நித்திய ஜீவன்

கோவை பெரியன்ஸ் தளத்தின் சில திரிகளில், மனிதன் பாவம் செய்வது உட்பட சகலமும் தேவசித்தமே எனும் கருத்து கூறப்பட்டுள்ளது. அத்தளத்தில் கூறப்பட்டுள்ள சில கருத்துக்கள்:

தீமைக்கு யார் காரணம் திரியில் சகோ.சோல்சொல்யூஷன்:

//ரோமர் 11:32 எல்லார்மேலும் இரக்கமாயிருக்கத்தக்கதாக, தேவன் எல்லாரையும் கீழ்ப்படியாமைக்குள்ளே அடைத்துப்போட்டார்.

மனிதனுடைய கீழ்ப்படியாமைக்கும் காரணம் யார் என்று வேதம் தெளிவாகச் சொல்கிறது.//

//உலககில் நடக்கும் எல்லா அக்கிரமங்களும், அநியாயங்களும், கொள்ளை நோய், இன்னபிர துர்சம்பவங்கள், இயற்கைப் பேரழிவுகள் எல்லாமே தேவனால் 'ப்ரொக்ராமிங்' செய்யப்பட்டவையே!//

சகலமும் தேவசித்தமே திரியில் சகோ.சோல்சொல்யூஷன்:

//நாமெல்லாரும் சூழ்நிலையின் கைதிகள்; ... நடந்தவை, நடப்பவை, நடக்கப்போவது யாவும் தேவ சித்தம். தேவசித்தம் மட்டுமே.//

ஆதாம் பாவம் செய்ததும் தேவசித்தமே, நோவா காலத்தில் நோவாவைத் தவிர மற்ற எல்லா மனிதரும் பாவம் செய்ததும் தேவசித்தமே, சோதோம் கொமோரா பட்டணத்தாரின் பாவங்களும் தேவசித்தமே எனும் கருத்தை கோவை பெரியன்ஸ் தளம் கூறுகிறது.

மனிதன் தன் சுய இச்சையினால் பாவத்தைக் கர்ப்பம் தரிப்பதாக வேதாகமம் சொல்லியிருக்க, மனிதன் பாவம் செய்யவேண்டும் என தேவனின் “ப்ரொக்ராமில்” தீர்மானமாக எழுதப்பட்டது என கோவை பெரியன்ஸ் தளம் கூறுகிறது. அவர்களின் இக்கூற்று சரிதானா மனிதனின் பாவத்திற்கு யார் பொறுப்பு, மனிதன் பாவம் செய்யவேண்டும் என்பது தேவனின் சித்தமா எனும் கேள்விகளுக்கான பதிலை இத்திரியில் பார்ப்போம்.