்றோம் என்ற உணர்வு இருந்திருந்தால், ஆவியானவர் உள்ளே வாசம் செய்திருப்பார். வேதத்தில் உள்ள மறைபொருள்களை வெளிப்படுத்தியிருப்பார். பரிசுத்த ஆவியின் அபிஷேகம் (அதாவது தேவனே நமக்குள் வாசம் செய்வது) இல்லாத காரணத்தால் எதற்கெடுத்தாலும் மூல பாஷையை ஆராய்கிறேன் என்கிறீர்கள். ஓன்றை நீங்கள் புரிந்து கொள்ளவேண்டும். இயேசு ஒருபோதும் மூலபாஷையின் மேல் சபையைக் கட்டுவேன் என்று சொல்லவில்லை. மாறாக வெளிப்பாடு என்கிற கல்லின் மேல் அதுவும் குறிப்பாக அப்போஸ்தலர்கள் மூலமாக, அவர் (இயேசு) யார் என்கிற வெளிப்பாட்டின் மீதாக சபையைக் கட்டுவேன் என்றுதான் வாக்கு பண்ணியிருக்கின்றார். 

மத்தேயு 16:13 பின்பு, இயேசு பிலிப்புச் செசரியாவின் திசைகளில் வந்தபோது, தம்முடைய சீஷரை நோக்கி: மனுஷகுமாரனாகிய என்னை ஜனங்கள் யார் என்று சொல்லுகிறார்கள் என்று கேட்டார்.

14 அதற்கு அவர்கள்: சிலர் உம்மை யோவான்ஸ்நானன் என்றும், சிலர் எலியா என்றும்; வேறு சிலர் எரேமியா, அல்லது தீர்க்கதரிசிகளில் ஒருவர் என்றும் சொல்லுகிறார்கள் என்றார்கள்.
15 அப்பொழுது அவர்: நீங்கள் என்னை யார் என்று சொல்லுகிறீர்கள் என்று கேட்டார். 16 சீமோன் பேதுரு பிரதியுத்தரமாக: நீர் ஜீவனுள்ள தேவனுடைய குமாரனாகிய கிறிஸ்து என்றான்.
17 இயேசு அவனை நோக்கி: யோனாவின் குமாரனாகிய சீமோனே, நீ பாக்கியவான்; மாம்சமும் இரத்தமும் இதை உனக்கு வெளிப்படுத்தவில்லை, பரலோகத்திலிருக்கிற என் பிதா இதை உனக்கு வெளிப்படுத்தினார்.

18 மேலும், நான் உனக்குச் சொல்லுகிறேன், நீ பேதுருவாய் இருக்கிறாய், இந்தக் கல்லின்மேல் என் சபையைக் கட்டுவேன்; பாதாளத்தின் வாசல்கள் அதை மேற்கொள்வதில்லை.

19 பரலோகராஜ்யத்தின் திறவுகோல்களை நான் உனக்குத் தருவேன்; பூலோகத்திலே நீ கட்டுகிறது எதுவோ அது பரலோகத்திலும் கட்டப்பட்டிருக்கும், பூலோகத்திலே நீ கட்டவிழ்ப்பது எதுவோ அது பரலோகத்திலும் கட்டவிழ்க்கப்பட்டிருக்கும் என்றார்.  20 அப்பொழுது, தாம் கிறிஸ்துவாகிய இயேசு என்று ஒருவருக்கும் சொல்லாதபடிக்குத் தம்முடைய சீஷர்களுக்குக் கட்டளையிட்டார்.

மற்ற சீஷர்கள் எல்லாம் பூமியில் இருந்த மாம்சமான நபர்களோடு இயேசுவை ஒப்பீடு (compare) செய்தபோது (மத்தேயு 16:14), பேதுரு மட்டும் இயேசுவை பரேலாகத்தில் உள்ள கிறிஸ்துவோடு (லோகோஸ்) எப்படி ஒப்பிட முடிந்தது (மத்தேயு 16:16)? பேதுரு எந்த மூலபாஷையை ஆராய்ந்து கண்டுபிடித்தார்? ஆனால் இயேசு அக்கேள்விக்கான விடையைக் கூறுகின்றார்.

மத்தேயு 16:17 இயேசு அவனை நோக்கி: யோனாவின் குமாரனாகிய சீமோனே, நீ பாக்கியவான்; மாம்சமும் இரத்தமும் (மூளை அறிவு (அ) மூலபாஷை அறிவு)இதை உனக்கு வெளிப்படுத்தவில்லை, பரலோகத்திலிருக்கிற என் பிதா இதை உனக்கு வெளிப்படுத்தினார்.

18 ....... இந்தக் கல்லின்மேல் (இயேசு யார் என்ற வெளிப்பாட்டின் மீது) என் சபையைக் கட்டுவேன்; பாதாளத்தின் வாசல்கள் (எந்த பிசாசும்) அதை (அந்த வெளிப்பாட்டை) மேற்கொள்வதில்லை

ஆகவேதான் இயேசு இவ்வாறாக சொல்லியிருக்க

மத்தேயு 28:19 ஆகையால், நீங்கள் புறப்பட்டுப்போய், சகல ஜாதிகளையும் சீஷராக்கி, பிதா குமாரன் பரிசுத்த ஆவியின் நாமத்திலே அவர்களுக்கு ஞானஸ்நானங்கொடுத்து, ....

பேதுருவோ பரிசுத்த ஆவியின் வெளிப்பாட்டைப் பெற்று இவ்வாறு கூறினார். 

அப்போஸ்தலர் 2:38 பேதுரு அவர்களை நோக்கி: நீங்கள் மனந்திரும்பி, ஒவ்வொருவரும் பாவமன்னிப்புக்கென்று இயேசுகிறிஸ்துவின் நாமத்தினாலே ஞானஸ்நானம் பெற்றுக்கொள்ளுங்கள், அப்பொழுது பரிசுத்தஆவியின் வரத்தைப் பெறுவீர்கள்.

ஆண்டவராகிய இயேசு தாம் சொன்னபடியே அப்போஸ்தலர்கள் மூலமாக மேற்கண்ட வெளிப்பாட்டின் மீதாக தம்முடைய சபையினை பெந்தேகாஸ்தே நாளில் பரிசுத்த ஆவியின் மூலம் தொடங்கி வைத்தார்.

எபேசியர் 2:20 அப்போஸ்தலர் தீர்க்கதரிசிகள் என்பவர்களுடைய அஸ்திபாரத்தின்மேல் கட்டப்பட்டவர்களுமாயிருக்கிறீர்கள்; அதற்கு இயேசுகிறிஸ்து தாமே மூலைக்கல்லாயிருக்கிறார்;

மற்ற அப்போஸ்தலர்களான பவுலும், சுவிசேஷகனான பிலிப்புவும் இயேசுகிறிஸ்துவின் நாமத்தில் ஞானஸ்நானம் கொடுத்ததை அப்போஸ்தலர் நடபடிகளில் இருந்து அறிந்து கொள்ளலாம். 

அப்போஸ்தலர் 8:12 தேவனுடைய ராஜ்யத்துக்கும் இயேசுகிறிஸ்துவினுடைய நாமத்துக்கும் ஏற்றவைகளைக்குறித்து, பிலிப்பு பிரசங்கித்ததை அவர்கள் விசுவாசித்தபோது, புருஷரும் ஸ்திரீகளும் ஞானஸ்நானம் பெற்றார்கள்.

15 இவர்கள் வந்தபொழுது அவர்களில் ஒருவனும் பரிசுத்தஆவியைப் பெறாமல் கர்த்தராகிய இயேசுவின் நாமத்தினாலே ஞானஸ்நானத்தை மாத்திரம் பெற்றிருந்தவர்களாகக் கண்டு, ...

அப்போஸ்தலர் 19:4 அப்பொழுது பவுல்: யோவான் தனக்குப்பின் வருகிறவராகிய கிறிஸ்து இயேசுவில் விசுவாசிகளாயிருக்கவேண்டும் என்று ஜனங்களுக்குச் சொல்லி, மனந்திரும்புதலுக்கு ஏற்ற ஞானஸ்நானத்தைக் கொடுத்தானே என்றான். 5 அதைக் கேட்டபோது அவர்கள் கர்த்தராகிய இயேசுவின் நாமத்தினாலே ஞானஸ்நானம் பெற்றார்கள்.

இதில் ஆச்சரியம் என்னவென்றால், பவுலும் பேதுருவும் ஒருவரை ஒருவர் சந்திக்காமல் இருந்தபோதே பவுல் இயேசுகிறிஸ்துவின் நாமத்தில் ஞானஸ்நானம்கொடுத்திருக்கின்றார். இதைக் குறித்து பவுல் கூறும்போது, தான் எந்த ஒரு மனிதனிடத்திலும் இதை கற்கவில்லை, ஆண்டவராகிய இயேசுகிறிஸ்துவே எனக்கு வெளிப்படுத்தினார் என்று சொல்லுகிறார்.

கலாத்தியர் 1:11  மேலும், சகோதரரே, என்னால் பிரசங்கிக்கப்பட்ட சுவிசேஷம் மனுஷருடைய யோசனையின்படியானதல்லவென்று உங்களுக்குத் தெரிவிக்கிறேன். 12 நான் அதை ஒரு மனுஷனால் பெற்றதுமில்லை, மனுஷனால் கற்றதுமில்லை, இயேசுகிறிஸ்துவே அதை எனக்கு வெளிப்படுத்தினார்.

ஆக இதிலிருந்து நாம் அறிந்து கொள்வது என்னவெனில், மனிதனை மீட்கும்படிக்கு தேவன் மூன்று விதங்களில் செயல்படவேண்டியதாயிற்று. ஆனால் கல்வாரி சிலுவையின் மூலம் மீட்பை நிறைவேற்றின பிறகு பிதா, குமாரன், பரிசுத்த ஆவியாக செயல்படுகின்ற அந்த ஒரே தேவன் கர்த்தராகிய இயேசுகிறிஸ்துவே என்று நமக்கு இப்பொழுது வெளிப்படுத்தியிருக்கின்றார்.

எபேசியர் 1:9  காலங்கள் நிறைவேறும்போது விளங்கும் நியமத்தின்படி பரலோகத்திலிருக்கிறவைகளும் பூலோகத்திலிருக்கிறவைகளுமாகிய சகலமும் கிறிஸ்துவுக்குள்ளே கூட்டப்படவேண்டுமென்று, 10 தமக்குள்ளே தீர்மானித்திருந்த தம்முடைய தயவுள்ள சித்தத்தின் இரகசியத்தை எங்களுக்கு அறிவித்தார்.

ஆக பிதாவாகிய தேவனை ஆராதிக்க வேண்டுமானாலும், துதிக்க வேண்டுமானாலும், போற்ற வேண்டுமானாலும், புகழ வேண்டுமானாலும் முக்கியமாக தொழுதுகொள்ள வேண்டுமானாலும் அது கர்த்தராகிய இயேசுகிறிஸ்துவின் நாமத்தின் மூலமே சாத்தியம்.

1 கொரிந்தியர் 1:2 கொரிந்துவிலே கிறிஸ்து இயேசுவுக்குள் பரிசுத்தமாக்கப்பட்டவர்களாயும், பரிசுத்தவான்களாகும்படி அழைக்கப்பட்டவர்களாயுமிருக்கிற தேவனுடைய சபைக்கும், எங்களுக்கும் தங்களுக்கும் ஆண்டவராயிருக்கிற நம்முடைய கர்த்தராகிய இயேசு கிறிஸ்துவின் நாமத்தை எங்கும் தொழுதுகொள்ளுகிற அனைவருக்கும் எழுதுகிறதாவது:

எபேசியர் 5:20 நம்முடைய கர்த்தராகிய இயேசுகிறிஸ்துவின் நாமத்தினாலே எப்பொழுதும் எல்லாவற்றிற்காகவும் பிதாவாகிய தேவனை ஸ்தோத்திரித்து,

கொலோசெயர் 3:17 வார்த்தையினாலாவது கிரியையினாலாவது, நீங்கள் எதைச் செய்தாலும், அதையெல்லாம் கர்த்தராகிய இயேசுவின் நாமத்தினாலே செய்து, அவர் முன்னிலையாகப் பிதாவாகிய தேவனை ஸ்தோத்திரியுங்கள்.

மேலும் புதியஏற்பாடு முழுவதிலும் எங்கெல்லாம் பிதாவைக் குறித்து சொல்லப் பட்டிருக்கின்றதோ, அங்கெல்லாம் கர்த்தராகிய இயேசுவையும் அல்லது அவருடைய நாமத்தைக் குறித்தும் சேர்த்தே சொல்லப்பட்டிருக்கின்றது. பிதாவைக் குறித்து தனியாக சொல்லப்பட்டிருப்பதை நீங்கள் புதிய ஏற்பாட்டில் காணவே முடியாது.

ரோமர் 1:3; 1 கொரி. 1:3; 2 கொரி. 1:2; எபேசியர் 1:2; பிலிப்பியர் 1:2; 2 தெச. 1:2 நம்முடைய பிதாவாகிய தேவனாலும் கர்த்தராகிய இயேசுகிறிஸ்துவினாலும் உங்களுக்குக் கிருபையும் சமாதானமும் உண்டாவதாக.

கலாத்தியர் 1:3 பிதாவாகிய தேவனாலும், நம்முடைய கர்த்தராகிய இயேசுகிறிஸ்துவினாலும் உங்களுக்குக் கிருபையும் சமாதானமும் உண்டாவதாக;

கொலோசெயர் 1:2 கொலோசெ பட்டணத்தில் கிறிஸ்துவுக்குள் பரிசுத்தவான்களும் விசுவாசிகளுமாயிருக்கிற சகோதரர்களுக்கு எழுதுகிறதாவது: நம்முடைய பிதாவாகிய தேவனாலும் கர்த்தராகிய இயேசுகிறிஸ்துவினாலும் உங்களுக்குக் கிருபையும் சமாதானமும் உண்டாவதாக.

1 தெச. 1:1 பவுலும், சில்வானும், தீமோத்தேயும், பிதாவாகிய தேவனுக்குள்ளும் கர்த்தராகிய இயேசுகிறிஸ்துவுக்குள்ளும் இருக்கிற தெசலோனிக்கேயர் சபைக்கு எழுதுகிறதாவது: நம்முடைய பிதாவாகிய தேவனாலும் கர்த்தராகிய இயேசுகிறிஸ்துவினாலும் உங்களுக்குக் கிருபையும் சமாதானமும் உண்டாவதாக.

1 தீமோத்தேயு 1:2 விசுவாசத்தில் உத்தம குமாரனாகிய தீமோத்தேயுவுக்கு எழுதுகிறதாவது: நம்முடைய பிதாவாகிய தேவனாலும் நம்முடைய கர்த்தராகிய கிறிஸ்து இயேசுவினாலும் கிருபையும் இரக்கமும் சமாதானமும் உண்டாவதாக.

2 தீமோத்தேயு 1:2 பிரியமுள்ள குமாரனாகிய தீமோத்தேயுவுக்கு எழுதுகிறதாவது: பிதாவாகிய தேவனாலும் நம்முடைய கர்த்தராகிய கிறிஸ்து இயேசுவினாலும் கிருபையும் இரக்கமும் சமாதானமும் உண்டாவதாக.

தீத்து 1:2 பிதாவாகிய தேவனாலும், நம்முடைய இரட்சகராயிருக்கிற கர்த்தராகிய இயேசுகிறிஸ்துவினாலும், கிருபையும் இரக்கமும் சமாதானமும் உண்டாவதாக.

பிலேமோன் 1:3  நம்முடைய பிதாவாகிய தேவனாலும், கர்த்தராகிய இயேசுகிறிஸ்துவினாலும், உங்களுக்குக் கிருபையும் சமாதானமும் உண்டாவதாக.

யாக்கோபு 1:1 தேவனுக்கும் கர்த்தராகிய இயேசுகிறிஸ்துவுக்கும் ஊழியக்காரனாகிய யாக்கோபு, சிதறியிருக்கிற பன்னிரண்டு கோத்திரங்களுக்கும் வாழ்த்துதல் சொல்லி எழுதுகிறதாவது:

1 பேதுரு 1:3 நம்முடைய கர்த்தராகிய இயேசுகிறிஸ்துவின் பிதாவாகிய தேவனுக்கு ஸ்தோத்திரம் உண்டாவதாக

2 பேதுரு 1:1 நம்முடைய தேவனும் இரட்சகருமாயிருக்கிற இயேசுகிறிஸ்துவினுடைய நீதியால் எங்களைப்போல அருமையான விசுவாசத்தைப் பெற்றவர்களுக்கு, இயேசுகிறிஸ்துவின் ஊழியக்காரனும் அப்போஸ்தலனுமாகிய சீமோன் பேதுரு எழுதுகிறதாவது:

1 யோவான் 1:3 நீங்களும் எங்களோடே ஐக்கியமுள்ளவர்களாகும்படி, நாங்கள் கண்டும் கேட்டும் இருக்கிறதை உங்களுக்கும் அறிவிக்கிறோம்; எங்களுடைய ஐக்கியம் பிதாவோடும் அவருடைய குமாரனாகிய இயேசுகிறிஸ்துவோடும் இருக்கிறது.

2 யோவான் 1:3 பிதாவாகிய தேவனாலும் பிதாவின் குமாரனாயிருக்கிற கர்த்தராகிய இயேசுகிறிஸ்துவினாலும், கிருபையும் இரக்கமும் சமாதானமும், சத்தியத்தோடும் அன்போடுங்கூட, உங்களோடிருப்பதாக.

யூதா 1:1 இயேசுகிறிஸ்துவினுடைய ஊழியக்காரனும், யாக்கோபினுடைய சகோதரனுமாயிருக்கிற யூதா, பிதாவாகிய தேவனாலே பரிசுத்தமாக்கப்பட்டவர்களும், இயேசுகிறிஸ்துவினாலே காக்கப்பட்டவர்களுமாகிய அழைக்கப்பட்டவர்களுக்கு எழுதுகிறதாவது:

வெளி. 1:1 க்கிரத்தில் சம்பவிக்கவேண்டியவைகளைத் தம்முடைய ஊழியக்காரருக்குக் காண்பிக்கும்பொருட்டு, தேவன் இயேசுகிறிஸ்துவுக்கு ஒப்புவித்ததும், இவர் தம்முடைய தூதனை அனுப்பி, தம்முடைய ஊழியக்காரனாகிய யோவானுக்கு வெளிப்படுத்தினதுமான விசேஷம்.

மேற்கண்ட புதிய ஏற்பாடு சத்தியங்களின் அடிப்படையில், ஒரு காரியத்தை இப்பொழுது சொல்லப்போகிறேன் (ஒருவேளை சிலர் ஏற்கனவே சொல்லியிருக்கக்கூடும். ஆனால் நான் கேட்டதில்லை / கேள்விப்பட்டதில்லை).

தொடர்கிறது ....

சகோ.ஜோசப்பின் கட்டுரையின் பகுதி 6:

ஆண்டவராகிய இயேசுகிறிஸ்துவை சொந்த இரட்சகராக ஏற்றுக்கொண்டு, அவரின் இரத்தத்தால் கழுவப்பட்டு, மீட்க்கப்பட்டு, அவரே தேவன் (அவரும் தேவன் என்று அல்ல) என்று விசுவாசித்து, அவருடைய நாமத்தை துதித்து, தொழுதுகொண்டு, அவருடைய சத்தியங்களை முழுமையாக விசுவாசித்து, அவருடைய விருப்பங்கள்/வழிகளின்/வார்த்தையின்படி நடந்து கொள்பவர்கள் மாத்திரமே அவருடைய சபையை/தொழுவத்தை சேர்ந்தவர்கள். அவர்கேள மணவாட்டி என்று அழைக்கப்படுகின்றார்கள். (அதாவது அப்போஸ்தலர் காலம் முதல் இன்றைய காலம் வரை மேற்கண்ட சத்தியத்தின்படி நடந்தவர்கள் / நடப்பவர்கள் மாத்திரமே மணவாட்டி ஆவர். அவர்கள் உலகில் எங்கு வேண்டுமானாலும், எந்த சபையில் (கத்தோலிக்கம்/மார்மோன்/யெகோவா சாட்சியினர் போன்ற இயேசுவை தெய்வமாக தொழுது கொள்ளாதவர்களை தவிர்த்து) வேண்டுமானாலும் இருக்கக்கூடும்.  

யோவான் 4:21 அதற்குஇயேசு: ஸ்திரீயே, நான்சொல்லுகிறதைநம்பு, நீங்கள்இந்தமலையிலும்எருசலேமிலும்மாத்திரமல்ல, எங்கும்பிதாவைத்தொழுதுகொள்ளுங்காலம்வருகிறது.

 1 கொரி. 1:2 கொரிந்துவிலே கிறிஸ்துஇயேசுவுக்குள் பரிசுத்தமாக்கப்பட்டவர்களாயும், பரிசுத்தவான்களாகும்படி அழைக்கப்பட்டவர்களாயுமிருக்கிற தேவனுடைய சபைக்கும், எங்களுக்கும் தங்களுக்கும் ஆண்டவராயிருக்கிற நம்முடைய கர்த்தராகிய இயேசுகிறிஸ்துவின் நாமத்தை எங்கும் தொழுதுகொள்ளுகிற அனைவருக்கும் எழுதுகிறதாவது: 

நீங்களும், கோவை பெரேயன்ஸ் அவர்களும் ஆண்டவராகிய இயேசுகிறிஸ்துவின் மீட்பின் எல்லா நிலைகளையும் ஏற்றுக்கொண்டாலும், இயேசுகிறிஸ்துவை தேவனாக அங்கீகரிக்கவில்லையென்றால் நீங்கள் அவருடைய மந்தையின் ஆடுகள் அல்ல. மாறாக தொழுவத்திற்கு வெளியே நிற்பவர்கள். 

யோவான் 10:9 நானே வாசல், என் வழியாய் ஒருவன் உட்பிரவேசித்தால், அவன் இரட்சிக்கப்படுவான், அவன் உள்ளும் புறம்பும் சென்று, மேய்ச்சலைக் கண்டடைவான்.

யோவான் 8:24 … நானே அவர் என்று நீங்கள் விசுவாசியாவிட்டால் உங்கள் பாவங்களிலே சாவீர்கள் என்றார்.

1 யோவான் 2:23 குமாரனை மறுதலிக்கிறவன் பிதாவையுடையவனல்ல, குமாரனை அறிக்கையிடுகிறவன் பிதாவையும் உடையவனாயிருக்கிறான்.

நீங்கள் ஒருவேளை சொல்லக்கூடும். குமாரன் என்றுதானே சொல்லப்பட்டிருக்கின்றது. தேவன் என்று இல்லையே. முதலாவது குமாரன் என்றால் என்ன என்று வேதத்திலிருந்து புரிந்து கொள்ளவேண்டும்.  குமாரன் என்றால் சரீரம் என்று அர்த்தம். 

லுக்கா 1:35 தேவதூதன் அவளுக்குப் பிரதியுத்தரமாக: பரிசுத்தஆவி உன்மேல் வரும்; உன்னதமானவருடைய பலம் உன்மேல் நிழலிடும்; ஆதலால் உன்னிடத்தில் (மரியாளிடத்தில்) பிறக்கும் பரிசுத்தமுள்ளது (சரீரம்) தேவனுடைய குமாரன் என்னப்படும்.

ஆவி, மாம்சமாக (சரீரமாக) முடியாது. வார்த்தை மாம்சமானது (சரீரமானது). ஆனால் ஆவி, மாம்சத்திற்குள் (சரீரத்திற்குள்) வாசம் செய்யமுடியும். 

யோவான் 1:1 ஆதியிலே வார்த்தை இருந்தது, அந்த வார்த்தை தேவனிடத்திலிருந்தது, அந்த வார்த்தை தேவனாயிருந்தது.

14 அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம் பண்ணினார்; அவருடைய மகிமையைக் கண்டோம்; அது பிதாவுக்கு ஒரே பேறானவருடைய மகிமைக்கு ஏற்ற மகிமையாகவே இருந்தது. 

1 தீமோ. 3:16 அன்றியும், தேவபக்திக்குரிய இரகசியமானது யாவரும் ஒப்புக்கொள்ளுகிறபடியே மகாமேன்மையுள்ளது. தேவன் (பிதா) மாம்சத்திலே (இயேசுவில்) வெளிப்பட்டார், ஆவியிலே நீதியுள்ளவரென்று விளங்கப்பட்டார், தேவதூதர்களால் காணப்பட்டார், புறஜாதிகளிடத்தில் பிரசங்கிக்கப்பட்டார், உலகத்திலே விசுவாசிக்கப்பட்டார், மகிமையிலே ஏறெடுத்துக் கொள்ளப்பட்டார்.

கொலோ. 1:15 அவர் (இயேசு) அதரிசனமான தேவனுடைய (பிதாவினுடைய) தற்சுரூபமும் (சரீரம்) ….

எபிரெயர் 1:3 இவர் (இயேசு) அவருடைய (பிதாவின்) மகிமையின் பிரகாசமும், அவருடைய தன்மையின் சொரூபமுமாயிருந்து (சரீரமாயிருந்து), ….

இதைதான் நாம் இயேசுவின் ஞானஸ்நானத்தில் காண்கிறோம். 

மத்தேயு 3:16,17 இயேசு ஞானஸ்நானம் பெற்று, ஜலத்திலிருந்து கரையேறினவுடனே, இதோ, வானம் அவருக்குத் திறக்கப்பட்டது; தேவஆவி (மூன்றாம் நபர் அல்ல, பிதாவே) புறாவைப்போல இறங்கி, தம்மேல் வருகிறதைக் கண்டார். அன்றியும், வானத்திலிருந்து ஒருசத்தம் உண்டாகி: இவர் (இயேசு) என்னுடைய (பிதாவினுடைய) நேசகுமாரன் (சொந்த சரீரம்), இவரில் (இந்த சரீரத்தில் வாசம் செய்ய) பிரியமாயிருக்கிறேன் என்று உரைத்தது.

அப்போஸ்தலர் 20:28 ஆகையால், உங்களைக்குறித்தும், தேவன் தம்முடைய சுயரத்தத்தினாலே சம்பாதித்துக் கொண்ட தமது சபையை மேய்ப்பதற்குப் பரிசுத்தஆவி உங்களைக் கண்காணிகளாக வைத்த மந்தை முழுவதையுங்குறித்தும், எச்சரிக்கையாயிருங்கள்.

தேவன் தான் ஆவியாயிருக்கிறாரே. பின்னை எப்படி அவருக்கு இரத்தம் உண்டாயிற்று. அதுவும் தம்முடைய சுயரத்தம் என்று கூறுகிறார். அப்படியென்றால் இயேசு ஆவியாயிருக்கின்ற பிதாவினுடைய சொந்த மாம்ச சரீரமாகத்தான் இருக்கமுடியும். 

எபிரெயர் 10:5 ஆகையால் அவர் உலகத்தில் பிரவேசிக்கும்போது: பலியையும் காணிக்கையையும் நீர் விரும்பவில்லை, ஒரு சரீரத்தை எனக்கு ஆயத்தம் பண்ணினீர்;

எபிரெயர் 2:14 ஆதலால், பிள்ளைகள் (நாம்) மாம்சத்தையும் இரத்தத்தையும் உடையவர்களாயிருக்க, அவரும் (பிதாவும்) அவர்களைப்போல மாம்சத்தையும் இரத்தத்தையும் உடையவரானார்; …

ஆதியிலே தேவன் மனிதனை சிருஷ்டிக்கும்போது நம்மைப்போல் சிருஷ்டிப்போம் என்று சொல்லி ஆவி மற்றும் சரீரமுள்ள மனிதனாக சிருஷ்டித்த்தை 1ஆம் மற்றும் 2ஆம் அதிகாரங்களில் பார்க்கமுடியும். அப்படியென்றால் தேவனும் ஆவியாயும் சரீரமாயும் இருக்கின்றார் என்று அறிந்து கொள்ள முடியும். ஆனால் தேவனுக்கும் மனிதனுக்கும் உள்ள ஒரு வித்தியாசம் என்னவெனில் ஆவியாகிய மனிதன் மண்ணினால் உருவாக்கப்பட்ட சரீரத்தில் வாசம் செய்தான். ஆவியாகிய தேவேனா வார்த்தை என்னும் லோகோஸுக்குள் அதாவது ஆவிக்குரிய சரீரத்தில் வாசம் செய்தார். 

(இந்த லோகோஸைக் குறித்த வெளிப்பாடு திரித்துவத்தை விசுவாசிப்பவர்களில் அநேகருக்கு இல்லை என்றாலும், கோவை பெரியன்ஸ் அவர்களுக்கு உண்டு. அவர்களுடைய தளத்தில் ஒரு திரியில் லோகோஸின் மூலமாகவே பழைய ஏற்பாட்டின் பரிசுத்தவான்கள் எல்லோரும் பிதாவை தொழுதுகொண்டார்கள் என்று சரியாகக் கூறியிருந்தார். அத்திரியை சேவ் செய்ய மறந்துவிட்டேன். இப்பொழுது தேடி எடுக்கவும் நேரமில்லை).

தொடர்கிறது ....

சகோ.ஜோசப்பின் கட்டுரையின் பகுதி 8:

அப்போஸ்தலர்களின் மறைவுக்குப்பின் இவ்வளவு காலம் மறைக்கப்பட்டிருந்த அந்த மகத்தான சத்தியத்தை, தேவன் இந்த கடைசி காலங்களில் வெளிப்படுத்தியிருக்கின்றார். இயேசு சொன்னது போல் பாதாளத்தின் வாசல்கள் அந்த வெளிப்பாட்டை மேற்கொள்ள முடியவில்லை. 

அச்சத்தியத்தை விசுவாசிக்கும் சபையினர் ”ஒருத்துவக்காரர்கள்” என்று அழைக்கப்படுகின்றார்கள். அந்தக் குறிப்பிட்ட சபையினர் விசுவாசிக்கும் “ஒருத்துவம்” என்ற கோட்பாடு ஓரு விதத்தில் சரியாக இருந்தாலும் அச்சபையினரின் தவறான போக்கினால் ”ஒன்லி ஜீசஸ்” என்று முத்திரை குத்தப்பட்டு விட்டது. அதாவது அவர்கள் இயேசுவை மாத்திரம் அங்கீகரிக்கின்றார்கள், பிதாவையும், பரிசுத்த ஆவியையும் மறுதலிக்கின்றார்கள் என்று மற்ற  மெய்ன்லைன் சபையினர் தவறாக புரிந்துகொண்டதினால். ஓருவிதத்தில் அவர்கள் நினைப்பதும் சரியே.

என்னவென்றால் ஒருத்துவக்காரர்களுக்கு ”இயேசு கிறிஸ்துவே” அந்த ஒரே தேவனாக இருக்கின்றார் என்ற சத்தியத்தை சரியாக அறிந்திருந்தாலும் மற்ற சத்தியங்கள் எதுவும் தெரியாது. மேலும் இயேசுகிறிஸ்து 100% தேவனாக இருக்கின்றார், அதே சமயத்தில் 100% மனிதனாக இருக்கின்றார் என்ற வித்தியாசம் எல்லாம் தெரியாது. 

1 தீமோ. 2:5 தேவன் ஒருவரே, தேவனுக்கும் மனுஷருக்கும் மத்தியஸ்தரும் ஒருவரே. 6 எல்லாரையும் மீட்கும் பொருளாகத் தம்மை  ஒப்புக்கொடுத்த மனுஷனாகிய கிறிஸ்துஇயேசு  அவரே (அதாவது அந்த இரண்டும் அவரே, தேவனும், மத்தியஸ்தரும்);  இதற்குரிய சாட்சி ஏற்றகாலங்களில் விளங்கிவருகிறது. 

7 இதற்காகவே நான் (பவுல்) பிரசங்கியாகவும், அப்போஸ்தலனாகவும், புறஜாதிகளுக்கு  விசுவாசத்தையும் சத்தியத்தையும் விளங்கப்பண்ணுகிற போதகனாகவும் நியமிக்கப்பட்டிருக்கிறேன்;  நான்  பொய்  சொல்லாமல்  கிறிஸ்துவுக்குள்  உண்மையைச்  சொல்லுகிறேன். 

ஆனால், இவர்களும் (ஒருத்துவத்தை விசுவாசிப்பவர்கள்) பரிசுத்த ஆவியை விசுவாசித்தாலும், பரிசுத்த ஆவியின் வரங்களை / கிரியைகளை (குறிப்பாக அந்நிய பாஷைகள்/தீர்க்கதரிசனம்) இவைகளை  விசுவாசிப்பதில்லை அல்லது ஏற்றுக்கொள்வதில்லை. சபையில் கட்டுப்பாடுகள் அதிகம். பெண்கள் முடிவெட்டக்கூடாது, நீளமாக வளர்க்க வேண்டும்  (இந்தியாவில் பொதுவாக பெண்கள் யாரும் அப்படி செய்வதில்லை). சுடிதார் அணியக்கூடாது, ஏனென்றால் அது பேண்ட்டாம் (தமிழில் என்ன வார்த்தை என்று தெரியவில்லை). ஆண்கள் அணியும் உடுப்பாம் (என்ன கொடுமை சார் இது? என்னை கேட்டால் புடைவைய காட்டிலும் சுடிதார் எவ்வளவோ மேல் என்பேன்). இது போன்ற LegalismÐகள் ஏராளம். ஆத்துமாக்களைக் குறித்த பாரம் கிடையாது. ஏற்கனவே இரட்சிக்கப்பட்டவர்களை மாத்திரம் இலக்குவைத்து செயல்படுவார்கள். அவர்கள் முக்கியத்துவம் கொடுப்பெதல்லாம் வேதத்தைவிட ஒரு குறிப்பிட்ட தீர்க்கதரிசிக்கு மாத்திரமே (அந்த தீர்க்கதரிசியின் மீது தவறில்லை, தேவன் அவருக்கு தந்த ஊழியத்தை சரியாகத்தான் நிறைவேற்றினார். ஆனால் கத்தோலிக்க சபை, எப்படி அப்போஸ்தலர்களை மத்தியஸ்தர்களாக மாற்றினதோ அதுபோலவே ஒருத்துவக்காரர்களும் இந்த தீர்க்கதரிசியை மத்தியஸ்தராக மாற்றி விட்டனர்).  

வேதத்திலிருந்து பிரசங்கிப்பதற்குப் பதிலாக, புத்தக வடிவிலான அந்த தீர்க்கதரிசியின் பிரசங்கத்திலிருந்து வார்த்தைகளை எடுத்து பிரசங்கிப்பார்கள். புல்பீட்டில் அந்த தீர்க்கதரிசியின் படத்தை வைத்திருப்பார்கள். இன்னும் சிலர் extreme  end-ஆக சென்று அந்த தீர்க்கதரிசியின் நாமத்திலேயே ஞானஸ்நானம் கொடுக்க ஆரம்பித்துவிட்டனர். ஆகவே தான் இவர்கள் Cult  Group ஆக மாறிவிட்டனர் ஒரு சிலரைத் தவிர. இவர்களுடைய தவறினாலும், 1970-80 ஆம் வருடங்களில் தமிழ்நாட்டில் ஒரு பிரபலமான ஊழியரின் பின்மாற்றத்தாலும், அந்த குறிப்பிட்ட தீர்க்கதரிசியின் வேதஉபதேசங்கள் எல்லாம் கள்ள உபதேசங்கள் என்று தவறாக முத்திரை குத்தப்பட்டு விட்டது. பிசாசானவன் மறுபடியும் தற்காலிகமாக வெற்றி பெற்றுவிட்டான்.

ஆகவே இச்சத்தியத்தை (கர்த்தராகிய இயேசுகிறிஸ்துவின் நாமத்தில் ஞானஸ்நானம்) விசுவாசித்து தொடர்ந்து வந்த தமிழ்நாட்டில் உள்ள மற்ற ஊழியர்கள் அச்சத்தியத்தைக்குறித்து இன்று வரையிலும் ஒன்றும் சொல்லமுடியாமல் போயிற்று. மற்றபடி அவர்கள் சுவிஷேச ஊழியத்தை மிகவும் சிறப்பாக செய்து முடித்து சென்றார்கள் (தேவன் இச்சத்தியத்தை விசுவாசித்த அவர்கள் மூலமாக செய்த ஊழியங்கள் போன்று வேறு எந்த திரித்துவ ஊழியர் மூலமும் இன்றுவரை செய்யவில்லை என்பது குறிப்பிடத்தக்கது)

மனிதர்கள் மாறிப்போகலாம், தவறலாம், ஆனால் சத்தியம் ஒருநாளும் மாறாது, அழியாது. தேவன் திரும்பவும் அச்சத்தியத்தை யார் மூலமாவது கொண்டு வருவார். அதற்காக ஜெபித்துகொண்டிருக்கின்றேன். சாத்தானின் தலை மறுபடியும் நசுக்கப்படும். ஆமேன்.

சரி இந்த மூன்று கோட்பாடுகளும் தவறு என்றால் எதுதான் சரி என்கிற கேள்வி எழுகிறது அல்லவா? நம்முடைய வேதாகமம் அதற்கான விடையை அளிக்கின்றது. “தேவத்துவம்” என்பதே அந்த விடை. இதில் விசேஷம் என்னவென்றால் இந்த தேவத்துவம் என்பதற்குள் ஒருத்துவம், இருத்துவம் மற்றும் திரித்துவம் ஆகிய மூன்றுமே அடங்கியிருக்கின்றது. (இது என்னடா புது உபதேசமா இருக்கு, ஒரு க்ரூப்பாய்தான்யா கெளம்புறான்க, உட்கார்ந்து யோசிப்பாங்களோ?). கெரக்ட், ஆனா யோசிச்சது இல்ல, தியானித்தது.

இந்த தேவத்துவம் (Godhead) என்ற வார்த்தையை வேதத்தில் நாம் காணமுடியும். 

அப்போஸ்தலர் 17:29 நாம்தேவனுடையசந்ததியாராயிருக்க, மனுஷருடைய  சித்திரவேலையினாலும்யுக்தியினாலும்உருவாக்கினபொன், வெள்ளி, கல்இவைகளுக்குத்தெய்வம்  (in  English: Godhead) ஒப்பாயிருக்குமென்று நாம் நினைக்கலாகாது. 

ரோமர் 1:20 எப்படியென்றால், காணப்படாதைவகளாகிய அவருடைய நித்தியவல்லமை தேவத்துவம்  என்பைவகள்,  உண்டாக்கப்பட்டிருக்கிறவை களினாலே, உலகமுண்டானது முதற்கொண்டு, தெளிவாய்க்  காணப்படும்;  ஆதலால்  அவர்கள்  போக்குச்சொல்ல இடமில்லை. 

கொலோ. 2:9 ஏனென்றால்,  தேவத்துவத்தின்  பரிபூரணெமல்லாம்  சரீரப்பிரகாரமாக  அவருக்குள் வாசமாயிருக்கிறது.

இந்த தேவத்துவத்தில் ”தேவன் என்கிற ஒரு நபர் மூன்று நிலைகளில் கிரியை செய்கிறதை” வேதம் முழுவதிலும் நாம் காண முடியும். அதாவது பழையஏற்பாட்டில் பிதாவாகவும், சுவிஷேசங்களில் குமாரனாகவும், நிருபங்களில் (நம்முடைய காலம்)  பரிசுத்த ஆவியாகவும் கிரியை செய்கின்றார். எனவே இவ்விரண்டிற்கும் (திரித்துவம் மற்றும் தேவத்துவம்) வித்தியாசம் உண்டு. 

(இதைக் குறித்து ஏற்கனவே தமிழ் கிறிஸ்தவ தளத்தில் ”திரித்துவம் என்றால் என்ன” என்ற திரியில் நானும் கலந்துகொண்டு எழுத ஆரம்பித்தேன். வழக்கம்போல சிலர் முதலில் எதிர்த்து எழுதினாலும் ஒரு சில எதிர் கேள்விகள் மற்றும் சில விளக்கங்களுக்குப் பிறகு ஒருவர் மாத்திரம் தன்னுடைய கடைசி பதிவில் “மூவரும் என்று சொல்லுவது தவறுதான்” என்று ஒப்புக்கொண்டார். 

என்ன காரணத்தினாலேயோ அந்த திரியை முழுவதுமாக நீக்கி விட்டார்கள். ஒருவேளை யாரும் சத்தியத்தை அறிந்துவிடக் கூடாது என்ற நல்ல எண்ணத்தினால்? நீக்கியிருக்கலாம். சில மாதங்கள் கழித்து ஒன்றுமே நடவாததுபோல்/தெரியாததுபோல் மறுபடியும் அதே தலைப்பில், அதே ஆரம்ப பதிவோடு புதிதாக ஒரு திரியை தொடங்கினார்கள் (கெரக்டா வாட்ச் பண்றான்ய்யா). நானும் மறுபடியும் பழைய பதிவை பதிக்கலாமா என்று கூட யோசித்தேன். பின்பு நாமும் சில்லித்தனமாக பிஹேவ் பண்ணக்கூடாது என்று விட்டு விட்டேன்). 

மத்தேயு 15:14 இயேசு சொன்னார், அவர்களை  விட்டுவிடுங்கள்,  அவர்கள்  குருடருக்கு  வழிகாட்டுகிற குருடராயிருக்கிறார்கள்;  குருடனுக்குக்  குருடன்  வழிகாட்டினால்  இருவரும்  குழியிலே விழுவார்களே என்றார். 

மூன்று குருடர்கள் யானையைத் தடவிப்பார்த்து விவரித்த கதையை நினைவில் கொள்ளவும்.

ஒருவன் காலை மாத்திரம் தடவிப்பார்த்து அதுதான் யானை என்று நினைக்கின்றான். அதுபோலவே மற்றவன் வாலையும், இன்னொருவன் காதையும் தடவிப்பார்த்து, அவர்கள் எதைத் தடவிப்பார்த்து அறிந்தார்களோ அது மாத்திரமே யானை என்று நினைக்கின்றார்கள். ஆனால் யானைக்கு கால்கள், காது மற்றும் வால் ஆகிய மூன்றுமே உள்ளது. கண்கள் திறக்கப்பட்ட ஒருவன் மாத்திரமே அந்த மூன்றும் சேர்ந்த ஒரே முழு உருவமாக யானையைக் காணமுடியும். 

தொடர்கிறது ....

சகோ.ஜோசப்பின் கட்டுரையின் பகுதி 10:

மேலும் இந்த ஒருத்துவம், இருத்துவம் மற்றும் திரித்துவம் எல்லாம் மீட்பின் உபதேசத்தை சேர்ந்தது அல்ல. மீட்பிற்கு அடிப்படையானது இயேசு தேவனுடைய குமாரன் (சரீரம்) என்று விசுவாசிப்பதும், அவரை சொந்த இரட்சகராக ஏற்றுக்கொள்வதும், கல்வாரி சிலுவையின் பலியை அங்கீகரிப்பதுமே ஆகும்.

இயேசுவின் இரத்தால் கழுவப்பட்டவர்கள் மாத்திரமே மீட்க்கப்பட்டவர்கள். இந்த சத்தியத்தைக் குறித்த சரியான அறிவு அவர்களுக்கு மட்டுமே உண்டு. பரிசுத்த ஆவியானவரின் கனிகளும்? (பெரும்பான்மையானவர்களிடத்தில் இல்லையென்றாலும்), வரங்களும் (அநேகர் தவறான விதத்தில் உபேயாகப்படுத்தினாலும்) அவர்களிடத்தில் செயல்படுகிறது. தெய்வீக சுகமளித்தலில்

இன்றளவும் விசுவாசம் உடையவர்கள் அவர்கள் மாத்திரமே.  இந்த காரணங்களுக்காகவே நான் ஒருத்துவத்தை விசுவாசித்தாலும், பெந்தேகோஸ்த்தே திரித்துவ சபையில் அங்கத்தினராக இருக்கின்றேன். திரித்துவத்தை விசுவாசிப்போர்களிடதில் மாத்திரம் நான் ஐக்கியம் கொண்டிருக்கின்றேன். 

என்ன!! அவர்கள் பரேலாகம் செல்கையில், இயேசுவே சர்வத்திலும் மேலான ஸ்தோத்தரிக்கப்பட்ட தேவன் என்று அப்பொழுது அறிந்து கொள்வார்கள். 

ரோமர் 9:5 ......; மாம்சத்தின்படி கிறிஸ்துவும் அவர்களில் பிறந்தாரே, இவர் (இயேசு) என்றென்றைக்கும் ஸ்தோத்திரிக்கப்பட்ட சர்வத்திற்கும் மேலான தேவன். ஆமென். 

அவர்கள் தேடினாலும் பிதாவையும், பரிசுத்த ஆவியானவரையும் காணவே முடியாது.  (நான் வேடிக்கையாக இவ்விதம் நினைத்து பார்ப்பது உண்டு, ஒருவேளை ஆண்டவர்இயேசு, பிலிப்புவை பார்த்து இப்படி சொல்லக்கூடும், பிலிப்புவே, உன்உறவினர்கள்/சொந்தக்காரர்கள் நிறைய பேர் வந்திருக்கின்றார்கள். உன்னுடைய கேள்விக்கு நான் என்ன பதிலை உனக்கு சொன்னேனோ அதே பதிலையே அவர்களுக்கு நீயே சொல்லிவிடு என்பதாக). 

யோவான் 14:8 பிலிப்பு  அவரை  நோக்கி:  ஆண்டவரே,  பிதாவை  எங்களுக்குக்  காண்பியும்,  அது  எங்களுக்குப் போதும் என்றான்.  9 அதற்கு  இயேசு:  பிலிப்புவே,  இவ்வளவுகாலம்  நான்  உங்களுடனேகூட  இருந்தும்  நீ  என்னை  அறியவில்லையா? என்னைக்கண்டவன்பிதாவைக்கண்டான்; அப்படியிருக்க, பிதாவை எங்களுக்குக் காண்பியும் என்று நீ எப்படிச் சொல்லுகிறாய்? 

ஆனால் திரித்துவத்தை விசுவாசிப்பவர்களுக்கும் ஒரு செக் பாய்ண்ட் உண்டு. அது அவர்களாக ஏற்படுத்திக்கொண்டாலொழிய மற்றபடி பிரச்சனை இல்லை. எடுத்துக்காடாக கூறவேண்டு மெனில், கிறிஸ்துவின் சிலுவை மரணத்திற்கு பிறகு யூதர்களுக்கு நேர்ந்த அனைத்து துன்பங்களுக்கும் காரணம் தேவன் கிடையாது, பிசாசும் கிடையாது (அவன் ஜனங்களை இயேசுவுக்கு எதிராக சிலுவையில் அறையும்படி தூண்டிவிட்டது உண்மையென்றாலும்). யூதர்கள் தாங்களாகவே தங்கள் தலைமேல் போட்டுக்கொண்ட சாபம் அது. 

மத்தேயு 27:25  அதற்கு  ஜனங்களெல்லாரும்:  இவனுடைய  இரத்தப்பழி  எங்கள் மேலும்  எங்கள்  பிள்ளைகள் மேலும் இருப்பதாக என்று சொன்னார்கள்.

மேற்சொல்லப்பட்ட இந்த வார்த்தையின் நிமித்தம் இந்நாள் வரையில் யூதர்கள் எந்த அளவிற்கு துன்பப்பட்டார்கள் என்பதை நாம் நன்கு அறிவோம். 

அதுபோலவே திரித்துவத்தை விசுவாசிப்பவர்கள், மூன்று பேர் என்றாலும் ஒரே  தேவனைத் தான் விசுவாசிக்கின்றோம் என்று சொல்லிக்கொள்வார்கள். அப்படியென்றால் வேதத்தின்படி அந்த ஒரே தேவனுடைய நாமமாகிய “கர்த்தராகிய இயேசு கிறிஸ்து” வின் நாமத்தில் ஞானஸ்நானம் கொடுக்கலாமா என்று சொன்னால், இல்லை, இல்லை அது கள்ள உபதேசம் என்று கூறுவார்கள்.

இங்கேதான் திரித்துவத்தை விசுவாசிப்பவர்கள் மாட்டிக்கொள்வார்கள். அவர்களுடைய சுயரூபம் தெரியவரும். ஏனென்றால் அவர்கள் ஒரே தேவனை விசுவாசிக்கின்றோம் என்று சொல்லிக் கொண்டாலும் உண்மையில் மூன்று தேவன்களைத்தான் விசுவாசிக்கின்றார்கள். அவர்கள் கோதுமை மணி அல்ல, வெறும் பதர் என்று அப்பொழுது தான் தெரியவரும். இவர்களைக் குறித்துதான் ஆண்டவர் சொன்னார். 

மத்தேயு 24:24 ஏனெனில்,  கள்ளக்கிறிஸ்துக்களும்  கள்ளத்தீர்க்கதரிசிகளும்  எழும்பி,  கூடுமானால்  தெரிந்து கொள்ளப்பட்டவர்களையும் வஞ்சிக்கத்தக்கதாகப் பெரிய அடையாளங்களையும்  அற்புதங்களையும் செய்வார்கள். 

ஆனால் சத்தியம் என்று வரும்போது மாட்டிக்கொள்வார்கள். 

2 தீமோ. 3:1 மேலும், கடைசிநாட்களில் கொடிய காலங்கள் வருமென்று அறிவாயாக. 5 தேவபக்தியின் வேஷத்தைத் தரித்து அதின் பெலனை மறுதலிக்கிறவர்களாயும்  இருப்பார்கள்; இப்படிப்பட்டவர்களை நீ விட்டு விலகு. 

 8 யந்நேயும்  யம்பிரேயும்  மோசேக்கு  எதிர்த்து  நின்றதுபோல  இவர்களும்  சத்தியத்துக்கு  எதிர்த்து  நிற்கிறார்கள்;  இவர்கள்  துர்ப்புத்தியுள்ள  மனுஷர்கள்,  விசுவாச விஷயத்தில்  பரீட்சைக்கு நில்லாதவர்கள். 9 ஆனாலும், இவர்கள் அதிகமாய்ப் பலப்படுவதில்லை;  அவ்விருவருடைய  மதிகேடு  எல்லாருக்கும் வெளிப்பட்டதுபோல, இவர்களுடைய மதிகேடும்வெளிப்படும். 

ஆகவே வேதம் சொல்லுகிறது 

அப்போஸ்தலர் 2:38 பேதுரு அவர்களை நோக்கி: நீங்கள் மனந்திரும்பி, ஒவ்வொருவரும்  பாவமன்னிப்புக்கென்று இயேசுகிறிஸ்துவின் நாமத்தினாலே ஞானஸ்நானம் பெற்றுக் கொள்ளுங்கள், அப்பொழுது பரிசுத்தஆவியின் வரத்தைப் பெறுவீர்கள். 39 வாக்குத்தத்தமானது  உங்களுக்கும்,  உங்கள்  பிள்ளைகளுக்கும் (யூத ஜாதி),  நம்முடைய  தேவனாகிய  கர்த்தர்  வரவழைக்கும்  தூரத்திலுள்ள  யாவருக்கும் (புற ஜாதி) உண்டாயிருக்கிறது என்று சொல்லி; 

மேற்கண்ட இந்த சத்தியத்தை அறியாத வரையில் மற்றும் அதற்கு எதிராக பேசாத வரையில் திரித்துவத்தை விசுவாசிப்பவர்களுக்கு பிரச்சனை இல்லை. ஆனால் இச்சத்தியத்தை (கர்த்தராகிய இயேசுவின் நாமத்தில் ஞானஸ்நானம்) கள்ள உபதேசம் என்று எதிராக பேசுவார்களேயானால் அவர்களுடைய மதிகேடு வெளிப்படும். மேலும் அவர்கள் நியாயதீர்ப்பின் நாளிலே வேதவசனத்திற்கு எதிராகப் பேசினதற்காக பதில் சொல்ல வேண்டியதாயிருக்கும். 

அவர்கள் இவ்வுலகில் தொடர்ந்து ஊழியம் செய்யக்கூடும், பரிசுத்த ஆவியின் வரங்கள் அவர்களிடத்தில் தொடர்ந்து கிரியை செய்யக்கூடும். அநேகரை இரட்சிப்பின் அனுபவத்திலும் நடத்தக்கூடும். ஆனாலும் அந்நாளில் வேதவசனத்தை மறுதலித்த குற்றத்திற்காக இயேசு அவர்களை அறியேன் என்று சொல்லுவார். 

மத்தேயு 7:22 அந்நாளில் அநேகர் என்னை நோக்கி: கர்த்தாவே! கர்த்தாவே! உமது நாமத்தினாலே  தீர்க்கதரிசனம் உரைத்தோம் அல்லவா? உமது நாமத்தினாலே பிசாசுகளைத் துரத்தினோம் அல்லவா? உமது நாமத்தினாலே  அநேக  அற்புதங்களைச்  செய்தோம்  அல்லவா?  என்பார்கள். 23 அப்பொழுது,  நான்  ஒருக்காலும்  உங்களை  அறியவில்லை;  அக்கிரமச்  செய்கைக்காரரே,  என்னைவிட்டு அகன்றுபோங்கள் என்று அவர்களுக்குச் சொல்லுவேன். 

தொடர்கிறது ....

சகோ.ஜோசப்பின் கட்டுரையின் பகுதி 12:

அப். 2:1 பெந்தேகோஸ்தே  என்னும்  நாள்  வந்தபோது,  அவர்கெளல்லாரும்  ஒருமனப்பட்டு  ஓரிடத்திலேவந்திருந்தார்கள்.  2 அப்பொழுது  பலத்த  காற்று  அடிக்கிற  முழக்கம்போல,  வானத்திலிருந்துசடிதியாய்  ஒருமுழக்கமுண்டாகி, அவர்கள்உட்கார்ந்திருந்தவீடுமுழுவதையும்நிரப்பிற்று. 3 அல்லாமலும்  அக்கினிமயமான  நாவுகள்போலப்  பிரிந்திருக்கும்  நாவுகள்  அவர்களுக்குக் காணப்பட்டு, அவர்கள் ஒவ்வொருவர்மேலும் வந்து அமர்ந்தது. 4 அவர்கெளல்லாரும்  பரிசுத்தஆவியினாலே  நிரப்பப்பட்டு,  ஆவியானவர்  தங்களுக்குத்  தந்தருளினவரத்தின்படியேவெவ்வேறுபாஷைகளிலேபேசத்தொடங்கினார்கள். 5 வானத்தின் கீழிருக்கிறசகல  தேசத்தாரிலுமிருந்துவந்த  தேவபக்தியுள்ள  யூதர்கள்  அப்பொழுதுஎருசேலமிலேவாசம்பண்ணினார்கள்.

7 எல்லாரும்  பிரமித்து  ஆச்சரியப்பட்டு,  ஒருவைரெயாருவர்  பார்த்து:  இதோ,  பேசுகிற  இவர்களெல்லாரும்கலிலேயரல்லவா? 8 அப்படியிருக்க, நம்மில்அவரவர்களுடைய  ஜென்மபாஷைகளிலே இவர்கள்  பேசக்  கேட்கிறோமே, இதெப்படி?  11.....  நம்முடைய  பாஷைகளிலே  இவர்கள்  தேவனுடைய  மகத்துவங்களைப்  பேசக்கேட்கிறோமேஎன்றார்கள். 13 மற்றவர்களோ:  இவர்கள்  மதுபானத்தினால்  நிறைந்திருக்கிறார்களென்று  பரியாசம் பண்ணினார்கள்.  14 அப்பொழுது  பேதுரு  பதினொருவரோடுங்கூட  (பிதா, குமாரன், பரிசுத்த ஆவியின் நாமத்தில் ஞானஸ்நானம் கொடுங்கள் என்று இயேசு சொன்னதாக எழுதிய மத்தேயுவையும் சேர்த்து) நின்று,  அவர்களை  நோக்கி,  உரத்த  சத்தமாய்:  யூதர்கேள, எருசேலமில்  வாசம்பண்ணுகிற  ஜனங்களே,  நீங்களெல்லாரும்  அறிந்துகொள்வீர்களாக, என் வார்த்தைகளுக்குச் செவிகொடுங்கள். 

36......நீங்கள்  சிலுவையில்  அறைந்த  இந்த  இயேசுவையே  தேவன்  ஆண்டவரும்  கிறிஸ்துவுமாக்கினாரென்று  இஸ்ரவேல்  குடும்பத்தார்  யாவரும்  நிச்சயமாய்  அறியக்கடவர்கள்என்றான். 37 இதைஅவர்கள்கேட்டபொழுது, இருதயத்திலேகுத்தப்பட்டவர்களாகி, பேதுருவையும்  மற்றஅப்போஸ்தலரையும்  பார்த்து (மத்தேயுவையும் பார்த்து):  சகோதரரே,  நாங்கள்  என்ன செய்யவேண்டும் என்றார்கள். 38 பேதுரு  அவர்களை  நோக்கி:  நீங்கள்  மனந்திரும்பி,  ஒவ்வொருவரும்  பாவமன்னிப்புக்கென்று  இயேசுகிறிஸ்துவின்  நாமத்தினாலே  ஞானஸ்நானம்  பெற்றுக்கொள்ளுங்கள், அப்பொழுதுபரிசுத்தஆவியின்வரத்தைப் பெறுவீர்கள். 

இயேசு சொன்னபடி ஏன் பரிசுத்த ஆவியானவர் பேதுருவுக்கு நினைப்பூட்டவில்லை? தேவன் என்னை மன்னிப்பாராக, பரிசுத்த ஆவியானவர் மறந்துவிட்டாரா? சரி விடுங்கள், அட்லீஸ்ட் மத்தேயுவாவது பேதுருவுக்கு நினைப்பூட்டியிருக்கலாமே? ஆனால் இருவருமே அப்படி செய்யவில்லையே.அப்படியென்றால் இயேசு சொன்ன பிதா, குமாரன், பரிசுத்த ஆவியின் நாமம்தான் பேதுரு சொன்ன கர்த்தராகிய இயேசுகிறிஸ்து என்பது நிரூபணமாகிறது. கீழ்காணும் விளக்கத்தின் மூலம் இன்னும் எளிமையாகவும் புரிந்து கொள்ளமுடியும்.பிதாவின் நாமம்  குமாரனின் நாமம்  பரிசுத்த ஆவியின் நாமம்  கர்த்தர்  இயேசு  கிறிஸ்துஆக இயேசு என்ன செய்ய சொன்னாரோ அதைத்தான் பேதுரு செய்தார் என்று அறிய முடிகிறது. அதாவது எந்த நாமத்தில் ஞானஸ்நானம் கொடுக்கசொன்னாரோ அந்த நாமத்தில் தான் பேதுரு ஞானஸ்நானம் கொடுத்திருக்கின்றார். பேதுரு மாத்திரம் அல்ல, மற்ற அப்போஸ்தலர்களும் கர்த்தராகிய இயேசுகிறிஸ்துவின் நாமத்தில்தான் ஞானஸ்நானம் கொடுத்திருக்கின்றார்கள் என்பதை அப்போஸ்தலர் நடபடிகள் மூலம் அறியமுடிகிறது.ஆகவே திரித்துவத்தை விசிவாசிப்பவர்களுக்கு நான் எச்சரிக்கையாக சொல்ல விரும்புவது என்னவெனில் 

அப். 5:34 அப்பொழுது  சகல  ஜனங்களாலும்  கனம்பெற்ற  நியாயசாஸ்திரியாகிய  கமாலியேல்  என்னும்  பேர்கொண்ட  ஒரு  பரிசேயன்  ஆலோசனைச்  சங்கத்தில்  எழுந்திருந்து,  அப்போஸ்தலைரச் சற்றுநேரம் வெளியே கொண்டுபோகச்சொல்லி, 35 சங்கத்தாரை  நோக்கி:  இஸ்ரவேலரே,  இந்த  மனுஷருக்கு  நீங்கள்  செய்யப்போகிறதைக்குறித்து  (அல்லது அவர்கள் மூலமாக சொல்லப்பட்டவசனங்களுக்கு விரோதமாக பேசுவதை குறித்து) எச்சரிக்கையாயிருங்கள். 38 இப்பொழுது  நான்  உங்களுக்குச்  சொல்லுகிறதென்னவென்றால்,  இந்த  மனுஷருக்கு  ஒன்றுஞ்செய்யாமல்  இவர்களை  விட்டுவிடுங்கள்.  இந்த  யோசனையும்  இந்தக்  கிரியையும் (இந்த உபதேசமும்) மனுஷரால்உண்டாயிருந்ததானால்ஒழிந்துபோம்;  39 தேவனால்  உண்டாயிருந்ததேயானால், அதைஒழித்துவிடஉங்களால்  கூடாது;  தேவனோடேபோர்செய்கிறவர்களாய்க்காணப்படாதபடிக்குப் பாருங்கள் என்றான்.

கடைசியாக, கத்தோலிக்க சபையின் மூலமாக மாற்றப்பட்ட அநேக சத்தியங்களை தேவன் ஒவ்வொரு கால கட்டங்களிலும் ஒவ்வொருவர் மூலமாக வெளிப்படுத்தி வந்தார். (தேவத்துவத்தை திரித்துவமாக மாற்றியது, இயேசுவுக்கு பதிலாக மத்தியஸ்தர்களாக மேரி மாதாவையும், அப்போஸ்தலர்களையும் உள்ளே நுழைத்தது. விக்கிரங்களை ஏற்படுத்தியது, இயேசுவின் நாமத்தில் ஜெபம் ஏறெடுப்பதற்கு பதிலாக, பிதா, சுதன், பரிசுத்த ஆவியின் நாமத்திலே வேண்டிகொள்கிறோம் என்று ஜெபிப்பது, முழுக்கு ஞானஸ்நானத்திற்கு பதிலாக தெளிப்பு ஞானஸ்நானம் முறையைகொண்டு வந்தது, கர்த்தராகிய இயேசுகிறிஸ்துவின் நாமத்தில் ஞானஸ்நானத்திற்கு பதிலாக பிதா, குமாரன், பரிசுத்த ஆவியின் நாமத்திலே ஞானஸ்நானம் கொடுக்க ஆரம்பித்தது, விசுவாச வாழ்க்கைக்கு பதிலாக சடங்காச்சாரங்களை கொண்டு வந்தது. திருப்பலி என்ற பெயரில் சடங்குகளை செய்வதற்கு பணம் வசூலிப்பது. பரலோகத்திற்கும், நரகத்திற்கும் இடையில் உத்தரிய ஸ்தலம் என்று புதிதாக நுழைத்தது (இவர்கள் திருப்பலி பூசை செய்து மரித்தவர்களை பரேலாகம் செல்ல தகுதி ஆக்குவார்களாம். அதற்கு பணம் கொடுக்க வேண்டும்). பரிசுத்த ஆவியானவரின் ஆளுகைக்கு பதிலாக குருக்களாட்சி முறையை கொண்டு வந்தது. வேத வசனங்களுக்கு பதிலாக கத்தோலிக்க திருச்சபையின் சட்டங்களுக்கு முக்கியத்துவம் கொடுத்தது. பரேலாகம், பூமி, பாதாளம் இம்மூன்றிலும் அதிகாரம் உடையவர் என்று போப்பிற்கு கிரீடம் சூட்டி, காணப்பட்ட தெய்வமாக அவரை வணங்குவது (1984-ஆம் வருடத்தில் போப் ஜான்பால் சென்னைக்கு வந்தபோது, மெரீனா கடற்கரைக்கு குடுப்பமாக சென்று அவரை தரிசித்துவிட்டு வந்திருக்கின்றேன்) மரித்த பிறகு மனிதர்களை புனிதர்களாக்குவது இப்படி எத்தைனேயா சொல்லிக்கொண்டே போகலாம். ஏஏய்யப்பா... இப்பேவ கண்ண கட்டுதே). இந்த பொல்லாத பாபிலோனிய வேசி சபையிலிருந்து என்னை வெளியே கொண்டு வந்தைமக்கு நான் தேவனுக்கு நன்றி உள்ளவனாயிருக்கின்றேன். 

கத்தோலிக்க சபையின் இருண்ட காலங்களிலிருந்து முதன்முதலாக மார்டின் லூத்தர் மூலம் விசுவாசத்தினால் நீதிமான் பிழைப்பான் என்ற சத்தியத்தை வெளிகொணர்ந்தார். அச்சத்தியத்தை ஏற்றுக்கொண்டவர்கள் புத்தியுள்ள கன்னிகையானார்கள். ஏற்றுக் கொள்ளாதவர்கள் (கத்தோலிக்கர்கள்) புத்தியில்லாத கன்னிகையானார்கள். 

பின்பு வெஸ்லி மூலம் பரிசுத்தமும் தேவை என்ற சத்தியத்தை வெளிகொணர்ந்தார். விசுவாசத்தினால் நீதிமானாகுதல் என்ற சத்தியத்தோடு பரிசுத்தமாகுதல் என்ற சத்தியத்தையும் ஏற்றுக்கொண்டவர்கள் புத்தியுள்ள கன்னிகையானார்கள். ஏற்றுக் கொள்ளாதவர்கள் (கத்தோலிக்கர்கள் + லூத்தரன்கள்) புத்தியில்லாத கன்னிகையானார்கள். 

சிலகாலம் கழித்து பாப்டிஸ்ட் சபையினர் மூலம் தெளிப்பு அல்ல முழுக்கு ஞானஸ்நானமே சரி என்ற சத்தியத்தை வெளிகொணர்ந்தார். மேற்கண்ட சத்தியங்களோடு முழுக்கு ஞானஸ்நானம் என்ற சத்தியத்தையும் ஏற்றுக்கொண்டவர்கள் புத்தியுள்ள கன்னிகையானார்கள். ஏற்றுக் கொள்ளாதவர்கள் (கத்தோலிக்கர்கள் + லூத்தரன்கள் + மெத்தோடிஸ்டுகள்) புத்தியில்லாத கன்னிகையானார்கள். 

பின்னர் அநேக ஆண்டுகள் கழித்து பெந்தேகாஸ்தேயினர் மூலம் பரிசுத்த ஆவியின் அபிஷேகம், வரங்கள், கனிகள், அற்புத சுகமளித்தல் போன்ற சத்தியங்களை வெளிகொணர்ந்தார். அச்சத்தியங்களை ஏற்றுக்கொண்டவர்கள் புத்தியுள்ள கன்னிகையானார்கள். ஏற்றுக் கொள்ளாதவர்கள் (கத்தோலிக்கர்கள் + லூத்தரன்கள் + மெத்தோடிஸ்டுகள் + பாப்டிஸ்டுகள் + ஏராளமான மற்ற சபை பிரிவனரும்) புத்தியில்லாத கன்னிகையானார்கள். 

இப்படி படிப்படியாக ஒவ்வொரு சத்தியமாக ஒவ்வொரு காலங்களிலும் வெளிப்படுத்தி வந்த தேவன் இந்த கடைசி காலத்தில், கடைசி சத்தியமாகிய கர்த்தராகிய இயேசு கிறிஸ்துவின் நாமத்தில் ஞானஸ்நானம் என்பதையும் பரிசுத்த வேதாகமத்திலிருந்து வெளிப்படுத்தியிருக்கின்றார். இந்நாட்களில் இம்மாபெரும் சத்தியத்தை ஏற்றுகொள்பவர்கள் மாத்திரமே புத்தியுள்ள கன்னிகையாவர். விசுவாசியாமல் மறுதலிக்கும் மற்றவர்கள் புத்தியில்லாத கன்னிகை கூட்டத்தில் சேர்க்கப்பட்டு கைவிடப்படுவர்.

தொடர்கிறது ....

சகோ.ஜோசப்பின் கட்டுரையின் பகுதி 14:

ஒருவேளை நீங்கள் அனைவரும் இச்சத்தியங்களை ஒத்துக்கொள்ளாமல் அநேக வாதங்களை எடுத்து வைக்கக்கூடும். ஆனாலும் நான் வாதம் செய்ய எழுதவில்லை. உங்களுடைய மறுப்புகளுக்கு எதிராக வாதம் செய்யப்போவதுமில்லை. தேவன் ஒவ்வொருவருக்கும் சுயாதீனத்தை அளித்திருக்கின்றார். அதை நான் மதிக்கின்றேன். நீங்கள் விரும்பும் சத்தியத்தை விசுவாசிக்க உங்களுக்கு உரிமை உண்டு. அவையெல்லாம் சரியா, தவறா என்று நியாயதீர்ப்பின் நாளிலே ஆண்டவர் வெளிப்படுத்துவார். ஆனால் அப்பொழுது காலம் கடந்துவிட்டிருக்கும். ஆனால் நாம் விசுவாசிப்பது சரியா, தவறா என்று இப்பொழுதே நாம் அறிந்துகொள்ளும்படி தேவன் ஒரு வழியை ஏற்படுத்தியிருக்கின்றார். அதுவே பரிசுத்த வேதாகமம். 

ஆகவே நீங்கள் விசுவாசிக்கும் சத்தியங்கள் எல்லாம் முழு வேதாகமத்தோடும் ஒத்துபோகிறதா என்று பரிசுத்த ஆவியின் துணையோடு ஒப்பிட்டு பாருங்கள். ஆண்டவர் வேத வசனங்களை குறித்த வெளிப்பாடுகளினால் உங்களை நிரப்புவார்.

கோவை பெரியன்ஸ், யெகோவா சாட்சிகள், வேத மாணவர்களைக் குறித்து யோசிக்கும் போதெல்லாம் இந்த வசனங்களே எனக்கு ஞாபகம் வருகின்றது. 

யோவான் 3:1 யூதருக்குள்ளே அதிகாரியான நிக்கொதேமு என்னப்பட்ட பரிசேயன் ஒருவன் இருந்தான்.  2 அவன்  இராக்காலத்திலே  இயேசுவினிடத்தில்  வந்து:  ரபீ,  நீர்  தேவனிடத்திலிருந்து  வந்த போதகர்  என்று  அறிந்திருக்கிறோம்,  ஏனெனில்  ஒருவனும்  தன்னுடனே  தேவன்  இராவிட்டால்நீர்செய்கிறஇப்படிப்பட்டஅற்புதங்களைச்செய்யமாட்டான் என்றான்.  3 இயேசு அவனுக்குப் பிரதியுத்தரமாக:  ஒருவன்  மறுபடியும் பிறவாவிட்டால் தேவனுடைய  ராஜ்யத்தைக்  காணமாட்டான்  என்று  மெய்யாகவே  மெய்யாகவே  உனக்குச்  சொல்லுகிறேன் என்றார். 

இயேசு யார், எப்படிப்பட்டவர் என்பதை மூளை அறிவைக் கொண்டு கண்டுபிடித்துவிட்டதாக இயேசுவுக்கே விளக்க முற்பட்ட நிக்கொதேமுவை மேற்கொண்டு பேசவிடாமல் கட் பண்ணி முதலில் நீ மறுபடியும் பிறக்க வேண்டும் என்று வலியுறுத்தினார் ஆண்டவர். பின்பு அவன் கேட்ட கிறுக்குதனமான (மன்னிக்கவும்) குழந்ததைனமான கேள்விகளுக்கு ”நீ இஸ்ரவேலில் போதகனாயிருந்தும் இவைகளை அறியாமலிருக்கிறாயா? என்று ஆச்சரியப்பட்டு போனார்.

நிக்கொதேமுவும், அரிமத்தியா ஊரானாகிய யோசேப்பும், இயேசு தேவனிடத்திலிருந்து வந்தவர் என்று அறிந்திருந்தும், யூதர்களுக்கு பயந்ததினால் இயேசுவை இரகசியமாக விசுவாசித்தினரேயன்றி மேசியா என்றும் தேவனுடைய குமாரன் என்றும் பகிரங்கமாக அறிக்கை செய்யவில்லை / ஏற்றுக் கொள்ளவில்லை. 

ஆனால் அவர்கள் ஒருசமயத்தில் பகிரங்கமாக செயல்பட முன் வந்தபோது காலம் கடந்துவிட்டது. இயேசுவின் உயிரற்ற சடலத்தைதான் அவர்களால் பராமரிக்க முடிந்தது / பரிமள தலைம் பூச முடிந்தது. ஆனால் லாசருவின் சகோதரி மரியாள் இயேசு உயிரோடு இருக்கும்போது பரிமளைதலம் பூசி இயேசுவினடத்தில் பாராட்டு பெற்றாள். அதுபோலவே இயேசுவின் 12 சீஷர்களும் அவர்களிடத்தில் அநேக குறைகள் இருந்தாலும் இயேசுவை மேசியா என்று விசுவாசித்ததினால்/ஏற்றுகொண்டதினால், அவர்கள் கடைசி நேரத்தில் இயேசுவை விட்டு ஓடிப்போனாலும் உயிர்த்தெழுந்த கிறிஸ்துவை தரிசிக்கும் பாக்கியம் அவர்களுக்கு கிடைத்தது. 

மேலும் உங்கள் தளத்திற்கு வருகைபுரிபவர்கள் எல்லாம் ஒட்டுமொத்தமாகக் கூறுகிற ஒரு காரியம். உங்கள் தளத்திற்கு வந்த பிறகுதான் நாங்கள் வேத அறிவை பெருக்கிக்கொண்டோம் என்று. மன்னிக்கவும் கிறிஸ்துவம் என்பது வேதஅறிவைப் பெருக்குதல் என்பதோடு சம்பந்தப்பட்டது அல்ல. மாறாக

தேவனோடு அப்பா, பிதாவே, தகப்பனே, Daddy என்று ஜக்கியம் கொள்ளுவேதாடு சம்பந்தப்பட்டது. அந்த ஜக்கியத்தின் மூலமாகவே வேதவசனங்களை குறித்த வெளிப்பாடுகளையும் பெற்றுகொள்ள முடியும். ஆகவேதான் சங்கீதக்காரன் சொல்லுகிறான், கர்த்தர் நல்லவர் என்பதை ருசித்து பாருங்கள் என்பதாக. அதாவது ஒவ்வொருவரும் தனிப்பட்ட விதத்தில் ருசிக்க வேண்டும். 

ஆகவே முதலாவது மனம் திரும்புங்கள். ஆண்டவராகிய இயேசுகிறிஸ்துவை சொந்த  இரட்சகராக ஏற்றுக்கொண்டு மறுபிறப்பின் அனுபவத்திற்குள் வாருங்கள். பின்பு ஊழியம் செய்யுங்கள். உங்கள் அனைவருடைய ஊழியங்களும் ஆண்டவர் இயேசுவுக்கு தேவை. பிசாசின் வஞ்சனைகளுக்கு இடம் கொடாதிருங்கள்.  வேதவசனங்களுக்கு முதலிடம் கொடுப்போம். 

ஊழியர்கள் எவ்வளவு நல்லவர்கள் ஆனாலும், எவ்வளவு பெரிய ஊழியங்கள் செய்தாலும், அவர்கள் கிறிஸ்தவ உலகில் எல்லாராலும் பாராட்டப்பட்டாலும், அவர்களுடைய போதனைகளை வேதவசனத்தோடு ஒப்பிட்டுப் பார்த்து ஒத்துப்போனால் ஏற்றுக்கொள்வோம். இல்லாவிடில் அப்போதனைகளை ஒதுக்கித் தள்ளுவோம்.

அதேபோல் ஒரு ஊழியர் கள்ள தீர்க்கதரிசி என்று பெரும்பான்மையான ஊழியர்கள் /  கிறிஸ்துவர்கள் விசுவாசித்தாலும் அந்த ஊழியர் சொல்லுகிற போதனை, வேதவசனங்களோடு / சத்தியத்தோடு ஒத்துப்போனால், அந்த போதனையை ஏற்றுக்கொள்வோம். அந்த பெரும்பான்மையான ஊழியர்களின் (சொந்த பாஸ்டரானாலும் அல்லது ஆவிக்குரிய தகப்பனாக /தாயாக இருந்தாலும்) எண்ணங்களை / கருத்துக்களை மாத்திரம் தள்ளிவிடுவோம். அவர்களையோ நேசிப்போம். அல்லேலூயா...... 

அன்புடன், 

உங்கள் சகோதரன், 

இ.எஸ். ஜோசப்ராஜ்

நிறைவுபெற்றது.

அன்பான சகோ.ஜோசப்ராஜ், வசனங்களைச் சார்ந்தே தனது கருத்துக்களைக் கூறியுள்ள போதிலும், தமிழ் வேதவசனங்களை அப்படியே அர்த்தம் எடுத்து வியாக்கியானம் செய்துள்ளதால், அவரது கருத்துக்கள் பல தவறாகிவிட்டன. இவர் சொல்வதுபோலவே நாமும் தமிழ் வேதவசனங்களின் கருத்தை அப்படியே எடுத்துக்கொண்டால், பல விபரீதங்களுக்கு அது வழிவகுக்கும். உதாரணமாக, நியாயத்தீர்ப்பு எனும் வார்த்தையின் கருத்தை எடுத்துக்கொள்வோம். பிதாவாகிய தேவனும் நியாயத்தீர்ப்பு செய்யும் அதிகாரமுடையவர், குமாரனாகிய இயேசுவும் நியாயத்தீர்ப்பு செய்யும் அதிகாரமுடையவர், எனவே இருவரும் ஒருவரே எனும் முடிவுக்கு ஜோசப்ராஜ் வருகிறார். அவரது கருத்துக்கு ஆதாரமான வசனங்கள்:

யோவான் 5:22 அன்றியும்  ...........  பிதாவானவர்  தாமே  ஒருவருக்கும்  நியாயத்தீர்ப்பு  செய்யாமல்,  நியாயத்தீர்ப்புசெய்யும்  அதிகாரம்  முழுவதையும்  குமாரனுக்கு (இயேசுவுக்கு) ஒப்புக்கொடுத்திருக்கிறார்.

1 பேதுரு 1:17 அன்றியும்,  பட்சபாதமில்லாமல்  அவனவனுடைய  கிரியைகளின்படி நியாயந்தீர்க்கிறவரை நீங்கள்  பிதாவாகத் தொழுதுகொண்டு வருகிறபடியால், இங்கே பரேதசிகளாய் சஞ்சரிக்குமளவும் பயத்துடனே நடந்துகொள்ளுங்கள்.

முதல் வசனத்தின்படி, இயேசுவானவர் நியாயத்தீர்ப்பு செய்யும் அதிகாரமுள்ளவராய் இருக்கிறார். 2-ம் வசனத்தின்படி நியாயத்தீர்க்கிறவரை பிதாவாக நாம் தொழுதுகொள்கிறோம். இவ்விரு வசனங்களின் கருத்தை ஒருங்கிணைத்து, நியாயத்தீர்ப்பு செய்கிற இயேசுவையே பிதாவாகத் தொழுதுகொள்கிறோம் என்கிறார் ஜோசப்ராஜ். அவரது கருத்து அப்படியே இருக்கட்டும். ஆனால் அத்தோடு பின்வரும் வசனங்கள் கூறுவதையும் ஒருங்கிணைத்தால் என்னாகும்?

லூக்கா 22:30 நீங்கள் என் ராஜ்யத்திலே என் பந்தியில் போஜனபானம்பண்ணி, இஸ்ரவேலின் பன்னிரண்டு கோத்திரங்களையும் நியாயந்தீர்க்கிறவர்களாய்ச் சிங்காசனங்களின்மேல் உட்காருவீர்கள்

1 கொரி. 6:2 பரிசுத்தவான்கள் உலகத்தை நியாயந்தீர்ப்பார்களென்று அறியீர்களா? 3  தேவ தூதர்களையும் நியாயந்தீர்ப்போமென்று அறியீர்களா?

இவ்வசனங்களின்படி பார்த்தால், இயேசுவின் சீஷர்களும் பரிசுத்தவான்களுமாகிய ஒவ்வொருவரும் நியாயத்தீர்ப்பு செய்கிறவரே. எனவே 1 பேதுரு 1:17-ன் அடிப்படையிலான ஜோசப்ராஜின்  வாதப்படி, நியாயந்தீர்க்கிறவர்களாகிய பரிசுத்தவான்கள் ஒவ்வொருவரையும் நாம் பிதாவாகத் தொழுதுகொள்கிறோம் எனக் கூறவேண்டியதாகும். இது ஒரு விபரீதமல்லவா? இந்த விபரீதத்தை ஜோசப்ராஜ் ஏற்றுக்கொள்வாரா?

பின்வரும் வசனங்களையும் படிப்போம்.

யோவான் 12:47,48 ஒருவன் என் வார்த்தைகளைக் கேட்டும் விசுவாசியாமற்போனால், அவனை நான் நியாயந்தீர்ப்பதில்லை; நான் உலகத்தை நியாயந்தீர்க்கவராமல், உலகத்தை இரட்சிக்கவந்தேன். என்னைத் தள்ளி என் வார்த்தைகளை ஏற்றுக்கொள்ளாதவனை நியாயந்தீர்க்கிறதொன்றிருக்கிறது; நான் சொன்ன வசனமே அவனைக் கடைசிநாளில் நியாயந்தீர்க்கும்.

நியாயத்தீர்ப்பு செய்யும் அதிகாரமுள்ள இயேசு: “நான் நியாயந்தீர்ப்பதில்லை, என் வசனம்தான் நியாயந்தீர்க்கும்” என்கிறார். அப்படியானால் 1 பேதுரு 1:17-ன்படி, நியாயந்தீர்க்கிறதான வசனத்தைத்தான் நாம் பிதாவாக தொழுதுகொள்கிறோமா?

இப்படித்தான் வசனங்களின் இயல்பான கருத்துக்களை (தேவைப்பட்டால் மூலபாஷை கருத்தையும் ஆராய்ந்து) அறியாமல் ஒரு முடிவுக்கு வந்தால், விபரீதமான கருத்துக்களையும் சந்திக்க நேரிடும்.

ஒரு பானை சோற்றுக்கு ஒரு சோறு பதம் என்பதுபோல, ஜோசப்ராஜின் மிகப்பெரிய கட்டுரையின் பதத்திற்கு, மேலே சொன்ன ஓர் உதாரணம் பதம்.

மிகவும் சிரத்தைகொண்டு ஜோசப்ராஜ் கட்டுரை வனைந்துள்ளார். ஆனால் ஒரு தவறான கருத்தை முன்னதாகவே தீர்மானித்துவிட்டு கட்டுரையை எழுதியுள்ளதால், தனது தீர்மானமான முடிவுக்கு ஏற்ப வசனங்களை வளைத்துள்ளார். இன்னும் பல உதாரணங்களோடு ஜோசப்ராஜின் தவறுகள் எடுத்துரைக்கப்படும்.

யோவான் 5:22 அன்றியும்  ...........  பிதாவானவர்  தாமே  ஒருவருக்கும்  நியாயத்தீர்ப்பு  செய்யாமல்,  நியாயத்தீர்ப்புசெய்யும்  அதிகாரம்  முழுவதையும்  குமாரனுக்கு (இயேசுவுக்கு) ஒப்புக்கொடுத்திருக்கிறார்.

குமாரனுக்கு ஒப்புக்கொடுத்திருக்கிறார் என்கிற வசனமே ஒப்புக்கொடுத்தவர் என்றும் பெற்றுக்கொண்டவரும் என்று இரு வேறு நபர்களை காண்பிக்கிறதே!! அப்படி என்றால் குமாரனுக்கு ஒருவர் ஒப்புக்கொடுத்திருக்கிறார் என்றால் இருவரும் எப்படி ஒருவராக இருக்க முடியும்!!