நித்திய ஜீவன்

யோவான் 6:29 வசனத்தை நான் மாற்றி வெளியிட்டதாக சில நாட்களுக்கு முன் கோவை பெரியன்ஸ் தள நிர்வாகி நண்பர் பெரியன்ஸ் குற்றஞ்சாட்டி ஒரு திரியில் கூறியிருந்தார். அது சம்பந்தமான அவரது பதிவுகளும் எனது பதிவுகளும் வருமாறு:

கிருபையா கிரியையா திரியில் 24-08-11-ல் பெரியன்ஸ்:

//யோவான் 6:29 இயேசு அவர்களுக்குப் பிரதியுத்தரமாக: அவர் அனுப்பினவரை நீங்கள் விசுவாசிப்பதே தேவனுக்கேற்ற கிரியையாயிருக்கிறது என்றார்.

பலர் ஏதோ விசுவாசம் கொள்வது தேவனுக்கு பிடித்த, தேவன் விரும்புகிற (தேவனுக்கேற்ற) கிரியை என்று இதை விளக்குவார்கள்!! ஆனால் வசனம் அப்படி இல்லை!!

ஒருவன் கிறிஸ்துவை விசுவாசிப்பது தேவனின் கிரியையாயிருக்கிறது என்பதை தான் வசனம் சொல்லுகிறது!!

John 6:29 Jesus answered, “The work of God is this: to believe in the one he has sent.”

John 6:29 Jesus answered and said to them, This is the work of God, that ye believe on him whom *he* has sent.

இந்த வசனம்:

இயேசு அவர்களுக்கு பிரதியுத்தரமாக: அவர் அனுப்பினவரை நீங்கள் விசுவாசிப்பதே தேவனின் செயலாக (கிரியையாக) இருக்கிறது என்றார்!!

இது தான் சரியான மொழிப்பெயர்ப்பாகும்!!//

கோவை பெரியன்ஸ் தளத்தின் முரணான/குழப்பமான கூற்றுக்கள் திரியில் 25-08-11-ல் அன்பு57:

//யோவான் 6:29-ன் ஆங்கில மொழிபெயர்ப்பை எடுத்துப்போட்டு, மனுஷன் செய்யவேண்டிய கிரியையை, தேவனின் கிரியையாகக் காட்டியுள்ளார். அவரது இம்முயற்சி பாராட்டத்தக்கதுதான். ஆனால் யோவான் 6:28-ன் ஆங்கில மொழிபெயர்ப்பை மறைத்துவிட்டு, 29-ம் வசனத்தின் மொழிபெயர்ப்பை மட்டும் காட்டுவது கண்டிக்கத்தக்கது.

யோவான் 6:28-ன் ஆங்கில மொழிபெயர்ப்பு, அதே NIV-ல்:

John 6:28 Then they asked him, "What must we do to do the works God requires?"

யோவான் 6:28-ல் “the works God requires” என மொழிபெயர்க்கப்பட்ட அதே கிரேக்க வார்த்தைகளான “ho(3588) ergon(2041) ho(3588) theos(2316)” எனும் வார்த்தைகள்தான், 6:29-ல் “The work of God” என மொழிபெயர்க்கப்பட்டுள்ளன.

அதாவது “ho(3588) ergon(2041) ho(3588) theos(2316)” எனும் கிரேக்க வார்த்தைகள் 28-ம் வசனத்தில் “the works God requires” என்றும், 29-ம் வசனத்தில் ”The work of God” என்றும் மொழிபெயர்க்கப்பட்டுள்ளன.

இவ்விரு மொழிபெயர்ப்புகளில் “context”-க்கு பொருத்தமானதாக எது இருக்கும் எனப் பார்த்தால், “the works God requires” என்பதுதான் பொருத்தமானதாக இருக்குமென அறியலாம்.

மனிதனின் செயல் தேவனுக்கேற்றதாக இருக்கவேண்டும் எனச் சொல்வதில்தான் அர்த்தம் இருக்குமேயொழிய, தேவனின் செயல் தேவனுக்கேற்றதாக இருக்கவேண்டும் என்பதில் என்ன அர்த்தம் இருக்கும்?

தனது கருத்தை நிலைநாட்டுவதற்காக எப்படியெல்லாம் வசனவிளக்கம் தர முயலுகிறார் என்பதற்கு, அவரது இவ்விளக்கம் ஆதாரமாயுள்ளது.//

கிருபையா கிரியையா திரியில் 25-08-11-ல் பெரியன்ஸ்:

//முதலில் யோவான் 6:28,29ஐ உங்கள் போதனைக்கு ஏற்ப கிரேக்கத்தில் இல்லாத வார்த்தையை வைத்து புதிய அர்த்தம் கொடுத்ததை சரி செய்யுங்கள்!!//

வசனத்தை மாற்றும் நித்திய ஜீவன் தளத்தின் பதிவு திரியில் 25-08-11-ல் பெரியன்ஸ்:

//John 6:28 Greek Study Bible (Apostolic / Interlinear)

Does any one ELSE other than Br Anbu57 finds a "REQUIRES" here? or "the work God REQUIRES"!! But still he finds that REQUIRES is very well in context!! And inspite of his error, he is eager to make CAUTION me stating,

//ஆனால் யோவான் 6:28-ன் ஆங்கில மொழிபெயர்ப்பை மறைத்துவிட்டு, 29-ம் வசனத்தின் மொழிபெயர்ப்பை மட்டும் காட்டுவது கண்டிக்கத்தக்கது.//

நான் எந்த மொழிபெயர்ப்பையும் மறைக்கவில்லை, இது உங்களின் தேவை இல்லாத Out of context குற்றசாட்டு!! இந்த பதிவை காலையில் எனக்கு கொடுக்க நேரம் இல்லாததால் இப்பொழுது தருகிறேன், இதற்கு அவசியம் பதில் எழுதுங்கள்!!

REQUIRES  என்கிற ஒரு பதமே இல்லை!! ஆனால் அன்புக்கு அது சரி என்று படுவதற்காக இல்லாததை இருக்கு என்று சொல்ல முடியுமா!! முடியாதே!! @@@ என்கிற வார்த்தை இல்லை என்றால் இல்லை தான்!! அன்பு கொடுக்கும் கிரியையின் போதனைக்கு அது ஒத்து போவதால், 29ம் வசனத்தில் இல்லாவிட்டாலும் இருக்கிறது என்று நினைத்துக்கொள்ள வேண்டுமாம்!! ஏன்!!??

ho(3588)
Original Word: ὁ, ἡ, τό
Part of Speech: Definite Article
Transliteration: ho, hé, to
Phonetic Spelling: (ho)
Short Definition: the
Definition: the, the definite article.


ergon(2041)
Original Word: ἔργον, ου, τό
Part of Speech: Noun, Neuter
Transliteration: ergon
Phonetic Spelling: (er'-gon)
Short Definition: work, labor, action, deed
Definition: work, task, employment; a deed, action; that which is wrought or made, a work.

ho(3588)
Original Word: ὁ, ἡ, τό
Part of Speech: Definite Article
Transliteration: ho, hé, to
Phonetic Spelling: (ho)
Short Definition: the
Definition: the, the definite article.

theos(2316)
Original Word: θεός, οῦ, ὁ
Part of Speech: Noun, Feminine; Noun, Masculine
Transliteration: theos
Phonetic Spelling: (theh'-os)
Short Definition: God, a god
Definition: (a) God, (b) a god, generally.

எனும் கிரேக்க வார்த்தைகள் 28-ம் வசனத்தில் “the works God requires” என்று அல்ல, மாறாக "the works the (of) God" என்றே உள்ளது!! NIVயில் REQUIRES என்று மொழிப்பெயர்த்ததை தன் வசதிக்காக சேர்த்துக்கொண்டு 29ம் வசனமும் அதையே தான் சொல்லுகிறது என்கிற ஒரு முடிவிற்கு வந்திருக்கிறார்!! இதுவே வசனத்தை புரட்டுவதாகும்!! அதாவது இல்லாத REQUIRES என்கிற வார்த்தையை வலுக்கட்டாயமாக சேர்த்துக்கொண்டு அதை பல வர்ணங்களில் எழுதிவிட்டு, திசை திருப்புகிறார் அன்பு!! இது கடுமையாக கண்டிக்கத்தக்கது!! கிரேக்க மொழியிலிருந்து எழுதுகிறீர்கள் என்றால், உள்ளதை உள்ளபடி எழுதுங்கள்!! உங்கள் வசதிக்காக எதையும் திரிக்க வேண்டாம், சகோ அன்பு அவர்களே!! 

இவராகாவே இல்லாத ஒரு வார்த்தையை சேர்த்துக்கொண்டு தவறான ஒரு தகவலை வெளியிட்டு, இது தான் பொருத்தமானதாக இருக்கும் என்கிற முடிவிற்கு வேறு வந்திருக்கிறார்!! இதை வேத புரட்டல் என்று சொல்லாமல் வேறு என்னவென்று சொல்லுவது!!

அதாவது தேவனின் கிரியைகளை செய்ய நாம் என்ன கிரியைகள் செய்ய வேண்டும் என்றே கேள்வி எழுப்பியிருக்கிறார்கள்!! இதோ சில மிகவும் நெருக்கமான, சரியான மொழிப்பெயர்ப்புகள்:

John 6:28
Darby Translation (DARBY)
 28They said therefore to him, What should we do that we may work the works of God?

John 6:28
Wycliffe Bible (WYC)
28 Therefore they said to him, What shall we do, that we work the works of God?

தேவனின் கிரியைகளை செய்ய நாம் என்ன கிரியை செய்ய வேண்டும்? என்று தங்களின் கிரியைகள் மேல் நோக்கமாக இருந்த ஜனங்களிடம் கிறிஸ்து இயேசு சொல்லுகிறார்,

John 6:29
KJV
Jesus answered and said unto them This is the work of God that ye believe on him whom he hath sent

John 6:29
Darby Translation (DARBY)
 29Jesus answered and said to them, This is the work of God, that ye believe on him whom *he* has sent.

John 6:29
Wycliffe Bible (WYC)
29 Jesus answered, and said to them, This is the work of God, that ye believe to him, whom he sent.

அதாவது, பிதா அனுப்பியவரை விசுவசிக்க செய்ய வைப்பதே தேவனின் செயலாக இருக்கிறது!!//

இப்பதிவில்தான் நண்பர் பெரியன்ஸ் என் மீது அபாண்டமாகக் குற்றஞ்சாட்டியுள்ளார்.

//Does any one ELSE other than Br Anbu57 finds a "REQUIRES" here? or "the work God REQUIRES"!! But still he finds that REQUIRES is very well in context!! //

யோவான் 6:29-ன் NIV மொழிபெயர்ப்பைத்தான் பெரியன்ஸ் பயன்படுத்தியிருந்தார். அதே NIV மொழிபெயர்ப்பில்தான் யோவான் 6:28-ல் “the work God REQUIRES” எனும் சொற்றொடர் காணப்படுகிறது. இதைத்தான் நான் சுட்டிக்காட்டினேன்.

ஆனால் பெரியன்ஸோ, கிரேக்க வார்த்தைகளின் அர்த்தத்தில் வராத “REQUIRES” எனும் வார்த்தையை நானாக வலுக்கட்டாயமாகச் சேர்த்துள்ளதாகக் கீழ்க்கண்டவாறு குற்றஞ்சாட்டியுள்ளார்.

//“ho(3588) ergon(2041) ho(3588) theos(2316)” எனும் கிரேக்க வார்த்தைகள் 28-ம் வசனத்தில் “the works God requires” என்று அல்ல, மாறாக "the works the (of) God" என்றே உள்ளது!! NIVயில் REQUIRES என்று மொழிப்பெயர்த்ததை தன் வசதிக்காக சேர்த்துக்கொண்டு 29ம் வசனமும் அதையே தான் சொல்லுகிறது என்கிற ஒரு முடிவிற்கு வந்திருக்கிறார்!! இதுவே வசனத்தை புரட்டுவதாகும்!! அதாவது இல்லாத REQUIRES என்கிற வார்த்தையை வலுக்கட்டாயமாக சேர்த்துக்கொண்டு அதை பல வர்ணங்களில் எழுதிவிட்டு, திசை திருப்புகிறார் அன்பு!! இது கடுமையாக கண்டிக்கத்தக்கது!! கிரேக்க மொழியிலிருந்து எழுதுகிறீர்கள் என்றால், உள்ளதை உள்ளபடி எழுதுங்கள்!! உங்கள் வசதிக்காக எதையும் திரிக்க வேண்டாம், சகோ அன்பு அவர்களே!! 

இவராகாவே இல்லாத ஒரு வார்த்தையை சேர்த்துக்கொண்டு தவறான ஒரு தகவலை வெளியிட்டு, இது தான் பொருத்தமானதாக இருக்கும் என்கிற முடிவிர்கு வேறு வந்திருக்கிறார்!! இதை வேத புரட்டல் என்று சொல்லாமல் வேறு என்னவென்று சொல்லுவது!!//

NIV-ல் “REQUIRES ”என மொழிபெயர்த்துள்ளதாக அவரே ஒத்துக்கொண்டுள்ளார்; ஆனால் நான் தான் வலுக்கட்டாயமாக அவ்வார்த்தையை என் வசதிக்காகச் சேர்த்துக்கொண்டதாகக் குற்றஞ்சாட்டுகிறார்.

NIV-ன் மொழிபெயர்ப்பைத்தானே நான் கொடுத்துள்ளேன்? அப்படியிருக்க “நானாக வலுக்கட்டாயமாகச் சேர்த்ததாக” அவர் எப்படிக் கூறுகிறார் என்பது அவருக்கே வெளிச்சம்.

எனது அடுத்த பதிவில் இவ்விபரத்தை எடுத்துரைத்தேன். அப்பதிவு:

கோவை பெரியன்ஸ் தளத்தின் முரணான/குழப்பமான கூற்றுக்கள் திரியில் 26-08-11-ல் அன்பு57:

//யோவான் 6:29-ன் 2 ஆங்கில மொழிபெயர்ப்புகளை பெரியன்ஸ் அவர்கள் முதலாவதாக தந்திருந்தார். அவை:

John 6:29 Jesus answered, “The work of God is this: to believe in the one he has sent.” (1)

John 6:29 Jesus answered and said to them, This is the work of God, that ye believe on him whom *he* has sent. (2)

இவை எந்த ஆங்கில மொழிபெயர்ப்புகள் என பெரியன்ஸ் குறிப்பிடவில்லை. ஆயினும் நான் பல sources மூலம் பார்த்ததில், அவர் தந்துள்ள முதல் மொழிபெயர்ப்பு New International Version (NIV) என்றும், 2-வது மொழிபெயர்ப்பு New American Standard Bible என்றும் அறிந்தேன்.

இந்த 2 ஆங்கில மொழிபெயர்ப்புகளில், 28-ம் வசனம் இவ்விதமாகக் காணப்படுகிறது.

John 6:28 Then they asked him, "What must we do to do the works God requires?" NIV

John 6:28 Therefore they said to Him, "What shall we do, so that we may work the works of God?" NASB

இவற்றில் NIV மொழிபெயர்ப்பில் “the works God requires” எனும் சொற்றொடர் காணப்படுவதை நாம் தெளிவாகக் காணலாம். இன்னும் நேரடியாகக் காண விரும்புபவர்கள் பின்வரும் தொடுப்புக்குச் சென்று பார்க்கலாம்.

http://bible.cc/john/6-28.htm

பெரியன்ஸ் அவர்கள் 29-ம் வசனத்திற்குத் தந்திருந்த 2 மொழிபெயர்ப்புகளில் ஒன்று, NIV மொழிபெயர்ப்புதான் என்ற எண்ணத்தில்தான், 28-ம் வசனத்திற்கான NIV மொழிபெயர்ப்பை நான் எடுத்துக் காட்டினேன். அதில் “the works God requires” என்ற சொற்றொடர் இருப்பதை யாரும் மறுக்க முடியாது. ஆனால், “the works God requires” எனும் சொற்றொடர் ஏதோ எனது சொந்த மொழிபெயர்ப்பு என்பதுபோல் பெரியன்ஸ் குற்றஞ்சாட்டுகிறார்.

இப்போது பெரியன்ஸ்-க்கு சாதகமாக ஒரேயொரு வாய்ப்பு மட்டுமே உள்ளது. அது என்னவெனில்: 29-ம் வசனத்திற்கு அவர் தந்துள்ள முதலாம் மொழிபெயர்ப்பு, NIV மொழிபெயர்ப்பாக இராமல், வேறொரு மொழிபெயர்ப்பாக இருக்கவேண்டும். இதை பெரியன்ஸ் ஒத்துக்கொண்டு, அந்த வேறொரு மொழிபெயர்ப்பு எதுவென்று கூறினால், அவரை நான் கண்டித்தது நிச்சயமாக தவறுதான். அதற்காக நான் பெரியன்ஸ்-இடம் மிகுந்த மனவருத்தத்தோடு மன்னிப்பு கேட்டுக் கொள்கிறேன்.

ஆனால், அவர் தந்துள்ள முதல் மொழிபெயர்ப்பு NIV மொழிபெயர்ப்புதான் எனில், நிச்சயமாக அவர் கண்டனத்திற்குரியவர்தான். ஏனெனில் 29-ம் வசனத்தை NIV மொழிபெயர்ப்பில் பார்த்த அவர், 28-ம் வசனத்தையும் NIV மொழிபெயர்ப்பில் கட்டாயமாகப் பார்த்திருக்க வேண்டும்; அதில் “the works God requires” எனும் சொற்றொடர் இருப்பதையும் பார்த்திருக்க வேண்டும். அதைப் பார்த்த அவர், அச்சொற்றொடர் அடங்கிய 28-ம் வசனத்தை விட்டுவிட்டு, 29-ம் வசனத்தை மட்டும் போட்டது நிச்சயம் கண்டனத்திற்குரிய தவறுதான்.//

பெரியன்ஸ் தந்துள்ள 2 மொழிபெயர்ப்புகளில் முதல் மொழிபெயர்ப்பு, NIV மொழிபெயர்ப்புதான் என்பதை பின்வரும் பதிவில் அவர் ஒத்துக்கொண்டார்.

வசனத்தை மாற்றும் நித்திய ஜீவன் தளத்தின் பதிவு திரியில் 26-08-11-ல் பெரியன்ஸ்:

//உங்கள் விளக்கமும் தப்பு, உங்கள் சோர்சஸ்@@ம் தப்பு!! அவைகளில் முதல் மொழிபெயர்ப்பு NIV தான், ஆனால் இரண்டாம் மொழிபெயர்ப்பு DARBY Translation!! இதை என் பதில் பதிவில் எழுதியிருக்கிறேன்!!

//அதில் “the works God requires” என்ற சொற்றொடர் இருப்பதை யாரும் மறுக்க முடியாது. ஆனால், “the works God requires” எனும் சொற்றொடர் ஏதோ எனது சொந்த மொழிபெயர்ப்பு என்பதுபோல் பெரியன்ஸ் குற்றஞ்சாட்டுகிறார்.//

நான் குற்றஞ்சாட்டியதில் என்ன தவறு இருக்கிறது!! நீங்கள் கிரேக்க வார்த்தைகளை எடுத்துக்கொண்டு அதன் அர்த்தத்தை கூட பார்க்க நினைக்காமல், உங்கள் போதனைக்கு ஒத்து போகுது என்று the works God requires என்பது தான் Context படி சரி என்று பதிவிட்டதை தான் நான் குற்றஞ்சாட்டியிருக்கிறேன்!! நீங்கள் கொடுத்த கிரேக்க வார்த்தைகளின் அர்த்தத்தை முதலில் பார்த்து விட்டு அதன் பின் எனைவி@@@ மொழிப்பெயர்ப்பை தங்கள் பதிவுக்கு உபயோகித்து இருக்கனும்!! அதை தான் தெளிவாக என்பதில் பதிவில் முழு விவரத்துடன் பதிவிட்டிருக்கிறேன்!!

//ஆனால், அவர் தந்துள்ள முதல் மொழிபெயர்ப்பு NIV மொழிபெயர்ப்புதான் எனில், நிச்சயமாக அவர் கண்டனத்திற்குரியவர்தான். ஏனெனில் 29-ம் வசனத்தை NIV மொழிபெயர்ப்பில் பார்த்த அவர், 28-ம் வசனத்தையும் NIV மொழிபெயர்ப்பில் கட்டாயமாகப் பார்த்திருக்க வேண்டும்; //

எந்த ஒரு மொழிப்பெயர்ப்பும் பூரணமானது என்பதை நான் நம்புவதில்லை!! நீங்கள் கிரேக்க Tools வைத்திருப்பதினால் அதிலிருந்து வார்த்தையின் அர்த்தங்களை பார்த்து NIV மொழிப்பெயர்ப்பு முழுவதும் சரி தான் என்று ஆதாரம் காட்டி விட்டு, அதன் பின் என்னை கண்டித்து எழுதலாம்!! கிரேக்க வார்த்தைகளின் அர்த்தங்களை எழுதியாச்சு, அது NIVயில் இல்லாதது என் தவறு கிடையாது!! என்னமோ நான் 28ம் வசனத்தை மறைத்து அதை வேதத்திலிருந்து எடுத்துப்போட்டு வெறும் 29ம் வசனத்தை மத்திரம் காட்டி ஏமாற்றுவதான குற்றச்சாட்டு தவறானது தான்!!//

28-ம் வசனத்திற்கு NIV மொழிபெயர்ப்பு சரியில்லையாம், ஆனால் 29-ம் வசனத்திற்கு NIV மொழிபெயர்ப்பு சரிதானாம். இதில் வேடிக்கை என்னவென்றால் 2 வசனங்களிலும் உள்ள ho, ergon, ho, theos எனும் ஒரே set of words, 28-ம் வசனத்தில் “the works God requires” என்றும் 29-ம் வசனத்தில் “The work of God” என்றும் மொழிபெயர்க்கப்பட்டுள்ளன.

இப்படியிருக்க, 28-ம் வசன மொழிபெயர்ப்பை ஒதுக்கி மறைத்துவிட்டு, 29-ம் வசனத்தை மட்டும் பெரியன்ஸ் காட்டுவாராம்; அதை எந்தக் கேள்வியும் கேட்காமல் நாம் ஏற்கவேண்டுமாம். அதே வேளையில் 2 வசனங்களிலுமுள்ள மொழிபெயர்ப்பை மறைக்காமல் காட்டி எனது கருத்தைச் சொன்னால், 28-ம் வசனத்திற்கு NIV மொழிபெயர்ப்பு சரிதான் என்பதை நான் நிரூபிக்க வேண்டுமாம்.

அதாவது தனக்கு பாதகமான மொழிபெயர்ப்பை முழுமையாக மறைத்துவிட்ட பெரியன்ஸ்-ன் செயல் தவறில்லையாம்; ஆனால் எந்த மொழிபெயர்ப்பையும் மறைக்காமல், சாதகமான/பாதகமான 2 மொழிபெயர்ப்பையும் வெளியரங்கமாகக் காட்டி, அவற்றில் context-க்கு ஒத்துவருகிற மொழிபெயர்ப்பைச் சுட்டிக்காட்டிய எனது செயல் தவறாம். என்னே பெரியன்ஸ்-ன் நியாய உணர்வு?

நான் சுட்டிக்காட்டின மொழிபெயர்ப்பிலுள்ள “REQUIRES” எனும் வார்த்தைக்கு இணையான கிரேக்க வார்த்தை இல்லை என்று சொல்லி என்னைக் குற்றஞ்சாட்டின இவர், தான் சுட்டிக்காட்டின மொழிபெயர்ப்பிலுள்ள “OF” எனும் வார்த்தைக்கு இணையான கிரேக்க வார்த்தை இருக்கிறதா எனக் கவனிக்கத் தவறிவிட்டார். இத்தகவலை எனது பின்வரும் பதிவில் எடுத்துக் காட்டினேன்.

கோவை பெரியன்ஸ் தளத்தின் முரணான/குழப்பமான கூற்றுக்கள் திரியில் 26-08-11-ல் அன்பு57:

//28,29-ம் வசனங்களில் பயன்படுத்தப்பட்டுள்ள “ho(3588) ergon(2041) ho(3588) theos(2316)” எனும் set of Greek words-ல் சர்ச்சைக்கு இடமான “ho(3588)” எனும் வார்த்தைக்கு, அகராதியில் என்ன அர்த்தம் கொடுக்கப்பட்டுள்ளது என்பதைப் பார்ப்போம்.

இவ்வார்த்தைக்கு அகராதி மூலம் பெரியன்ஸ் தந்துள்ள அர்த்தம்:

ho(3588)
Original Word: ὁ, ἡ, τό
Part of Speech: Definite Article
Transliteration: ho, hé, to
Phonetic Spelling: (ho)
Short Definition: the
Definition: the, the definite article.

இதே வார்த்தைக்கு Strong's Dictionary-ல் கொடுக்கப்பட்டுள்ள அர்த்தம்:

ho (ho); including the feminine he (hay); and the neuter to (to); in all their inflections; the def. article; the (sometimes to be supplied, at others omitted, in English idiom):

KJV - the, this, that, one, he, she, it, etc..

இந்த 2 அகராதியிலும் of எனும் ஆங்கில வார்த்தை காணப்படவில்லை. ஆனால் 29-ம் வசனத்தைப் பொறுத்தவரை NIV-யிலும் சரி, மற்ற பல ஆங்கில மொழிபெயர்ப்புகளிலும் சரி, of எனும் வார்த்தைதான் பயன்படுத்தப்பட்டுள்ளது. அகராதியில் இல்லாத ஒரு வார்த்தையை எப்படி பல ஆங்கில மொழிபெயர்ப்பாளர்கள் பயன்படுத்தினார்கள் என்பதற்கான விளக்கத்தைத் தரும்படி சகோ.பெரியன்ஸ்-இடம் வேண்டுகிறேன்.//

இத்தகவலை எடுத்துக்காட்டி, பெரியன்ஸ்-இடம் கேள்விகேட்டு 6 நாட்களாகிவிட்டன. ஆனால் இதுவரை பதிலில்லை. ஆரம்பத்தில் என்னை அபாண்டமாகக் குற்றஞ்சாட்டி  “நான் விளக்கம் சொல்லியேயாக வேண்டும்” என மிக ஆர்ப்பட்டமாகத் துள்ளிக் குதித்தவர் இப்போது 6 நாட்களாக அடங்கிக் கிடப்பதேனோ?

ஒருவேளை “நித்திய ஜீவன் தளம் வசனத்தை மாற்றவில்லை, மொழிபெயர்ப்புத் தவறால்தான் இப்பிரச்சனை” என்பதை அவர் உணர்ந்திருந்தால் “வசனத்தை மாற்றும் நித்திய ஜீவன் தளத்தின் பதிவு” எனும் அபாண்டமான குற்றச்சாட்டு அடங்கிய தலைப்பை அவர் மாற்றவேண்டுமல்லவா? ஆனால் இதைச் செய்யாமல் அவர் வாளாவிருப்பதேனோ?