நித்திய ஜீவன்

anbu57 · Militant

ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,

anbu57 · Militant

//வசனம் சொல்லுவதை சொல்லுகிறோம், அதை ஏற்கும் தன்மை தேவனின் ஆவியினால் மாத்திரமே ஏற்படும்!!//

ஆம், நானும் வசனம் சொல்வதைத்தான் சொல்கிறேன், அதை ஏற்கும் தன்மை தேவனின் ஆவியினால் மாத்திரமே ஏற்படும். நான் சொல்கிற வசனம்:

வெளி. 20:6 முதலாம் உயிர்த்தெழுதலுக்குப் பங்குள்ளவன் பாக்கியவானும் பரிசுத்தவானுமாயிருக்கிறான்; இவர்கள்மேல் இரண்டாம் மரணத்திற்கு அதிகாரமில்லை;

வெளி. 21:8 பயப்படுகிறவர்களும், அவிசுவாசிகளும், அருவருப்பானவர்களும், கொலைபாதகரும், விபசாரக்காரரும், சூனியக்காரரும், விக்கிரகாராதனைக்காரரும், பொய்யர் அனைவரும் இரண்டாம் மரணமாகிய அக்கினியும் கந்தகமும் எரிகிற கடலிலே பங்கடைவார்கள்.

பெரியன்ஸ்:

//அப்படி என்றால் ஒரே தரம் மட்டுமே மரிப்பது என்பது தேவனின் நியமனம் இல்லாமல் பவுலுக்கு தோன்றியதை எழுதியிருக்கிறாரோ!!??//

எபிரெயர் நிருபத்தின் ஆக்கியோன் பவுல்தான் என்பது திட்டமாகத் தெரியாத விஷயம். ஆகிலும் இது தற்போதைய பிரச்சனையில்லை.

ஒரேதரம் மரிப்பது எனும் தேவநியமனத்தின் அர்த்தம் என்ன என்பதை சரியான கோணத்தில் புரிந்துகொள்வதற்காகவே அதற்கு முரணாகத் தோன்றும் வசனங்களின் அடிப்படையில் பல கேள்விகளை எழுப்பியுள்ளேன். அவற்றிற்கு நேரடியான பதிலும்/விளக்கமும் தந்தால் போதுமானது. அதை விடுத்து “அவர் இப்படி எழுதினாரா”, “இவர் அப்படி எழுதினாரா” என்பது போன்ற சாரமற்ற கேள்விகள் தேவையில்லை.

ஒரேதரம் மரிப்பது என்றால் “ஒரே தரம் தான்” என பெரியன்ஸ் சாதிக்கிறார். அப்படியானால் லாசரு 2-தரம் மரித்தது எப்படி, சூனேமியாளின் மகன் 2-தரம் மரித்தது எப்படி எனக் கேள்வி கேட்டால், அது “உயிர்த்தெழுதலை நிரூபிப்பதற்காக” என வியாக்கியானம் செய்கிறார். ஆனால் வசனம் எதுவும் அப்படிச் சொல்லவில்லையே! உயிர்த்தெழுதலை நிரூபிப்பதற்காகத்தான் லாசருவும் சூனேமியாளின் மகனும் உயிரோடெழுப்பப்பட்டனர் என எந்த வசனமும் சொல்லவில்லையே!

சூனேமியாளின் துக்கத்தைப் போக்குவதற்காகத்தான் அவளது மகனை எலிசா எழுப்பினார் என்றுதான் அச்சம்பவத்தின் மூலம் நாம் புரிந்துகொள்ள வாய்ப்புள்ளதேயன்றி, உயிர்த்தெழுதலை நிரூபிப்பதற்காக எலிசா அதைச் செய்ததாக புரிந்துகொள்ள வாய்ப்பில்லை (2 ராஜா. 4:27).

லாசருவின் சகோதரியின் துக்கத்தைப் போக்குவதற்காகத்தான் லாசருவை இயேசு எழுப்பினார் என்றுதான் அச்சம்பவத்தின் மூலம் நாம் புரிந்துகொள்ள வாய்ப்புள்ளதேயன்றி, உயிர்த்தெழுதலை நிரூபிப்பதற்காக இயேசு அதைச் செய்ததாக புரிந்துகொள்ள வாய்ப்பில்லை (யோவான் 11:33).

ஒரேதரம் மரித்தல் என்பது அனைவருக்குமான தேவநியமனம் என பெரியன்ஸ் மிகவும் வலியுறுத்திச் சொல்கிறார். அப்படி அவர் சொன்னால், அதில் எக்காரணத்திற்காகவும் எந்த மாற்றமும் கண்டிப்பாக இருக்கக்கூடாது என்பதே எனது வாதம். ஆனால் பெரியன்ஸோ, தன் வசதிக்கேற்ப ஒருசிலர் மட்டும் 2-தரம் மரித்ததை ஏதோ விளக்கத்தைச் சொல்லி நியாயப்படுத்துகிறார்.

பெரியன்ஸ்:

//ஏனோக்குடைய நாளெல்லாம் என்றால் ஏனோக்கு வாழ்ந்த நாட்கள் 365 வருடங்கள்!! அவன் வாழ்ந்தது அத்துனை வருடங்கள் என்றால் அதன் பின் அவன் மரித்து போனான் என்று புரிந்துக்கொள்ள தனிப்பட்ட அறிவின் அவசியம் கிடையாது!! மேலும் தமிழில் "காணப்படாமற்போனான்" என்கிற வார்த்தை தமிழில் எங்கே இருந்து வந்தது என்று தெரியவில்லை, அன்பு அவர்கள் மூல பாஷையை பார்ப்பவராயிற்றே, இப்படி இல்லாத வார்த்தையுடன் வசனத்தை சுட்டி காண்பித்து எபிரேயர் 9:27ல் சொல்லப்பட்ட ஒரே தரம் மரணம் என்பது தவறு என்று சொல்ல விரும்பிகிறீர்களோ!!//

ஏனோக்கு காணப்படாமற்போனாரா, காணப்பட்டு போனாரா என்ற ஆராய்ச்சிக்கு நான் வரவில்லை. அவர் மரித்ததாக வேதாகமம் சொல்லவில்லை என்பதுதான் எனது வாதம். அவர் 365 வருடங்கள் இப்பூமியில் வாழ்ந்தார் என்று மட்டுமே வேதாகமம் சொல்கிறது.

ஆதியாகமம் 5-ம் அதிகாரத்தில் கூறப்பட்டுள்ள வம்ச வரலாற்றைக் கவனமாகப் படித்தால், ஏனோக்கிற்கு முன்/பின் வம்சத்தார் யாவரையும் “அவன் மரித்தான்” என specific-ஆக வேதாகமம் கூறுவதைக் கவனிக்கலாம். ஆனால் ஏனோக்கின் விஷயத்தில் மட்டும் “அவர் மரித்ததாகக்” கூறாமல், “அவர் எடுத்துக்கொள்ளப்பட்டார்” எனக் கூறுகிறது. இது நிச்சயமாக ஒரு வித்தியாசமான குறிப்புதான். மேலும் “ஒரேதரம் மரிப்பது” எனும் தேவநியமனத்தை எழுதின அதே “எபிரெய நிருப ஆக்கியோன்”, “ஏனோக்கு மரணத்தைக் காணவில்லை” என்றும் எழுதியுள்ளார்.

எபிரெயர் 11:5 விசுவாசத்தினாலே ஏனோக்கு மரணத்தைக் காணாதபடிக்கு எடுத்துக்கொள்ளப்பட்டான்; தேவன் அவனை எடுத்துக்கொண்டபடியினாலே, அவன் காணப்படாமற்போனான்;

இதற்குப் பின்னரும் “ஏனோக்கு மரித்தார்” என்றுதான் பெரியன்ஸ் சொல்லப்போகிறாரா?

பெரியன்ஸ்:

//அவன் வாழ்ந்தது அத்துனை வருடங்கள் என்றால் அதன் பின் அவன் மரித்து போனான் என்று புரிந்துக்கொள்ள தனிப்பட்ட அறிவின் அவசியம் கிடையாது!!//

பெரியன்ஸ்-ன் அறிவு புரிந்துகொண்டதை, எபிரெய ஆக்கியோனின் அறிவு புரிந்துகொள்ளவில்லையே! அவர் “ஏனோக்கு மரணத்தைக் காணவில்லை” என்றல்லவா சொல்கிறார்? உண்மையில் பெரியன்ஸ்-ன் “புரிந்து கொள்ளும் அறிவு” அபாரம் தான்.

பெரியன்ஸ்:

//ஒன்று எபிரேயர் 9:27 தப்பு என்று சொல்லிவட வேண்டியது தானே,//

எபிரெயர் 9:27 தப்பு எனச் சொல்வது எனது நோக்கமல்ல. இதைக்கூட ஏனோ பெரியன்ஸ்-ஆல் புரிந்துகொள்ள இயலவில்லை.

பெரியன்ஸ்:

//நாம் அனைவரும் நித்திரயடைந்து நீண்ட நாட்கள் இருக்காமல், நொடிப்பொழுதிலோ, ஒரு நிமிஷத்தில் மறுரூபமாவோம் என்கிறார்!//

அதாவது “நித்திரையடைவதில்லை” எனும் வார்த்தைக்கு, “நித்திரையடைந்து நீண்ட நாட்கள் இருக்காமல்” என்கிற வினோதமான அர்த்தத்தை பெரியன்ஸ் சொல்கிறார். தனது “தவறான” கொள்கையை நிலைநாட்ட வசனத்தின் கருத்தை பெரியன்ஸ் எப்படியெல்லாம் வளைக்கிறார் என்பதற்கு இது ஒரு நல்ல உதாரணம்.

நித்திரையடையவில்லை என்றால் நித்திரையடையவில்லைதான். “இல்லை” எனும் வார்த்தைக்கு கிரேக்கில் பயன்படுத்தப்பட்டுள்ள “ou” எனும் வார்த்தையின் அர்த்தம் “absolute negative (முழுமையான எதிர்மறை)” என்பதாகும். எனவே “இல்லை” என்றால் “இல்லை” தான். No other compromises allowed.

கிறிஸ்துவின் 2-ம் வருகையின்போது உயிரோடிருக்கிற பரிசுத்தவான்கள் மரிக்காமல் நொடிப்பொழுதில் மறுரூபமடைவார்கள் என்பது வேதாகமம் சொல்கிற மறுக்கமுடியாத உண்மை.

மறுரூபமடைபவர்களைக் குறித்து வினோதமான விளக்கத்தைத் தருகிற பெரியன்ஸ், மறுரூபமாகாத மற்றவர்களைக் குறித்து என்ன சொல்லப்போகிறார்? இவர்கள் அத்தனை பேரும் ஒரு நொடிப்பொழுதில் மரித்து, நீண்ட நாட்கள் இருக்காமல், உடனடியாக உயிர்த்தெழுந்துவிடுவார்கள் என்பாரோ?

அடுத்து, பின்வரும் வசனத்திற்கு பெரியன்ஸ் தந்துள்ள விளக்கத்தைப் பார்ப்போம்.

2 தீமோ. 4:1 நான் தேவனுக்கு முன்பாகவும், உயிரோடிருக்கிறவர்களையும் மரித்தவர்களையும் நியாயந்தீர்க்கப்போகிற கர்த்தராகிய இயேசுகிறிஸ்துவுக்கு முன்பாகவும், ...

இவ்வசனத்தின் அடிப்படையில் நான் கேட்ட கேள்வி:

//ஒரு தரம் மரித்தபின்தானே நியாயத்தீர்ப்பு என எபிரெயர் 9:27 கூறுகிறது? ஆனால் உயிரோடிருப்பவர்களுக்கும் நியாயத்தீர்ப்பு என பவுல் சொல்கிறாரே, அது எப்படி?//

இதற்கு பெரியன்ஸ்-ன் பதில்:

//நியாயத்தீர்ப்பு என்பதே உயிர்த்தெழுந்த பின் நடக்கும் காரியம் தான்!! அப்பொழுது எல்லாரும் உயிரோடு தான் இருப்பார்கள்!!//

மரித்தவர்கள் உயிர்த்தெழுவார்கள் என்பது அனைவரும் அறிந்ததுதான். ஆனால் மரிக்காமல் உயிரோடிருப்பவர்களைப் பற்றி 2 தீமோ. 4:1-ல் பவுல் கூறுகிறாரே, அதற்கு என்ன பதில்? என்பதுதான் எனது கேள்வி. இதற்கு பதில் சொல்லாமல், சம்பந்தமில்லாத எதையோ பெரியன்ஸ் கூறுகிறார்.

2 தீமொ. 4:1 -ல் 2 பிரிவினரைக் குறித்து பவுல் கூறுகிறார். 1. மரித்தவர்கள், 2. உயிரோடிருக்கிறவர்கள் (அதாவது மரிக்காமல் உயிரோடிருக்கிறவர்கள்).

முதல் பிரிவினரைப் பற்றி கேள்வியில்லை. ஏனெனில் இவர்கள் எபிரெயர் 9:27-ன்படி ஒரு தரம் மரித்துவிட்டனர். 2-வது பிரிவினரைக் குறித்துதான் எனது கேள்வி. இவர்களை உயிரோடிருப்பவர்கள் என பவுல் சொல்வதால், இவர்கள் ஒரு தரம் கூட மரிக்கவில்லையே என்பதுதான் எனது கேள்வி.

மொத்தத்தில் எனது எந்தக் கேள்விக்குமே திருப்தியான/சரியான பதிலை/விளக்கத்தை பெரியன்ஸ் தரவில்லை.

எனது நோக்கம் எபிரெயர் 9:27-ஐ தவறு என நிரூபிப்பதல்ல. அவ்வசனம் சொல்வதை சரியான கோணத்தில் நாம் புரிந்துகொள்ள வேண்டும் என்பதே எனது நோக்கம்.

anbu57 · Militant

பெரியன்ஸ்:

//வெளி. 20:6 முதலாம் உயிர்த்தெழுதலுக்குப் பங்குள்ளவன் பாக்கியவானும் பரிசுத்தவானுமாயிருக்கிறான்; இவர்கள்மேல் இரண்டாம் மரணத்திற்கு அதிகாரமில்லை;

முதலாம் உயிர்த்தெழுதல் என்பது இங்கே எண்ணிக்கையை குறிப்பிடும் முதல் அல்ல!! முதலாம் என்றால் பிரதான அல்லது முதல் தரம்!!

Original Word: πρῶτος, η, ον
Part of Speech: Adjective
Transliteration: prótos
Phonetic Spelling: (pro'-tos)
Short Definition: first, before
Definition: first, before, principal, most important.

NASB Word Usage
before (3), best (1), first (128), first of all (2), first importance (1), first man (1), first one (1), first things (1), first time (1), foremost (5), leading (2), leading man (1), leading men (5), outer (3), previous (1).

ஏனென்றால் முதலாம் உயிர்த்தெழுதலில் பங்கு பெறுபவர்கள் சாகாமையை பெற்றுக்கொள்வார்கள், கிறிஸ்துவின் சாயலில் இருப்பார்கள்!! எப்படி கிறிஸ்து சாகாமையை அடைந்திருக்கிறாரோ, அப்படியே இந்த முதலாம் தரம் உயிர்த்தெழுதல் பெறுவோர் அதே சாகாமையை பெற்றுக்கொள்வார்கள்!! இவர்கள்மேல் இரண்டாம் மரணத்திற்கு அதிகாரம் இல்லை என்று தானே இருக்கிறது, நீங்களாகவே உங்கள் "அறிவை" கொண்டு அப்படி என்றால் மற்றவர்களுக்கு இரண்டாம் மரணம் தான் என்கிற முடிவில் இருப்பதற்கு நான் என்ன செய்ய முடியும்!!//

முதலாம் உயிர்த்தெழுதல் பற்றிய பெரியன்ஸ்-ன் விளக்கத்திற்கு பாராட்டுக்கள். ஆனால் தற்போதைய கேள்வி “எது முதலாம் உயிர்த்தெழுதல்” என்பதல்ல. உயிர்த்தெழுதல் எனும் வார்த்தை நம்மை மிரட்டுகிற ஒரு வார்த்தையல்ல. அது எப்படியிருந்தாலும் யாருக்கும் எந்தப் பாதகமும் இல்லை. அது பெரியன்ஸ் சொல்வதைப் போலவே இருந்துவிட்டுப் போகட்டும். அதை எதிர்த்து நான் எதுவும் சொல்லப்போவதில்லை, அது இப்போது அவசியமுமில்லை.

ஆனால் மரணம் என்பது நம்மை மிரட்டுகிற ஒரு வார்த்தையாக உள்ளது. அந்த வார்த்தையைக் குறித்து ஆதாம் அச்சம் கொள்ளாததால்தான், சாத்தான் சொன்ன பொய்வார்த்தையை நம்பி, தானும் மரணத்திற்குள்ளாகி தன் சந்ததியையும் மரணத்திற்குள்ளாகி விட்டார்.

எனவே நாம் ஆதாமைப் போலிராமல், “இரண்டாம் மரணம்” என வேதாகமம் சொல்வதைக் குறித்து அச்சம் கொள்ளத்தான் வேண்டும். ஒருவேளை பெரியன்ஸ் போன்ற சிலரது அதிமேலான புத்திக்கு “இரண்டாம் மரணம்” என்பது “மரணமல்ல”, அது “மரணத்தின் மரணம், systems-ன் மரணம்” எனத் தோன்றலாம். அவர்கள் சொல்வது சரியாகவே இருந்தால் மிகவும் சந்தோஷம்தான். ஆனால் ஒருவேளை தவறாகிப் போனால்?

சாத்தான் சொன்னது சரியாக இருக்கும் என நம்பித்தான் ஆதாம் ஏமாந்து போனார். அதுபோலவே பெரியன்ஸ் சொல்வது சரியாக இருக்கும் என நம்பி நாம் ஏமாந்து போகக்கூடாதல்லவா? எனவேதான் “இரண்டாம் மரணம்” என்பது இப்படியாகவும் இருக்க வாய்ப்புள்ளது, அன்று சாத்தான் சொன்னதை நம்பி ஆதாம் ஏமாந்ததைப்போல் இன்று பெரியன்ஸ் சொல்வதை நம்பி நம்மில் யாரும் ஏமாந்து போகவேண்டாம் என நான் எச்சரிக்கிறேன்.

மனிதர்களின் அழிவை நான் விரும்புவதால்தான் நான் அழிவைக் குறித்து சொல்கிறேனாம், மனிதர்கள் மேல் அன்புகொண்டு அவர்களின் ஜீவனையே பெரியன்ஸ் விரும்புவதால் ஜீவனைக்குறித்து பெரியன்ஸ் பேசுகிறாராம்.

அவரது இக்கூற்று, ஆதியில் தேவனும் சாத்தானும் ஆதாமிடம் சொன்னதைத்தான் நினைவுபடுத்துகிறது.

கனியைப் புசித்தால் சாகவே சாவாய் என தேவன் ஆதாமிடம் கூறினார். பெரியன்ஸ்-ன் கூற்றுப்படி தேவன் ஆதாமின் அழிவை விரும்பியதால்தான் அப்படிச் சொல்லியிருப்பார் போலும். கனியைப் புசித்தால் சாகவே சாவதில்லை என சாத்தான் ஏவாள் மூலம் ஆதாமிடம் சொன்னான். பெரியன்ஸ்-ன் கூற்றுப்படி சாத்தான் தான் மனிதனிடம் மிகவும் அன்புள்ளவன். ஏனெனில் அவன்தான் அழிவைக்குறித்து சொல்லாமல், அழிவின்மையைக் குறித்து சொன்னான். சாத்தானைப் பின்பற்றி இன்று பெரியன்ஸ்-ம் அழிவின்மையைக் கூறுகிறார், எல்லோருக்கும் நித்திய ஜீவன் என்கிறார்.

இவர் சொல்வதை நம்புவதும் நம்பாததும் அவரவர் விருப்பம். ஆனால் இவர் சொல்வதை நம்பி, ஒருவேளை சாத்தான் சொன்னதைப் போல இவர் சொல்வதும் பொய்யாகிப்போனால் நம் நிலை என்னாகும் என்பதை சிந்தித்துப்பார்க்கும்படி அனைவரையும் வேண்டுகிறேன்.

anbu57 · Militant

RE: ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,

anbu57 · Militant

ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,

anbu57 · Militant

இனி, எபிரெயர் 9:27-ன் கருத்தை தியானிப்போம்.

எபிரெயர் 9:27 ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே, ...

இவ்வசனம் கூறுகிற நியமனம் எந்த விதிவிலக்குமின்றி அப்படியே நடந்துதானாக வேண்டுமென நினைத்தால், இவ்வசனம் பல வேதவசனங்களோடு முரண்படத்தான் செய்யும்.

ஒரு மனிதனால் தண்ணீர்மீது நடக்க இயலாது என்பது பொதுவான ஒரு விதி. ஆனால் இவ்விதிக்கு மாறாக இயேசு தண்ணீர்மீது நடந்தார், பேதுருவும் நடந்தார். இதனால், “மனிதனால் தண்ணீர்மீது நடக்க இயலாது” எனும் விதி பொய்யெனச் சொல்லக்கூடாது. மாறாக, “இயேசுவும் பேதுருவும் அற்புதமாக தண்ணீரில் நடந்தனர்” என்றுதான் சொல்லவேண்டும்.

இன்னுமொரு உதாரணம்: அக்கினிக்குள் போடப்படுகிற பொருட்கள் எரிந்து சாம்பலாகும் என்பது பொதுவான ஒரு விதி. ஆனால் அக்கினிக்குள் போடப்பட்ட சாத்ராக், மேஷாக், ஆபேத்நேகோ என்பவர்கள் அக்கினியில் எரியாமலும் அக்கினியின் வாசம்கூட இல்லாமலும் இருந்ததாக வேதாகமத்தில் படிக்கிறோம். இதற்குக் காரணமென்ன? அவர்களுக்கு நடந்தது ஓர் அற்புதம்.

பொதுவான விதிக்கு மாறாக நடப்பதுதான் அற்புதம்; பொதுவான விதிக்கு உட்பட்டு நடப்பது அற்புதமல்ல.

எப்படி பொதுவான விதிக்கு மாறாக இயேசுவும் பேதுருவும் அற்புதமாக தண்ணீரில் நடந்தனரோ, எப்படி பொதுவான விதிக்கு மாறாக சாத்ராக், மேஷாக், ஆபேத்நேகோ என்பவர்கள் அற்புதமாக அக்கினியில் எரியாமல் இருந்தனரோ, அப்படித்தான் ஒரேதரம் மரிக்கவேண்டும் எனும் பொதுவான நியமனத்துக்கு மாறாக ஏனோக்கு அற்புதமாக மரணத்தைக் காணாமல் எடுத்துக் கொள்ளப்பட்டார், லாசரு மற்றும் சூனேமியாளின் மகன் அற்புதமாக உயிர்த்தெழுந்து 2 தரம் மரித்தனர்.

எனவே ஏனோக்கு மரணத்தைக் காணாதிருந்தது, லாசரு மற்றும் சூனேமியாளின் மகன் 2 தரம் மரித்தது போன்ற சம்பவங்கள் எபிரெயர் 9:27-ன் பொதுவான நியமனத்தைப் பொய்யாக்குவதில்லை.

இனி, 2 தீமோ. 4:1 மற்றும்1 கொரி. 15:51,52 வசனங்களில் பவுல் சொல்வதைப் பார்ப்போம்.

2 தீமோ. 4:1 நான் தேவனுக்கு முன்பாகவும், உயிரோடிருக்கிறவர்களையும் மரித்தவர்களையும் நியாயந்தீர்க்கப்போகிற கர்த்தராகிய இயேசுகிறிஸ்துவுக்கு முன்பாகவும், ...

இவ்வசனத்தில் பவுல் கூறுகிற 2-பிரிவினருமே “பரிசுத்தவான்களல்லாதவர்கள்” என்பதை முதலாவதாக நாம் அறியவேண்டும். பரிசுத்தவான்கள் எனப்படுவோர் மற்றவர்களை நியாயந்தீர்ப்பவர்களாகத்தான் இருப்பார்களேயொழிய, அவர்கள் நியாயத்தீர்க்கப்படுவோராக இருக்க மாட்டார்கள். இதற்கான ஆதாரம்:

1 கொரி. 6:2 பரிசுத்தவான்கள் உலகத்தை நியாயந்தீர்ப்பார்களென்று அறியீர்களா? உலகம் உங்களால் நியாயந்தீர்க்கப்படுவதாயிருக்க, அற்ப வழக்குகளைத் தீர்க்க நீங்கள் அபாத்திரரா?

வெளி. 20:6 முதலாம் உயிர்த்தெழுதலுக்குப் பங்குள்ளவன் பாக்கியவானும் பரிசுத்தவானுமாயிருக்கிறான்; இவர்கள்மேல் இரண்டாம் மரணத்திற்கு அதிகாரமில்லை; இவர்கள் தேவனுக்கும் கிறிஸ்துவுக்கும் முன்பாக ஆசாரியராயிருந்து, அவரோடேகூட ஆயிரம் வருஷம் அரசாளுவார்கள்.

எனவே 2 தீமோ. 4:1-ல் பவுல் கூறுகிற 2 பிரிவினருமே “பரிசுத்தவான்களல்லாதவர்கள்தான்”. அவர்கள்:

1. இயேசுவின் 2-ம் வருகையின்போது இவ்வுலகில் உயிரோடிருப்பவர்கள்.

2. இயேசுவின் 2-ம் வருகைக்கு முன்னர் மரித்துப்போனவர்கள்.

மரித்துப்போன 2-வது பிரிவினர் உயிர்ப்பிக்கப்பட்டு நியாயத்தீர்ப்பை அடைவார்கள்; உயிரோடிருக்கிற முதல் பிரிவினர் நேரடியாக நியாயத்தீர்ப்பை அடைவார்கள்.

கிறிஸ்துவின் பாவநிவாரணபலியால் மரணம் ஜெயமாக விழுங்கப்பட்டுவிட்டதால், அதன் பின்னர் எல்லோரது மரணமும் தற்காலிக மரணமாக மாறிவிட்டது. அதாவது எல்லோருமே உயிர்த்தெழுவார்கள் எனும் உத்தரவாதம் கிடைத்துள்ளது. எனவே மரித்து, உயிர்த்தெழுந்து, நியாயத்தீர்ப்படைவது என்பதும், மரிக்காமல் நேரடியாக நியாயத்தீர்ப்படைவது என்பதும் ஒன்றுக்கொன்று சமமானவைகளே.

கிறிஸ்துவின் 2-ம் வருகைக்குப்பின் உடனடியாக நியாயத்தீர்ப்பு நடக்கவிருப்பதால், கிறிஸ்துவின் வருகையின்போது உயிரோடிருப்பவர்கள் மரிக்க வேண்டிய அவசியம் இல்லை. இது எபிரெயர் 9:27-ன் நியமனத்திற்கு மாறானதுதான். ஆனால் இந்த மாற்றத்தை விதிவிலக்கு எனச் சொல்வதைவிட, இயேசுவின் 2-ம் வருகையையொட்டி உலகில் உண்டாகும் பல நியமன மாறுதல்களில் இதுவும் ஒன்று எனக் கூறலாம்.

இயேசுவின் 2-ம் வருகையையொட்டி இவ்வுலகில் உண்டாகும் நியமன மாறுதல்களில் சில:

1. சூரியன் அந்தகாரப்படும், சந்திரன் ஒளியைக் கொடாதிருக்கும், நட்சத்திரங்கள் வானத்திலிருந்து விழும் (மத்தேயு 24:29)

2 மரித்தவர்கள் அனைவரும் உயிர்த்தெழுவார்கள் (1 கொரி. 15:22,23,52; வெளி. 20:6).

மரித்தவர்கள் அனைவரும் இயேசுவின் 2-ம் வருகை வரை மரித்த நிலையிலேயே இருப்பார்கள். இதுதான் எல்லோருக்குமான நியமனம். ஆனால் இயேசுவின் வருகையின்போது இந்நியமனம் மாறி, மரித்தவர்கள் அனைவரும் உயிர்த்தெழுதலை அடைவார்கள்.

இதேவிதமாகத்தான் எபிரெயர் 9:27-ன் நியமனமும் இயேசுவின் 2-ம் வருகையின்போது சற்று மாறுகிறது. அதாவது ஒரு தரம் மரித்து உயிர்த்தெழுந்து நியாயத்தீர்ப்படையும் நியமனமானது, மரிக்காமல் அப்படியே நேரடியாக நியாயத்தீர்ப்படையும் நியமனமாக மாறுகிறது.

இது ஒரு நியமன மாறுதல் மட்டுமேயொழிய, நியமனத்திற்கு முரணானது அல்ல.

அடுத்து, 1 கொரி. 15:51,52-ல் பவுல் கூறுவதைப் பார்ப்போம்.

1 கொரி. 15:51 இதோ, ஒரு இரகசியத்தை உங்களுக்கு அறிவிக்கிறேன்; நாமெல்லாரும் நித்திரையடைவதில்லை; ஆகிலும் கடைசி எக்காளம் தொனிக்கும்போது, ஒரு நிமிஷத்திலே, ஒரு இமைப்பொழுதிலே, நாமெல்லாரும் மறுரூபமாக்கப்படுவோம். 52 எக்காளம் தொனிக்கும், அப்பொழுது மரித்தோர் அழிவில்லாதவர்களாய் எழுந்திருப்பார்கள்; நாமும் மறுரூபமாக்கப்படுவோம்.

இவ்வசனங்களில் கூறப்பட்டுள்ளோர் அனைவரும் பரிசுத்தவான்கள். இவர்களிலும் 2 பிரிவினர் உண்டு.

1. இயேசுவின் 2-ம் வருகையின்போது இவ்வுலகில் உயிரோடிருப்பவர்கள்.

2. இயேசுவின் 2-ம் வருகைக்கு முன்னர் மரித்துப்போனவர்கள்.

முதல் பிரிவினர்தான் “நித்திரையடைவதில்லை” எனப் பவுல் கூறுகிறார். இவர்கள்மீது 2-ம் மரணத்திற்கு அதிகாரம் இல்லாதிருக்கத்தக்கதாக (வெளி. 20:6), இவர்களின் சரீரம் மறுரூபமடைந்து அழிவில்லாததாக மாறும்.

அவ்வாறே, 2-வது பிரிவினர் மீதும் 2-ம் மரணத்திற்கு அதிகாரம் இல்லாதிருக்கத்தக்கதாக, இவர்களும் அழிவில்லாதவர்களாக உயிர்த்தெழுவார்கள்.

ஆக, மரித்து அழிவில்லாதவர்களாக உயிர்த்தெழுவோரும் மரிக்காமல் மறுரூபமடைவோரும் சமமான நிலையில் இருப்பார்கள்.

இயேசுவின் 2-ம் வருக்கைக்கு முன் மரித்த பரிசுத்தவான்களுக்கு மரித்து உயிர்த்தெழுந்து அழியாமையை அடைதல் என இருந்த நியமனம், இயேசுவின் 2-ம் வருகையின்போது உயிரோடிருக்கும் பரிசுத்தவான்களுக்கு மரிக்காமல் அழியாமையை அடைதல் எனும் நியமனமாக மாறிவிடும்.

இவையெல்லாம் இயேசுவின் 2-ம் வருகையையொட்டிய நியமன மாறுதல்கள். இதைக் குறித்து நாம் கேள்வி கேட்க முடியாது.

சுருக்கமாகச் சொல்லப்போனால்:

1. ஏனோக்கு மரணத்தைக் காணாததும் லாசரு மற்றும் சூனேமியாளின் மகன் 2 தரம் மரித்ததும் எபிரெயர் 9:27-ன் நியமனத்திற்கு விதிவிலக்கான சம்பவங்களாகும்.

2. இயேசுவின் 2-ம் வருகையின்போது உயிரோடிருக்கிற பரிசுத்தவான்கள் நித்திரையடையாமல் மறுரூபமடைவதும், பரிசுத்தவான்களல்லாதவர்கள் மரிக்காமல் நேரடியாக நியாயத்தீர்ப்படைவதும் இயேசுவின் 2-ம் வருகையையொட்டிய நியமன மாறுதல்களேயொழிய, எபிரெயர் 9:27-ன் நியமனத்திற்கு எதிரானவையல்ல.

anbu57 · Militant

RE: ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,

aryadasan · Member

anbu57 wrote:
10. 8-ம் குறிப்பில் கூறப்பட்டுள்ள பரிசுத்தவான்கள், 1000 வருட அரசாட்சியில் கிறிஸ்துவோடுகூட இவ்வுலகை ஆளுவார்கள்/நியாய்ந்தீர்ப்பார்கள்.

ஐயா அருமையாக தொகுத்து கொடுத்திருக்கிறீர்கள்; பைபில் முழுவதையும் படித்தது போலிருக்கிறது. ஒரு சந்தேகம்,

"ஆனாலும், கடைசி நாட்களில்... சகல ஜனங்களும் தங்கள் தங்கள் தேவனுடைய நாமத்தைப் பற்றிக்கொண்டு நடப்பார்கள்; நாங்களும் எங்கள் தேவனாகிய கர்த்தருடைய நாமத்தைப் பற்றிக்கொண்டு என்றென்றைக்குமுள்ள சதாகாலங்களிலும் நடப்போம்." (மீகா.4:1,5)

ஐயா, மேலே போடப்பட்ட பைபில் வசனப்படி கர்த்தருடைய 1000 வருட ஆட்சியில் எல்லா தெய்வ வழிபாடும் கோவில்களும் வழக்கம்போல நடைபெறுமல்லவா..?

anbu57 · Militant

ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,

aryadasan · Member

RE: ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,

anbu57 · Militant

ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,

anbu57 · Militant

RE: ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே,